โฮเชยา 5:12 - Northern Pwo Karen Thai Bible

¹² อกย้องบี่นอ, เฆ้อ อี้ง ล้อ, ก ม เก บี่ซุ้ดี๊ ท พูโฆ้งพูแฆ่ เอะ เอฟาอีง ดี๊ เก บี่ซุ้ดี๊ ท ล้างอูล้างแกล เอะ ยูดา

โฮเชยา 5:12 ပူးပေါင်းရင်းမြစ်များ

โยบา 13:28

แย้ นอ จ ล้างฆวี่ซี๊งยึ บี่ซุ้ดี๊ เซงอู บี่ซุ้ดี๊ ทซุ้ทก้อง พี่ ทพูแฆ่ อาง เว๊

ทอางปฆ้า 39:11

พี่ กแช่แยว้ ซองแบซ๊างแบ กโพล้ง ล พ๊าฆ่าง ดี๊ ทโละซ้ะเอ้งไฌ้, แบฆ้ะ ดี๊ ทอ้าทซ๊าง อ ไฌ่ กแช่แยว้ แม้เฌ๊ฌ้องไฆวะ เท่อ, พี่ อเว๊ เอ เว๊ นอ ด้องซุ้ โฌ่งมี แม้เฌ๊ฌ้อง เว๊ กโพล้ง กุ้แฌ้ นอ, เก ที่ แซทางแซล้าง เต้ๆ, ล้อ”เซ่-ลา

ทอางด้อง 12:4

แม๊ พี่ อฌี้อแอว้ นอ, เก อ แว้ อ คูคล้าง แบเด้าะ แม๊ พี่ แม้แช้แม้เด เท่อ นอ, บี่ซุ้ดี๊ ทอืงทอ้อง ลู่ง แว้ อฆีงอเกว้ พ้า

อีซยา 5:24

ทบี่นอ, มีแลเค้ อางไฆวะ โล่ทุ้ บี่จะเล้ ดี๊ นางไฆ๊ ล้างไซ้ะไน้ะ มีอ้า พ้า บี่จะเล้ นอ อ ซื๊งเว๊ อฌี่งอเฌ้ ม เก บี่ซุ้ดี๊ ทอืงทอ้อง ดี๊ อ โพ๊พ้ะ ม ดี้งทางดี้งล้างไฆวะ, บี่ซุ้ดี๊ ทมูงทมวี๊ง บี่นอ ล้อ เป๊งนี่ อ ซื๊งเว๊ ลแพ นอ, ญ๊องไฆวะ กแช่ยาเว ซึ้คู ดูทึชองทึ อ ทอางแม้เลา ดี๊ ดึ้เดวทื่งแช้ อีซลาเอง อ กแช่แยว้ พี่ อฌี้อแอว้ อลู่งอแท๊

อีซยา 50:9

อี้งเซ้อ, ทอดูทึโท๊ทึ กแช่ยาเว แม้ช้า แย้ โพล้งเล้ ม ไคล้ ไจ้ะเว๊ จ โอ ดี๊ ทไพ้ะทแม? แคว่เซ้อ, อ ซื๊งเว๊ กุ้แฌ้ ม เฌ๊กูงเฌ๊ซยื๊งไฆวะ บี่ซุ้ดี๊ ไช๊ช้าง ท พูโฆ้งพูแฆ่ ม ไอ อางไฆวะ อ ซื๊งเว๊ ล้อ

อีซยา 51:8

เมะเว๊ ท พูโฆ้งพูแฆ่ ม อาง-อ้ะ, บี่ซุ้ดี๊ อาง ไช๊ช้าง ดี๊ โลง ม อาง-อ้ะ บี่ซุ้ดี๊ อาง แกะชอง แบเด้าะ ก ทฌี้ทแอว้ ม โอ ล้างชู้ล้างแกย ดี๊ ก ทพ้องทพลิ้ ม โอ ท้อง โพล้ง กุ้ชู้กุ้ว๊าง

โยนา 4:7

แบเด้าะ ทพ้างทาง ลู่ง โฌ้โค๊ นอ, กแช่แยว้ อางกีล้าง เกม๊า ซ้ะมเทง ล บ้อง, เฌ๊ ไอ อาง กีงไทะ มื่งเทิง นอ, ท้อง ลู่ง อ ล้างไย้ะไฆวะ