โฮเชยา 10:11 - Northern Pwo Karen Thai Bible

¹¹ เอฟาอีง เก งู้ มู่น๊าง, พี่ นี่ แบ ท ซองลูแม้ลู อ เว๊ ไย่ล้าง บืง มึ ทบี่นอ, ก อางกีล้าง แอะ ลู่ง อ โคะบ้อง ล้อง, พี่ อฌี้อแอว้ นอ ก ม เกม๊า เอฟาอีง ทวี่ง เว๊ ยูดา แบ เท๊ เท่อ ยาคุ้ แบ ควะพุ้ เท่อ ลู่ง อ กแช่ อ ฌ่าง

โฮเชยา 10:11 ပူးပေါင်းရင်းမြစ်များ

อีซยา 28:24

โพล้ง เท๊ไชะ บี่ซุ้ ฆวีงล้าง เท่อ, ม เท๊ เท่อ ครึๆ, ล้อ-อ้า? อ เว๊ ไบล้ะกแด้ ฌางคู เบงคู ดี๊ คะ ฌางคู ครึๆ, ล้อ-อ้า?

เยเรมี 28:14

เมะเว๊ กแช่ยาเว ซึ้คู ดูทึชองทึ, กแช่แยว้ ลู่ง อีซลาเอง ไจ้ะเว๊ บี่อี้ง, ก นี่ อางกีล้าง แอะ ท้ะ ลู่ง โพล้ง กุ้ชื้อกุ้ชะ ลแพ อี้ง, อ โคะบ้อง ล้อง, เกม๊า อ เก บาบีโลง อ กจุ้แฆว้ เนบูคาเนซา อ ฆ่อง, ดี๊ อ ซื๊งเว๊ ลแพ นอ, ม แม้ เอะ เว๊ อ เท่อ, ก นี่ เกล๊าง เอะ-อ้ะ ทพูแฆ่ เม้ง ปะ”

เยเรมี 46:20

“อีไย้ะ เก งู้ มู่น๊าง อ เค่งแบฌ้างฌี้ แบเด้าะ ปโคะ โอนี่ ลู่ง มื่งเค๊ง เฌ๊ เชา-อ้ะ

เยเรมี 50:11

“กเย่ โพล้ง พี่ ตมละ กคองกแซย้-เอ้อ, ทึเมะ น ม ซ้ะอวีงซ้ะโทะ เท่อ ฌี้, ทึเมะ น ม เฌ๊เทิงลี่งเฌ้เทิงไท้ ฌี้ ทึเมะ น ม เซิงฆวี๊งซ้ะโย้, ด้องซุ้ งู้ มู่น๊าง พี่ ไย่ล้าง บืง ดี๊ กุ้ซย้ะ ด้องซุ้ กซี แพ๊ ฌี้ นอ

โฮเชยา 11:4

ก ม้อง-อ้ะ ดี๊ พลี้ง ลู่ง ท ย๊างเซิงย๊างซ้ะ ดี๊ พลี้ง ลู่ง ทเอทกวี้ง ก เก โพล้ง ดึ้ เกม๊า อ แอะ ลู่ง อ แคฆีงไท้ะ ล้างฆวี๊ง ทาง ดี๊ ก ซย๊องล้าง ซ้ะ ลื่ง-อ้ะ

โฮเชยา 2:5

เมะเว๊ อ ซื๊งเว๊ อ มู่ โละกวี้ เอโบ้ง เท่อ มู่ พี่ กึทาง นี่ อ ซื๊งเว๊ ลแพ นอ, นี่ แม้ ท ฌางแช้ฌางเด เมะเว๊ อ ไคล้ บี่อี้ง, ‘จ ม ลี้โพะ โพล้ง พี่ จ เอ-อ้ะ อ ไค๊ โพล้ง พี่ เกล๊าง เอะ แย้ ทอาง ดี๊ ที๊ง แกะ อ ชอง ดี๊ ลูง ไว้ะไก้, เลา ดี๊ ทซู ดี๊ ทโอ้’

