อีซยา 1:9 - Northern Pwo Karen Thai Bible

⁹ กแช่ยาเว ซึ้คู ดูทึชองทึ เมะ ล นี่ อางกี ล้างลื๊อ เอะ เฆ้อ โพล้ง ล น้าง แบ นอ เฆ้อ นอ ก ม เก บี่ซุ้ดี๊ เว่งโซโดง ดี๊ เก บี่ซุ้ดี๊ เว่ง โกโมรา นอ ล้อ

อีซยา 1:9 ပူးပေါင်းရင်းမြစ်များ

ทอคางไท้ะ 18:26

กแช่ยาเว ไจ้ะเว๊, “ลู่ง เว่ง โซโดง พ้า นอ, ก เมะ แด โพล้ง แบกซ้ะ โอ อ แฌ้ เย่ ชี๊ง นอ, ก ม อางกีโท่ไฆวะ เว่ง นอ น๊าง เว่ง, ลู่ง อ ซื๊งเว๊ อ ฌ่าง”

ทอคางไท้ะ 18:32

อ เว๊ ไจ้ะเว๊, “อวีงซ้ะชู้, ทอดูทึโท๊ทึกแช่ ซ้ะทาง ล ฌี้ เฆาะ, จ อางท่าง อางจ้ะ แน้ ล พ๊า แย๊ อี้ง เด้าะ ล้อ, ไล่ดุ้ น แด โพล้ง อ แฌ้ ล ชี๊ง เฆาะ พี่ นอ บ่อ”, กแช่แยว้ ไคล้ช๊า-อ้ะ ไจ้ะเว๊, “ลู่ง โพล้ง อ แฌ้ ล ชี๊ง อ ฌ่าง นอ, ก ล แม้ เฌ๊ฌ้อง แบ”

ทอคางไท้ะ 19:24

ฌ้อง นอ กแช่ยาเว ดึ้ เกม๊า มีอ้าแพลแช๊ ดี๊ มี, เฌ๊นี่ ดี๊ กแช่ยาเว, โอนี่ ลู่ง มุ้คู, ล้างเทะ แบ เว่ง โซโดง ดี๊ เว่ง โกโมรา นอ ล้อ

1​กจุ้แฆว้ 19:18

แบเด้าะ, แย้ จ ม อางกี ล้างลื๊อก้ะ โพล้ง เนว๊ ม๊า แฌ้, ลู่ง อีซลาเอง พ้า, เมะเว๊ โพล้ง กุ้ แฌ้, พี่ ล ไคล้ะล้าง อ คาง แบ้ทาง ทกโช้งกแช่ บาอาง นอ แบ ดี๊ ล น๊าม๊า ทกแช่ นอ แบ”

2​กจุ้แฆว้ 19:4

แบซีงลู่ง กแช่ยาเว น กแช่แยว้ แน่ฌ๊า ร้ะชาเค อ ทไคล้, พี่ อ เซงคู กจุ้แฆว้ ค่าง อะซีเรีย, เกม๊า อ เฌ๊ แม้ไฌ๊ซ้ะ กแช่แยว้, พี่ อ โอม๊า ได้ะ, ดี๊ อ เว๊ ม ไจ้ะ แบ-อ้ะ ดี๊ ทไคล้ อ ไฌ่, พี่ กแช่ยาเว น กแช่แยว้ แน่ฌ๊า เว๊ นอ, ทบี่นอ, เกม๊าเต้ น ชูแพ เท่อ ลู่ง โพล้ง พี่ อ ล้างลื๊อก้ะ ลแพ อี้ง อ ฌ่าง ไช้ะ’, ”

อีซยา 1:8

ซีโยง อ พูมืง นอ, แบ ท ญ๊องไฆวะ บี่ซุ้ดี๊ เด้ พู ลู่ง ซไบ้ะ โซ๊ง พ้า บี่ซุ้ดี๊ เด้ ลู่ง ฆึ้ ที้ง พ้า บี่ซุ้ดี๊ เว่ง พี่ แบ ท กาไบ้ะ พ้องวะ

