โฮเชยา 10:2 - Northern Pwo Karen Thai Bible

² อ เว๊ อเซิงอซ้ะ อางโล๊ไละ เท่อ ค๊องเนงอี้ง, อ เว๊ แบ โท่ง ฮะนี่ ทไพ้ะทแม อเตาอแต๊ กแช่แยว้ ม แม้ ล้างฆ่อง อ ทลื่งล่าง ดี๊ แม้เฌ๊ฌ้องไฆวะ อ เฌเทิง ซยื๊งซย้อง

โฮเชยา 10:2 ပူးပေါင်းရင်းမြစ်များ

1​กจุ้แฆว้ 18:21

เอลียา เฌ๊ฆ้าง เบ้า โพล้งเฌงพูฆ๊างพู ลแพ นอ ดี๊ ไจ้ะเว๊, “น ม คูไค๊ น ซื๊ง ซ้ะ ดี๊ ทคี๊ง แพ้ อี้ง ชี่ ไยะ เด้าะ เล้?, กแช่ยาเว เมะ เก กแช่แยว้ นอ, ม๊า น ลี้ โพะ อ ไค๊, แบเด้าะ ทกโช้งกแช่ บาอาง เมะ เก เว๊ นอ, ม๊า น ลี้ โพะ อ ไค๊ แดเทา”, แบเด้าะ โพล้งเฌงพูฆ๊างพู ล ไคล้ช๊า-อ้ะ น่าง ทีง แบ

ทไจทางไฆวะ 23:24

โบงทางแบ้ทาง, ดี๊ แม้ เอะ อ ซื๊งเว๊ อ ทกโช้งกแช่ ลแพ นอ อ เท่อ ล ฌี้, แม้ เท่อ บี่ซุ้ อ ซื๊ง แม้ เว๊ นอ ล ฌี้, แบเด้าะ แม้ เฌ๊ฌ้องไฆวะ อ ซื๊งเว๊ อ ทเค่งทฌ้าง นอ ท่อง อ เลา, ดี๊ ท่าง บลิ้ อ ทซยื๊งทซย้อง อ เทิง นอ ท่อง อ เลา

ทอางด้อง 11:18

โพล้งอ้าโพล้งซ๊าง นี่แบ คางเล้ง, พี่ ลเมะลโต้ แบ แบเด้าะ โพล้ง พี่ ฆวีงล้าง ทแบกแช่แยว้อซ้ะ นอ, ม นี่แบ รางวาง พี่ อ ล้างเท่งล้างชิ้

อีซยา 44:18

อ ซื๊งเว๊ ซีง ลแพ ล ซีงแฌ๊ แบ, ดี๊ อ เว๊ แน ล ซี แบ, เป๊งนี่ อ ซื๊งเว๊ อ เมะคลี๊ง แบ ท กาไบ้ะ, อ เว๊ ล แด เท่อ น่างเม้ง แบ, ดี๊ อ ซ้ะ นอ, แบ ท กาไบ้ะ, อ เว๊ แน เท่อ ล ซี แบ

เยเรมี 43:13

อ เว๊ ม แม้แค่ไฆวะ เฌเทิง ซยื๊งซย้อง ลู่ง เว่งฮ๊าง มื่ง พ้า, พี่ โอ อีไย้ะ อ ที๊งล่างค่างพ้า นอ, ดี๊ อ เว๊ ม แม้นี่ มี เช้าไฆวะ อีไย้ะ อ ท กโช้งกแช่ ซีง ลแพ อ เว่งฮ๊าง นอ ล้อ”

เอเซเคียง 14:5

บี่ซุ้ ก ม แม้นี่ก้ะ อีซลาเอง อชื้ออชะ กุ้แฌ้ อเซิงอซ้ะ, พี่ อ ช้างชื้ง ไย้ ดี๊ เฆ้อ, เป๊งนี่ ลู่ง อ ทเค่งทฌ้าง อกย้อง นอ ล้อ

