โฮเชยา 2:4 - Northern Pwo Karen Thai Bible

⁴ ก ล ย๊างซ้ะ แบ อ พู ลแพ นอ แบ เป๊งนี่ อ ซื๊งเว๊ ซีง ลแพ เก พู เฌ๊นี่ ลู่ง ท โละกวี้ เอโบ้ง เท่อ

โฮเชยา 2:4 ပူးပေါင်းရင်းမြစ်များ

2​กจุ้แฆว้ 9:22

ดี๊ ลู่ง ไค๊ ท่อง โยราง แด เยฮู เย้า นอ, ไจ้ะ เอะ เว๊, “เยฮู, น เฌ๊ ดี๊ ทฆู๊งทพุ้-อ้า?”, เยฮู ไคล้ช๊า-อ้ะ ไจ้ะเว๊, “ม ฆู๊ง ม พุ้ ซี บี่จะเล้?, พี่ น มู่ เยเซเบง อ ทกแม ดี๊ อ ทอูงทโป้ โอ แอฌ้อง ได้ะ บี่อี้ง นอ”

อีซยา 27:11

ท่อง อ ได้ ไฆ๊ นอ, อ แบ ทบุ้แค่ ล้อ กมืง ลแพ นอ, เฌ๊ท้อง ดี๊ แม้นี่ เว๊ ลี้ อูงเค้ทาง มี เมะเว๊ อ อี้ง เก โพล้ง อ ชื้อ พี่ ล โอ ดี๊ ท แนซีโน้งซี แบ อกย้องบี่นอ, โพล้ง พี่ ไต้ล้าง-อ้ะ นอ, ม ล ย๊างซ้ะ-อ้ะ แบ โพล้ง พี่ อ ไต้ล้าง-อ้ะ นอ, ม ล เนโพลทาง ทย๊างซ้ะ ดี๊-อ้ะ แบ

อีซยา 50:1

กแช่ยาเว ไจ้ะเว๊ บี่อี้ง “ไละทไจแดโละซ้ะ ดี๊ น ซื๊ง มู่ พี่ ก เจ่ โฌ๊ไจไฆวะ-อ้ะ นอ, โอ พี่จองเล้? ดี๊ โพล้ง พี่ ก ทางดีงทางแม่ ดี๊-อ้ะ พี่ ล แฌ้ เล้ พี่ ก อางแช๊ น ซื๊ง เกม๊า เอะ-อ้ะ? อี้งเซ้อ, น แบ ท อางแช๊ ลู่ง น ทเด้บ้ะ อกย้อง ดี๊ น มู่ แบ ท โฌ๊ไจไฆวะ ลู่ง น ท กไบล้ะกแบล อกย้อง

อีซยา 57:3

แบเด้าะ โพล้ง ซี ทอูงทโป้ อ พูแคว๊ ซีง ลแพ โพล้ง เอโบ้งเอพะ เท่อ, ดี๊ กมืง เอโบ้งเอพะ เท่อ อ พู อ ลี้ง นอ เกม๊า เฌ๊ฆ้าง เบ้า พี่ อี้ง

เยเรมี 13:14

ดี๊ กแช่ยาเว ไจ้ะเว๊ บี่อี้ง, ก ม เว่งว๊าง อ ซื๊งเว๊, เกม๊า แบไท้ะ โละซ้ะ, แพ่ ซีง ลแพ, ดี๊ พู ซีง ลแพ, ก ล ย๊างซ้ะ-อ้า, อางกี ม๊า-อ้า, โอ ดี๊ ท เอดู พี่ ม ล แม้ เฌ๊ฌ้อง-อ้ะ แบ-อ้า แบ’, ”

เยเรมี 16:5

“อไฌ่บี่อี้ง, กแช่ยาเว ไจ้ะเว๊, ลี้ นึฆ้าง ลู่ง เด้า พี่ เมะมองแน๊อึ้ อ พ้า-อ้า, ลี้ ฌางล้างย้าล้าง-อ้า, ลี้ ซ้ะ เฌ๊ฌ้อง ฆึ-อ้า ล ฌี้, เมะเว๊ ก แม้นี่ไฆวะ ก ท ชูฌี้ ทมึทพ้า ดี๊ โพล้ง ล ชื้อ อี้ง เย้า, กแช่ยาเว โล้ เว๊ บี่อี้ง ล้อ, เลา ดี๊ ก ทเอทกวี้ง ลู่ง อเฌิ่งอค๊า ดี๊ ก ท ย๊างเซิงย๊างซ้ะ นอ ล้อ

เอเซเคียง 23:25

ดี๊ ก ม เนโพลทาง ก ท ล๊องก้อง ดี๊ แน้, ดี๊ อ ซื๊งเว๊ ม แม้ เอะ แน้ ดี๊ ท ซ้ะทาง, อ เว๊ ม แม้ไฆวะ น แน๊พู๊ง ดี๊ น แน่, ดี๊ น ซื๊ง พี่ ล้างลื๊อ พ้องพลิ้ นอ, ม ล้างเทะเค้า ดี๊ น้ะ, อ ซื๊งเว๊ ม พองนี่ น พูพูมืง พูแคว๊, ดี๊ น ซื๊ง พี่ ล้างลื๊อ พ้องพลิ้ นอ, ม แบ ท เช้า ดี๊ มี