อีซยา 11:11

ล นี้ง แย๊ นอ, ทอดูทึโท๊ทึ กแช่ ม เยาฆ้าง อ จูง, เก คี๊งพ๊า ล พ๊า, บี่ซุ้ ม แม้นี่ ไท้ อ พู อ ลี้ง พี่ โอ ล้างลื๊อ ก้ะ เฌ๊ไท้ นี่ ลู่ง อะซีเรีย, เฌ๊ไท้ นี่ ลู่ง อีไย้ะ, ลู่ง ปะโร, ลู่ง คุ้, ลู่ง เอลาง, ลู่ง ชิ้นา, ลู่ง ฮามา ดี๊ ลู่ง ค่าง ปางเล พ้าไท้ะ

อีซยา 11:16

เกล้ พ้ะดู ม โอนี่ ลู่ง อะซีเรีย ลู่ง โพล้ง โอ ล้างลื๊อ ก้ะ ลู่ง กแช่แยว้ อ พู อ ลี้ง อซุ้อแกล้ นอ อ ฌ่าง บี่ซุ้ดี๊ เกล้ ลู่ง อีซลาเอง อ ฌ่าง พี่ อ ซื๊งเว๊ เฌ๊ไท้ ทาง นี่ ลู่ง ค่าง อีไย้ะ นอ ล้อ

อีซยา 17:6

แบเด้าะ ท เก้านี่ พี่ โอ ล้างลื๊อ ก้ะ พี่ นอ ม เก บี่ซุ้ดี๊ ท ท่าง ไพ มื่งเทิง พี่ โอ เมาะ เว๊ คี๊ง โพลง-อ้า, ซ๊า โพลง-อ้า พี่ โอ ล้างลื๊อ ก้ะ ลู่ง อ คี๊งจุ้ โท๊ ทึ-อ้า เมาะ ลี่งโพลง ท้อง เย่โพลง-อ้า พี่ โอ ลู่ง เซง อ ได้ ล้อง กแช่ยาเว, อีซลาเอง อ กแช่แยว้ โล้ เว๊ บี่อี้ง ล้อ

อีซยา 24:13

เมะเว๊ ม เก บี่อี้ง ลู่ง ฌางคูโคล๊งคู อซุ้อแกล้ ดี๊ ลู่ง โพล้ง กุ้ชื้อกุ้ชะ ลแพ นอ อ โป้ง พ้า บี่ซุ้ดี๊ ท ทูว้ะ ไพ อ มื่งเทิง บี่ซุ้ดี๊ ท แม้นี่ เช๊ง เท่อ, ลู่ง ท แม้นี่ ซไบ้ะแซ น๊างเชา ฌ้อง เย้า อ ล่างไค๊ นอ

อีซยา 24:6

อกย้องบี่นอ, ทชูอ้า อางยื่งคล่อง ฌางคูโคล๊งคู ดี๊ โพล้ง พี่ เปิ่งโอเปิ่งช๊อง เว๊ อ คู นอ, อวีงก้ะยุ้ก้ะ ทไพ้ะทแม อกย้องบี่นอ, โพล้ง เปิ่งโอเปิ่งช๊อง ฌางคูโคล๊งคู แบ ทเช้า เฌ๊ฌ้องไฆวะ ดี๊ โพล้ง โอ ล้างลื๊อ ก้ะ แซย้ มะ

อีซยา 37:4

แบซีงลู่ง น กแช่ยาเว คุ้ช๊องแน ร้ะชาเค อ ทไคล้, โพล้ง พี่ อะซีเรีย อ กจุ้แฆว้, อ เว๊ อ เซงคู โซ๊งทาง-อ้ะ, เกม๊า อ เฌ๊ แม้ไฌ๊ซ้ะ กแช่แยว้ พี่ อ โอม๊า, ดี๊ กแช่แยว้ ม แม้น้าแม้ฆ่าง ทไคล้, พี่ น กแช่ยาเว คุ้ช๊องแน เว๊ เย้า, อกย้องบี่นอ, เกม๊า น เทว๊ ทชูแพอางท่าง เท่อ, ลู่ง โพล้ง พี่ อ ล้างลื๊อ อ โพล้ง โอ ล้างลื๊อ ก้ะ ลแพ นอ อ ฌ่าง’, ”

อีซยา 46:3

โอ้, ยาคุ้ อชื้ออชะ-เอ้อ, เกม๊า คุ้ช๊องแน เฆ้อ ดี๊ โพล้ง กุ้แฌ้ พี่ โอ ล้างลื๊อ ก้ะ ลู่ง อีซลาเอง อชื้ออชะ พ้า โพล้ง พี่ ก โชะ-อ้ะ โค๊ ลู่ง อ กึทาง ปืง-อ้ะ โค๊ ลู่ง โอ อ้อง พ้า

