โฮเชยา 6:4 - Northern Pwo Karen Thai Bible

⁴ เอฟาอีง-เอ้อ, ก ม แม้ ทเม้งเล้ ดี๊ แน้ ฌี้? ยูดา-เอ้อ, ก ม แม้ ทเม้งเล้ ดี๊ แน้? น ทเอทกวี้ง นอ, บี่ซุ้ดี๊ ทเอิง ลู่ง โฌ้โค๊ บี่ซุ้ดี๊ ปช้างที๊ง พี่ ล้างแม่ไฆวะ ลู่ง โฌ้ ล้างคึ

โฮเชยา 6:4 ပူးပေါင်းရင်းမြစ်များ

เยเรมี 3:10

ทึเมะ ท แม้ อ ซ้ะ กุ้เม้ง บี่อี้ง ฌี้ นอ, อ พื่ง มืงน้าง ยูดา พี่ กไบล้ะกแบล นอ, ล นี่ เฌ๊ไท้ฌูงไท้ เฆ้อ เลาเซิงเลาซ้ะ แบ, แบเด้าะ แม้ดุ้ อ ซ้ะ เฌ๊ไท้”, กแช่ยาเว โล้ เว๊ บี่อี้ง ล้อ

เยเรมี 3:19

ก ช๊องมอง บี่อี้ง ก ม ต๊างทาง แน้ ลู่ง ก พู ลแพ อี้ง อซุ้อแกล้ พ้า, บี่จะเล้ ม ฌี้ ดี๊ เกม๊า เอะ แน้ ค่าง พี่ ล้าง แบซ้ะ-อ้ะ เก คองแซย้ พี่ อ ฌี้ ทึ ลู่ง โพล้ง กุ้ชื้อกุ้ชะ พ้า ดี๊ ก ช๊องมอง เว๊ บี่อี้ง, น ม กุ้ เฆ้อ จ แพ่ กแช่แยว้ ดี๊ น ม โพะ ก ไค๊, ล แกยไท้ น ซ้ะ แบ

เยเรมี 34:15

พี่ อ โม่โฆะ ได้ะ อี้ง นอ, น นี่ เปลงไท้ ซ้ะ, ดี๊ แม้ ท พี่ อ แบเมาะ ลู่ง ก เมะแซ พ้า, พี่ กุ้แฌ้ โล้ล้าง ท พ้องพลิ้ เอะ อ ฌุ้พาง, ดี๊ น นี่ แม้ ทเอิ้งล้าง ลู่ง ก เมะแซ พ้า, ลู่ง ก ล่างโอ พ้า พี่ กุ้ เว๊ บี่ซุ้ดี๊ กเม้งกแซ นอ

เยเรมี 5:23

แบเด้าะ โพล้งเฌงพูฆ๊างพู ลแพ อี้ง, โอ ดี๊ อ ซ้ะ ลือ เท่อ, ดี๊ กไบล้ะกแบล อ เว๊ วีงแซยไฆวะ อ ซ้ะ, ดี๊ ไจไฆวะ ไวะ

เยเรมี 5:7

“ก ล ทื๊งนี่นะนี่ แน้ แบ ซี บี่จะเล้? น พู น ลี้ง นี่ ญ๊องไฆวะ เฆ้อ เย้า, ดี๊ นี่ ชูล้าง อ ซ้ะ ดี๊ โพล้ง พี่ ล เมะ กแช่แยว้ แบ ท่อง ก ลื่ง-อ้ะ บลิ้อางบลิ้โอ้ นอ, อ เว๊ เอโบ้งเอพะ เท่อ ฌ้อง ลี้ โอซยอง โละซ้ะ ลู่ง กมืง เอโบ้งเอพะ เท่อ อ เด้า

เยเรมี 5:9

เป๊งนี่ ท ลแพ อี้ง อกย้อง นอ, ก ม แม้เตาแม้แต๊-อ้ะ แบ-อ้า? กแช่ยาเว โล้ เว๊ บี่อี้ง ล้อ “ดี๊ ก ล เกิ้ง แม้แกไท้ กโพล้ง อ ชื้อ พี่ แม้ อ ซ้ะ บี่อี้ง แบ-อ้า?”