เอเซเคียง 8:18

ทบี่นอ, เฆ้อ อี้ง ล้อ, ก ม แม้ ดี๊ ท ซ้ะทาง, ก เมะคลี๊ง ม ล เอดู เท่อ แบ, ก ล เนโพลทาง ทย๊างซ้ะ แบ, ดี๊ ทึเมะ อ ซื๊งเว๊ ม กุ้ซย้ะ ล้าง ก แน่ ดี๊ อ ลู่ง เซ๊ พ้ะดู ฌี้ นอ, ก ล คุ้ช๊องแน อ ซื๊งเว๊ แบ”

เอเซเคียง 9:10

ดี๊ ลู่ง ก ฌ่าง นอ, ก เมะคลี๊ง ม ล เอดู เท่อ แบ, ดี๊ ก ล เนโพลทาง ทย๊างซ้ะ แบ, แบเด้าะ ก ม แม้เตาแม้แต๊ เท่อ ลู่ง อ ซื๊งเว๊ อ คูด้าง, บี่ซุ้ดี๊ อ ซื๊งเว๊ อ ทไพ้ะทแม้ นอ ล้อ”

โฮเชยา 1:2

พี่ กแช่ยาเว ไคล้ เฌ๊ เว๊ ดี๊ โฮเชยา อ ต้องคู ล พ๊า นอ, กแช่ยาเว ไคล้ ดี๊ โฮเชยา ไจ้ะเว๊, “ลี้-เซ้อ, ลี้ ฮะนี่ กมืง มะแคว๊, เฌ๊ เก น แม๊, ดี๊ ทางพู เอโบ้ง ดี๊ อ เว๊, เมะเว๊ ที๊งล่างค่างพ้า อี้ง เอโบ้ง เท่อ น้ะ มะ, ลู่ง ท ญ๊องไฆวะ กแช่ยาเว อ กย้อง”

โฮเชยา 1:6

โอก้ะ ลู่ง ไค๊ น่าง โกเมอ ด้าทาง ได้ะ, ดี๊ อ พู กึทาง อ มืง ล แฌ้, ดี๊ กแช่แยว้ ไคล้ ดี๊ โฮเชยา ไจ้ะเว๊, “พูมืง นอ, เกม๊า น ยื่ง อ เม้ง บี่อี้ง, โลรุ้ฮะมา เมะเว๊ ก ล ย๊างซ้ะ แบ อีซลาเอง อชื้ออชะ ล้า แบ, ก ล แพล่ไฆวะ อ ทไพ้ะทแม ล้า แบ เฆาะ

โฮเชยา 5:7

อ เว๊ กไบล้ะกแบล ดี๊ กแช่ยาเว เมะเว๊ อ กึทาง นี่ อ พู พี่ ล นี่ อางเม้า แบ ค๊องเนงอี้ง มื่งทาง ซ๊างไท้ ล แฌ ม แม้เฌ๊ฌ้องไฆวะ-อ้ะ ล พ๊าฆ่าง ดี๊ อ ฆึ้ อ ไชะ

เซคารียา 1:12

ฌ้อง กแช่ยาเว อ มุ้คู พู ไจ้ะเว๊, ‘จ กแช่ยาเว ซึ้คู ดูทึชองทึ, ชี่ไยะ เด้าะ เล้, น ม ย๊างซ้ะ แบ เว่ง เยรูซเลง, ดี๊ เว่ง อ แฌ้แพ ลู่ง ยูดา, พี่ น ซ้ะทาง ดี๊-อ้ะ อ เนง เนว๊ชี๊ง เย้า นอ, กแช่-เอ้อ?’

โยฮาง 8:41

น ซื๊ง แม้ เท่อ ด้อง ซุ้ น แพ่ แม้ เว๊ ล้อ” อซื๊งเว๊ ไคล้ ช๊า เว๊ แด, “ก แพ่ นอ เมะ กแช่ แยว้ ล แฌ้ ล้อ, เฆ้อ ล เมะ เก พู พี่ อ แพ่ ล โอ แบ นอ แบ”

โรมา 11:22

แคว่-อ้ะ เซ้อ, กแช่ แยว้ อ ท ย๊างเซิง ย๊างซ้ะ ดี๊ อ ท ต้ะเซ๊ง นอ เมาน่าง, อ เว๊ แม้ เตา แม้ แต๊ โพล้ง ลู่ง อ ลือ ค๊างพะ เท่อ, แบเด้าะ ย๊างเซิง ย๊างซ้ะ แบ แน้, น เมะ แม้ ซ้ะ เกิ้ง ลู่ง อ เว๊ ม ย๊างซ้ะ แบ แน้ ครึๆ, เมะ ล แม้ บี่ นอ แบ, อ เว๊ ม กล้างเทะ ไฆวะ แน้ ปะ

โรมา 9:18

ท บี่ นอ กแช่ แยว้ เมะ แบ ซ้ะ ย๊างซ้ะ โพล้ง เล้ นอ, ม ย๊างซ้ะ-อ้ะ ล้อ, ดี๊ เมะ แบ ซ้ะ เกม๊า โพล้ง เล้ ลือ เท่อ นอ, ม เกม๊า อ ลือ เท่อ ล้อ

ยาเก้า 2:13

อ ไฌ่ บี่ อี้ง, ลู่ง กแช่ แยว้ ต้ะเซ๊ง เท่อ โคะ นอ, อ เว๊ ล ย๊างซ้ะ แบ โพล้ง ลู่ง อ ท ย๊างซ้ะ ล โอ แบ นอ ล้อ, แบเด้าะ ท ย๊างซ้ะ นอ แม้ น้า แบ ท ต้ะเซ๊ง นอ ล้อ