โฮเชยา 12:11

โอ ดี๊ ทอ้าทซ๊าง ลู่ง กีเลอา พ้า เต้ๆ, ล้อ อ ซื๊งเว๊ ลแพ นอ, เก ท ลเฌิ่งลค๊า แบ อ เว๊ แม้นี่ งู้แพ๊ เฌ๊ เทว๊ ลื่งทาง เท่อ ลู่ง กีลากาง พ้า เอ้อ, อ ทลื่งล่าง นอ, ม บี่ซุ้ดี๊ โล่ง อ โป้ง โอ เท๊ ล่าง อ คู ลู่ง ไชะ พ้า

โฮเชยา 13:16

ซมาเรีย ม ฮะนี่ อ ทไพ้ะทแม อเตาอแต๊ เป๊งนี่ กไบล้ะกแบล ดี๊ อ กแช่แยว้ อ ซื๊งเว๊ ลแพ นอ, ม ล้างเทะเค้า ดี๊ น้ะ อ พู บางไพละ ม แบ ท เป้ล้าง ล้างบลิ้ล้างเนา ดี๊ กมืง อ เฌ้าโอซ้ะโอ ม แบ ท เก้าพ้ะ ฌู่โพ๊ง

โฮเชยา 3:4

เมะเว๊ อีซลาเอง อชื้ออชะ ม โอ เว๊ พี่ อ กจุ้แฆว้ ล โอ แบ, ดี๊ อคูอแน่ ล โอ แบ เก อช๊าอโท่ ไยะ มะ, เลา ดี๊ ล โอ ดี๊ ท ลื่งทาง แบ, ล โอ ดี๊ เฌเทิง ซยื๊งซย้อง แบ, ล โอ ดี๊ ไช๊อเบงคูลท๊า ดี๊ ทเค่งทฌ้างแบ

โฮเชยา 7:8

เอฟาอีง พลึ้ อ ซ้ะ, นึ โอซยอง ดี๊ โพล้ง กุ้ชื้อกุ้ชะ ซีง ลแพ เอฟาอีง บี่ซุ้ดี๊ กู อางฆู, พี่ ล นี่ ไบล้ะกแด้ ไท้-อ้ะ แบ

เลวี​อ​ไฌ่ 26:30

เฆ้อ ก ม แม้ เฌ๊ฌ้อง น ทล่างซยื๊งซย้องพ๊ะโท๊, ดี๊ กล้างเทะ ล้าง น ทล่าง เช้า ทน๊าม๊า นอ, ดี๊ จึ้ล้าง น ซื๊ง จู, ลู่ง น ซื๊ง ทเค่งทฌ้าง อไก้อโค๊ คู นอ ล้อ, ดี๊ ก ม แช๊เมะไฌ๊ซ้ะ ดี๊ แน้ ล้อ

มีคา 5:13

ก ม แม้ไฆวะ น ทเค่งทฌ้าง ดี๊ แม้ เฌ๊ฌ้องไฆวะ เฌเทิงซยื๊งซย้อง ลู่ง นซุ้นแกล้ น ล นี่ โบงทางแบ้ทาง น จูงล่างคางคู พี่ น ไต้ทาง-อ้ะ นอ ล้าแบ

เซฟางยา 1:5

ดี๊ แม้ไฆวะ โพล้ง พี่ แบ้ล้าง เท่อ ลู่ง ทล่าง ล โพลง นอ อ คู ท้ะ ล คะ บี่ซุ้ แบ้ทาง กเย่ เท่อ พี่ อ โอ ลู่ง มุ้คู ดี๊ โพล้ง ซีง ลแพ พี่ แบ้ล้าง เท่อ ชูล้าง อ ซ้ะ ดี๊ กแช่ยาเว ฌ้อง แบ้ล้าง เท่อ ชูล้าง อ ซ้ะ ดี๊ ท กโช้งกแช่ มีงโคง ได้ะ

เซคารียา 13:2

“กแช่ยาเว ซึ้คู ดูทึชองทึ ไจ้ะเว๊, ล นี้ง แย๊ นอ, ก ม แม้ไฆวะ ทเค่งทฌ้าง อ เม้ง ลู่ง ที๊งล่างค่างพ้า, บี่ซุ้ เม้ง นอ, ม ล แบ ท นางแบทางไท้ ล้า แบ เฆาะ, ดี๊ ก ม โฌ๊ไจไฆวะ กเย่ โมไคล้คิ้กแช่แยว้, ดี๊ วีงแล้ พี่ ลเช๊งลเกล้ง แบ ลู่ง ที๊งล่างค่างพ้า