เยเรมี 9:7

อกย้องบี่นอ, กแช่ยาเว ซึ้คู ดูทึชองทึ ไจ้ะเว๊ บี่อี้ง “อี้งเซ้อ, ก ม ฆู่ง-อ้ะ, ดี๊ ลองดุ้-อ้ะ เมะเว๊ อ เว๊ เก กพูกลี้ง, ก ม แม้ เท่อ อ แฌ้แพ ซี บี่จะเล้?

โฮเชยา 11:8

โอ้, เอฟาอีง-เอ้อ, ก ม เกม๊า น เก โพล้ง แฌ้แพ อ เท่อ ซี บี่จะเล้? โอ้, อีซลาเอง-เอ้อ, ก ม อางกีล้าง แน้ เอะ โพล้ง อ แฌ้แพ ซี บี่จะเล้? ก ม เกม๊า น เก บี่ซุ้ดี๊ เว่ง อะมา ซี บี่จะเล้? ก ดึ้ เกม๊า น เก บี่ซุ้ดี๊ เว่ง เซโบยีง ซี บี่จะเล้? กเซิงกซ้ะ เติ้งทางเติ้งล้าง โอ ลู่ง แย๊โค๊ ก ท เอดู นอ เฌ๊ทาง เว๊ ล้อ

โฮเชยา 13:3

อกย้องบี่นอ, อ เว๊ ม เก บี่ซุ้ดี๊ ทไค้ะซวี๊ง ลู่ง โฌ้โค๊-อ้า บี่ซุ้ดี๊ ปช้างที๊ง พี่ ล้างแม่ไฆวะ โค๊ ลู่ง ทพ้างทาง โฌ้โค๊-อ้า นอ บี่ซุ้ดี๊ พี๊ซวิ้ พี่ ลี้งอูงไฆวะ เว๊ ลู่ง ทล่าง เพา ล้าง บืง-อ้า บี่ซุ้ดี๊ ท อ คูง พี่ ไจทาง นี่ ลู่ง ป้อง อ เช้า พ้า-อ้า นอ ล้อ

โฮเชยา 7:1

พี่ ก ม แม้ก้องแย่ ไท้ อีซลาเอง นอ เอฟาอีง อ ทไพ้ะทแม โพลทาง ล พ๊าฆ่าง ดี๊ ซมาเรีย อ ทอ้าทซ๊าง ล เม้ง แบ ล เม้ง อ ซื๊งเว๊ แม้ ท อางโล๊ไละ โพล้ง อางฌูง เท่อ นึฆ้าง เด้า พ้า ดี๊ โพล้ง ตมละตเช เท่อ นอ, ตมละ เท่อ โอ ลู่ง ค๊องโค๊

ม้ะทู 13:21

แบ เด้าะ บี่ ซุ้ ล โอ ดี๊ อ ฌี่ง แบ, นะ เว๊ ล ชู่ ล ล่าง ล้อ, ฌ้อง พี่ อ แบ ท แก ท เฌ้, ท แม้ น้ะ แม้ โน๊ง-อ้ะ ลู่ง กแช่ แยว้ อ ลู่ง อ แท๊ อ กย้อง นอ, อ เว๊ ล ชู่ง เท่อ นะ เท่อ ล้า แบ

โพล้งต้ะเซ๊งเท่อ 3:12

โพล้ง อีซลาเอง แม้ ทอ้าทซ๊าง ลู่ง กแช่ยาเว อ เมะแซ พ้า เด้าะ, กแช่ยาเว แม้ ชอง ทาง เอะ กจุ้แฆว้ โมอา เมะเว๊ เอะโลง นอ อ ไฌ่, บี่ซุ้ เกม๊า อ ดึ้ซึ้ ดี๊ โพล้ง อีซลาเอง, เป๊งนี่ อ ซื๊งเว๊ แม้ ทอ้าทซ๊าง ลู่ง กแช่ยาเว อ เมะแซ พ้า