อีซยา 6:13

ทึเมะ โอ ล้างลื๊อ ก้ะ ได้ะ พี่ นอ, เมาะ ล โทะ ลู่ง อ โทะ ล ชี๊ง นอ ม แบ ทเช้า ดี๊ มี ได้ะ บี่ซุ้ดี๊ ซย๊อง มื่งเทิง-อ้า ซี๊พ้ะดู มื่งเทิง-อ้า พี่ ล้างลื๊อ โอก้ะ ที่ อทุ้อแน๊ พี่ แบ ท เคาล้างไฆวะ” อทุ้อแน๊ นอ, เมะเว๊ ชื้อ อคลี๊งอแซ ลู่ง อฌี้อแอว้ ล้อ

อีซยา 65:8

กแช่ยาเว ไคล้ ไจ้ะเว๊ บี่อี้ง “บี่ซุ้ดี๊ ไซ้ะ ซไบ้ะ ที๊ง, พี่ อางฆื๊ง นี่ ซี ลู่ง ซไบ้ะแซ น๊างเชา ล้อง ดี๊ โพล้ง ไจ้ะเว๊ บี่อี้ง, ‘แม้เฌ๊ฌ้องไฆวะ-อ้ะ ล ฌี้ เมะเว๊ ท ชูฌี้ชูแอว้ โอ เว๊ อ พ้า’, บี่จะเล้ นอ ก ม แม้ เว๊ ดี๊ ท ช๊องมอง แบ ก เพล่ อ ฌ่าง บี่ซุ้ ม ล แม้เฌ๊ฌ้อง อ ซื๊งเว๊ เลาเทาเช๊งเทา แบ บี่นอ ล้อ

เยเรมี 23:14

แบเด้าะ กเย่ โมไคล้คิ้ เท่อ ลู่ง เยรูซเลง อซุ้อแกล้ นอ ก แด แบ เท่อ พี่ อ ล้าง ซ้ะเมซ้ะไพล้ อ ซื๊งเว๊ กแมมืง กแมแคว๊, ดี๊ โอม๊า ลู่ง ทคีงอูง พ้า อ เว๊ แม้ชองทาง โพล้ง แม้ ทอ้าทซ๊าง อ จูง อกย้องบี่นอ, โพล้ง ล โอ แกยไฆวะ อ ซ้ะ ดี๊ อ ทอ้าทซ๊าง น่างแฌ้ แบ อ เว๊ กุ้แฌ้ เกทางก้ะ บี่ซุ้ดี๊ โซโดง ลู่ง ก ฌ่าง ดี๊ โพล้ง เว่ง นอ, บี่ซุ้ดี๊ เว่ง โกโมรา ล้อ”

เยเรมี 42:2

ดี๊ ไคล้ ดี๊ เยเรมี โมไคล้คิ้กแช่แยว้ ไจ้ะเว๊, “อวีงซ้ะชู้ คุ้ช๊องแน ก ซื๊งเว๊, ดี๊ ชูแพอางท่าง เท่อ ดี๊ กแช่ยาเว น กแช่แยว้, ลู่ง ก ซื๊งเว๊ พี่ ล้างลื๊อ โอก้ะ เลาพะ อี้ง นอ อ ฌ่าง, เมะเว๊ ก ล้างลื๊อ โอก้ะ อ แฌ้ แซย้ โฆะ ล้อ, ลู่ง อ พ้องไฆวะ นอ โอ อ แฌ้ แอฌี่งแอฌ้อง, บี่ซุ้ดี๊ น แด แบ -อ้ะ ดี๊ น เมะคลี๊ง เย้า นอ

เยเรมี 50:20

กแช่ยาเว ไจ้ะเว๊, มื่งนี้ง พ้า ลแพ นอ, ดี๊ อช๊าอโท่ พ้า นอ, ม อางฆื๊ง ทไพ้ะทแม ทเด้บ้ะ ลู่ง อีซลาเอง พ้า ล แด แบ เฆาะ, ม อางฆื๊ง ทเด้บ้ะ ลู่ง ยูดา พ้า นอ, ม ล แด แบ เฆาะ, เมะเว๊ ก ม แพล่ไฆวะ เอะ โพล้ง ลแพ นอ, พี่ ก เกม๊า อ ล้างลื๊อ โอก้ะ นอ ล้อ”