โฮเชยา 3:1

ดี๊ กแช่ยาเว ไคล้ ดี๊ แย้ ไจ้ะเว๊, “เกม๊า น ลี้ ล พ๊า เด้าะ, ลี้ เอ โละซ้ะ ดี๊ กมืง ล แฌ้, พี่ อ ด้าง กแม เอ เว๊, ดี๊ เก กมืง เอโบ้งเอพะ เท่อ, บี่ซุ้ดี๊ พี่ กแช่ยาเว เอ อีซลาเอง อชื้ออชะ บี่ นอ ล้อ, ทึเมะ อ ซื๊งเว๊ ม แกยไฆวะ อ ซ้ะ ลี้ฌูง ท กโช้งกแช่ อ แฌ้แพ, ดี๊ ท แบ อ ซ้ะ ดี๊ กู ซไบ้ะแซ ไฆ๊>>

โฮเชยา 4:16

อีซลาเอง นอ อ แน่ลู่แน่ตาง บี่ซุ้ดี๊ งู้ มู่น๊าง พี่ ล ชู่ง เท่อ แบ กแช่ยาเว ม ลื่ง-อ้ะ ด้องซุ้ ลื่ง แกะ ลู่ง ญ้าง พ้ะเล่ พ้า ซี ชี่-อ้า?

โฮเชยา 9:1

โอ้, อีซลาเอง-เอ้อ, เซิงมึซ้ะมึ ล ฌี้ ซ้ะอวีงซ้ะโทะ เท่อ ด้องซุ้ โพล้ง กุ้ชื้อกุ้ชะ ลแพ นอ ล ฌี้ เฆาะ เป๊งนี่ น โละกวี้ เอโบ้งเอพะ เท่อ, ซ้ะ ล โอ ดี๊ น กแช่แยว้ แบ น เอ เค๊เซ๊ มืง อ จี้ อางเล้ง ทาง เท่อ ลู่ง ทล่าง เพา ล้าง บืง ลแพ นอ

มีคา 4:13

เกม๊า เฌ้เทิงทาง, ดี๊ เกม๊า ไย่ล้าง บืง แดเทา โอ้, ซีโยง อ พูมืง-เอ้อ เมะเว๊ ก ม แม้ น โน้ง, เกม๊า อ เก ท้ะ ดี๊ แม้ น คางมีงแท่, เกม๊า อ เก ท่องบ้าง ดี๊ น ม ไน้ะเน้า โพล้ง กุ้ชื้อกุ้ชะ แอฌี่งแอฌ้อง เก ทมูงทมวี๊ง ดี๊ ท พี่ อ ซื๊งเว๊ นี่ แบ เว๊ ลู่ง ออ้าอซ๊าง นอ, น ม อางกีล้าง เอะ กแช่ยาเว ดี๊ อ ซื๊งเว๊ อคองอแซย้ นอ, อางกีล้าง เอะ ทอดูทึโท๊ทึกแช่ ลู่ง ฌางคูโคล๊งคู เลาพะ

โรมา 16:18

โพล้ง พี่ อ แม้ บี่ อี้ง ล แม้ กแช่ เยซู คริ้ อ เท่อ แบ, แบเด้าะ อซื๊งเว๊ ช๊องมอง ที่ อ โฌ่งโพ๊ง อ ฌ่าง, อซื๊งเว๊ เจ่ ท ไคล้ ลู่ง อ มึ อ พ้า อ เพา อ เบ้, อางโล๊ นี่ โพล้ง พี่ อ ชู่ง โพล้ง อ แฌ้แพ โย๊ น้ะ

โล้​ล้างที๊ง​ทอางแม้เลา 25:4

“พี่ งู้ ไย่ล้าง บืง อ แค๊ นอ, แม้นี่ ทโฆะ พลางไบ้ะทะ อ นุ้ ล ฌี้