ม้ะทู 6:24

โพล้ง ล โอ น่าง แฌ้ แบ, พี่ ม แม้ เอะ เซงคู คี๊ง แฌ้ อ เท่อ ล พ๊า ฆ่าง นอ ซี, อ ไฌ่ บี่ อี้ง, ม แช๊เมะ ดี๊-อ้ะ ล แฌ้ ม เอ เว๊ ล แฌ้, ม ทื๊ง แบ นะ แบ เว๊ ล แฌ้ ม ดึ้เดว เว๊ ล แฌ้, น เก กแช่ แยว้ อ เพล่, ดี๊ เก กลู เก จี้ อ เพล่ ล พ๊า ฆ่าง ล ซี แบ

ลูกา 16:13

เพล่ ล โอ น่าง แฌ้ แบ, พี่ ม แม้ เอะ เซงคู คี๊ง แฌ้ อ เท่อ ล พ๊า ฆ่าง ซี, อ ไฌ่ บี่ อี้ง ม แช๊เมะ ดี๊-อ้ะ ล แฌ้, ม เอ เว๊ ล แฌ้, ม ทื๊ง แบ นะ แบ เว๊ ล แฌ้, ม ดึ้เดวเว๊ ล แฌ้, น เก กแช่ แยว้ อ เพล่ ดี๊ เก กลู เก จี้ อ เพล่ ล พ๊า ฆ่าง ล ซี แบ”

ยาเก้า 1:8

อ ไฌ่ บี่ อี้ง, อ เว๊ เก โพล้ง ลู่ง อ ซ้ะ โอ คี๊ง โพลง, ล โอ เฌิ่ง โอ ค๊า ลู่ง กเย่ เกล้ พี่ อ กแช่ โพะ เว๊ นอ แบ

ยาเก้า 4:4

โพล้ง ล โต้ ดี๊ กแช่ แยว้ แบ-เอ้อ, น ล ซีงแฌ๊ แบ-อ้า, ท แม้ ซกุ้ ฌุ้พาง ดี๊ ฌางคู โคล๊ง คู อี้ง นอ, เมะ ท แช๊เมะ ไฌ๊ซ้ะ โละ ซ้ะ ดี๊ กแช่ แยว้, ท บี่ นอ, โพล้ง พี่ ล แฌ้ เล้ แบ ซ้ะ อ ซกุ้ ฌุ้พาง โละ อ ซ้ะ ดี๊ ฌางคู โคล๊ง คู อี้ง, โพล้ง ล แฌ้ นอ แช๊เมะ ไฌ๊ซ้ะ ดี๊ กแช่ แยว้ นอ ล้อ

1​โยฮาง 2:15

เอ ฌางคู โคล๊ง คู ดี๊ กเย่ เท่อ พี่ อ โอ ฌางคู โคล๊ง คู อี้ง ล ฌี้, โพล้ง เมะ เอ ฌางคู โคล๊ง คู นอ ล เอ แพ่ แยว้ แบ

1ซามูเอง 5:4

แบเด้าะ ท่อง อ ซื๊งเว๊ มี๊ง เฌ้เทิงทาง มโฌ้โค๊ นอ, แด เว๊ ทกโช้งกแช่ ดาโกง นอ, ล้างแพล้ คะด้ะ ล้าง อ ซ้ะ ลู่ง ฌางคู คู, ลู่ง กแช่ยาเว อ ไฮะ อ เมะแซ พ้า, ทกโช้งกแช่ ดาโกง อ คู ดี๊ อ จูง คี๊ง แพ้ นอ, แค่เทา พลุ้ฆ้าง ลู่ง ป้ะตู๊ง อ เคิง ไท้ะ, โอก้ะ ที่ ทกโช้งกแช่ ดาโกง อ กแช่ นอ เฆาะ