ท​ฌางล้างย้าล้าง 3:22

กแช่ยาเว อ ทเอทกวี้ง พี่ อเฌิ่งอค๊า ล โอที่งโอโท๊ น่างชุ้ แบ ดี๊ อ ท ย๊างซ้ะ นอ อทึอจุ้ ล โอ แบ

ท​ฌางล้างย้าล้าง 4:6

อไฌ่บี่อี้ง, จ โพล้ง เฌงพูฆ๊างพู อเตาอแต๊ นอ, ดู เละ เว่ง โซโดง อเตาอแต๊ ได้ะ พี่ อ แบ ท เคลิ่งล้าง ล ทีงฆ่าง พี่ โพล้ง ล โอ น่างแฌ้ แบ เฆาะ, อ จูง นี่ พองแบต้องแบ เว๊

เอเซเคียง 14:22

อี้งเซ้อ, ม โอ ดี๊ โพล้ง พ้องพลิ้ ซี๊ง ล้างลื๊อ โอก้ะ พี่ นอ, อ พูแคว๊ ดี๊ อ พูมืง ลแพ นอ, ม แบ ท ไจทางฌ้าไฆวะ, อ ซื๊งเว๊ ซีง ลแพ ไจทาง เฌ๊ฌูง อ ซื๊งเว๊, ดี๊ น ซื๊ง ม แด อ ซื๊งเว๊ อ ท โอม๊า อ เกล้, ดี๊ อ ทไพ้ะทแม้, ฌ้อง น ซื๊ง ม ฆวี๊งน่างฆวี๊งซ้ะ ลู่ง ทอ้า อไฌ่อกย้อง, พี่ ก นี่ เฌ๊ฌ้า-อ้ะ ลู่ง เยรูซเลง อ คูด้าง นอ, เมะเว๊ ทกุ้เม้ง พี่ ก เฌ๊ฌ้า-อ้ะ ลู่ง เว่ง อ คูด้าง นอ ล้อ

เอเซเคียง 6:8

“แบเด้าะ ก ม เกม๊า โพล้ง แบ ล แฌ้ๆ, โอ ล้างลื๊อก้ะ, เมะเว๊ น ซื๊ง แบ ล แฌ้ๆ, พ้องไฆวะ ดี๊ น้ะ ลู่ง โพล้ง ค่าง พ้า อซุ้อแกล้, ดี๊ แบ ทแม้ ที่มื่งที่พ้ะ ลี้ ลู่ง ค่าง พ้า กุ้จองกุ้ไจ้

โยเอง 2:32

ฌ้อง ท ม แม้ อ ซ้ะ บี่อี้ง, เมะเว๊ กุ้แฌ้ พี่ กุ้ทาง กแช่ยาเว อ เม้ง นอ, ม พ้องพลิ้ เมะเว๊ โพล้ง ม โอ พ้องพลิ้ ลู่ง ทลู่ง ซีโยง คู, ดี๊ เว่ง เยรูซเลง พ้า, บี่ซุ้ดี๊ พี่ กแช่ยาเว โล้ เว้ เว๊, ดี๊ กเย่ โพล้ง พี่ โอ ล้างลื๊อ ก้ะ นอ, ม โอ ดี๊ โพล้ง พี่ กแช่ยาเว กุ้ นี่-อ้ะ

อาโม 4:11

“ก เคลิ่งล้าง น ซื๊ง แบ ล แฌ้ๆ, ด้องซุ้ พี่ กแช่แยว้ เคลิ่งล้าง เว่ง โซโดง ดี๊ เว่ง โกโมรา น บี่ซุ้ดี๊ เซงมื่ง กึ้, พี่ โพล้ง พองนี่ เว๊ ลู่ง มีอ้า พ้า ทึเมะ บี่นอ ฌี้ นอ, น ซื๊ง ล เฌ๊ไท้ฌูงไท้ เฆ้อ ได้ะ แบ” กแช่ยาเว โล้ เว๊ บี่อี้ง ล้อ

