โฮเชยา 4:12 - Northern Pwo Karen Thai Bible12 กพูกลี้ง ลี้ อางท่าง นี่ ท ช๊องมอง ดี๊ ท พี่ อ แม้ เว๊ ดี๊ เซง ดี๊ นางยุ้บ้อง เก ท โล้เว้พ้ะเว้ เอะ อ เท่อ เป๊งนี่ วีงแล้ ลู่ง ท โละกวี้ เอโบ้งเอพะ เท่อ นอ, ลี้ฌ้า-อ้ะ เกม๊า อ เว๊ เฌ๊พลุ้ไฆวะ ดี๊ อ ซื๊งเว๊ ซีง ลแพ ญ๊องไฆวะ อ กแช่แยว้, บี่ซุ้ ลี้ โละกวี้ เอโบ้งเอพะ เท่อ အခန်းကိုကြည့်ပါ။ |
แบเด้าะ น โพะ กเย่ โพล้ง อีซลาเอง อ กจุ้แฆว้ ลแพ นอ อ เกล้, ดี๊ น ลี้ฌ้า โพล้ง ยูดา ดี๊ โพล้ง เยรูซเลง, ม๊า อ ซ้ะ ล โอ ดี๊ กแช่แยว้ ล้าแบ, บี่ซุ้ดี๊ อาฮะ อชื้ออชะ พี่ อ ลี้ฌ้า โพล้ง อีซลาเอง, ม๊า อ ซ้ะ ล โอ ดี๊ กแช่แยว้ ล้าแบ, ดี๊ แน้ นอ น แม้ซี๊ง กเย่ น พื่งแคว๊, พี่ อ เก น แพ่ อชื้ออชะ ลู่ง อ ฌี้เละ แน้ นอ
โพล้ง พี่ อ ไคล้ ดี๊ เซง มื่งเทิง ไจ้ะเว๊, ‘น เก จ แพ่’ ดี๊ ไคล้ ดี๊ ไล๊ ไจ้ะเว๊, ‘น กึทาง นี่ แย้’ อไฌ่บี่อี้ง, อ ซื๊งเว๊ นี่ วีงโด้งโคล๊งไฆวะ อ ซ้ะ ดี๊ เฆ้อ ล เมะ แกยฆ้าง อ เมะ ดี๊ เฆ้อ แบ แบเด้าะ ท่อง ท้อง อช๊าอโท่ แบน้ะแบโน๊ง นอ, อ ไจ้ะเว๊ บี่อี้ง ‘อวีงซ้ะชู้ เฌ้เทิงทาง แม้ช้า ก ซื๊งเว๊ เกม๊า ก พ้องพลิ้ ไช้ะ’
ดี๊ กแช่ยาเว ไคล้ ดี๊ โมเซ ไจ้ะเว๊, “อี้งเซ้อ, น แบ ไท้ โอ ดี๊ น พี๊ง น พู๊ง ลู่ง แย๊ อู้ง, ดี๊ โพล้ง ล ชื้อ อี้ง, ม เฌ้เทิงทาง ดี๊ แม้ กแม ล้าง อ ซ้ะ ดี๊ โพล้ง ล ค่าง แด อ ทกโช้งกแช่, ลู่ง ที๊งล่างค่างพ้า พี่ อ ลี้ โอ เว๊ อซุ้อแกล้ นอ, อ ซื๊งเว๊ ม ญ๊องไฆวะ เฆ้อ, ดี๊ แม้เฌ๊ฌ้องไฆวะ ทเอิ้งล้าง, พี่ จ แม้-อ้ะ ดี๊ อ ซื๊งเว๊ นอ