ฮาบากุ้ 3:2

จ กแช่ยาเว-เอ้อ, จ แน่ฌ๊า แบ นเม้งนแซ จ กแช่ยาเว-เอ้อ, จ ดู้งแบยางแบ น ทไพ้ะทแม้ ลู่ง จ ชู้ แค๊ นอ, อวีงซ้ะชู้ แม้ทางซ๊างไท้ น ทไพ้ะทแม้ นอ ลู่ง จ ชู้ แค๊ นอ, อวีงซ้ะชู้ โล้ล้าง เกม๊า ซีงแฌ๊ เฆ้งพะ พี่ น ซ้ะทาง นอ, อวีงซ้ะชู้ นางแบทางไท้ น ท ย๊างซ้ะ

เซฟางยา 2:9

ทบี่นอ, กแช่ยาเว ซึ้คู ดูทึชองทึ, อีซลาเอง อกแช่แยว้ ไจ้ะเว๊ “ก โอม๊า เต้ๆ, ได้ะ บี่จะเล้ นอ โมอา ม เก บี่ซุ้ดี๊ เว่ง โซโดง ดี๊ โพล้ง อางโมง ม บี่ซุ้ดี๊ เว่ง โกโมรา เก ที๊งล่างค่างพ้า พี่ โอ ที่ ทชูง มื่งเทิง, ดี๊ ที๊งแล อ โบ้ ดี๊ เก ทล่าง โอโปล้ก้ะ ครึๆ กพูกลี้ง พี่ อ โอ ล้างลื๊อก้ะ นอ, ม ตมละ-อ้ะ กพูกลี้ง กุ้ชื้อกุ้ชะ พี่ อ พ้องพลิ้ ท ซื๊ง นอ, ม นึฆ้าง โพะคอง เท่อ”

โรมา 9:27

อีซายา โล้ เท่อ แบฆ้ะ ดี๊ อีซลาเอง บี่ อี้ง “ทึ เมะ โพล้ง อีซลาเอง ม แอ บี่ ซุ้ มิ้ ลู่ง ปางเล พ้าไท้ะ ฌี้ๆ, แบเด้าะ โอ แซย้ โคะ ล้อ พี่ ม พ้อง ม พลิ้

โรมา 9:29

บี่ ซุ้ อีซายา โล้ เว้ เว๊ “ลู่ง อ พ้อง ไฆวะ กแช่ แยว้ พี่ อ โอ ดี๊ อ ดู้ง อ ยาง ดู ทึ เมะ ล อางกี ล้าง เอะ ก ชื้อ ก ชะ แบ, ก ม บี่ ซุ้ เฌง โซโดง ดี๊ โกโมรา”

โล้​ล้างที๊ง​ทอางแม้เลา 29:23

เมะเว๊ ที๊งล่างค่างพ้า เลาพะ นอ, เก มีอ้าแพลแช๊, ดี๊ เก ที๊งแล, เป๊งนี่ แบ ท เช้า ดี๊ มี, โพล้ง ล โอ เซิง เท่อ วาง เท่อ น่างแฌ้ แบ, ดี๊ ท ล โอ เมทาง น่างเม้ง แบ, เก ทล่าง พี่ นาง ล เมทาง แบ, เก ท พี่ อ แบ ท เคลิ่งล้าง-อ้ะ ด้องซุ้ โซโดง ดี๊ โกโมรา อะมา ดี๊ เซโบยีง, พี่ กแช่ยาเว เคลิ่งล้าง เว๊ ดี๊ อ ท ซ้ะทาง, ดี๊ ท ซ้ะทาง พ้ะดู นอ ล้อ

2​เปโต 2:6

กแช่ แยว้ แม้ เฌ๊ฌ้อง เฌง โซโดง ดี๊ เฌง โกโมรา เช้า ไฆวะ เว๊ ดี๊ มี, พี่ อ แม้ เท่อ บี่ นอ, เก ท อ ด้อง ลู่ง โพล้ง อ แฌ้แพ พี่ ม ลือ ค๊างพะ กแช่ แยว้ นอ อ ฌ่าง

ท​เน​โพล​ทาง 11:8

อซื๊งเว๊ อ จู นอ ม โอ ลู่ง เกล้ เว่ง พ้ะดู พ้า ล จอง นอ, เมะ เว๊ เว่ง พี่ อ กแช่ เยซู แบ ท แพล้ ทาง-อ้ะ, เว่ง ล จอง นอ อ เม้ง แบ ทอางด้องล้าง ดี๊ เฌง โซโดง ดี๊ ค่าง อีไย้ะ