โฮเชยา 1:6 - Northern Pwo Karen Thai Bible

⁶ โอก้ะ ลู่ง ไค๊ น่าง โกเมอ ด้าทาง ได้ะ, ดี๊ อ พู กึทาง อ มืง ล แฌ้, ดี๊ กแช่แยว้ ไคล้ ดี๊ โฮเชยา ไจ้ะเว๊, “พูมืง นอ, เกม๊า น ยื่ง อ เม้ง บี่อี้ง, โลรุ้ฮะมา เมะเว๊ ก ล ย๊างซ้ะ แบ อีซลาเอง อชื้ออชะ ล้า แบ, ก ล แพล่ไฆวะ อ ทไพ้ะทแม ล้า แบ เฆาะ

โฮเชยา 1:6 ပူးပေါင်းရင်းမြစ်များ

2​กจุ้แฆว้ 17:20

ดี๊ กแช่ยาเว ซม๊า-อ้ะ, ล ฮะนี่ โพล้ง อีซลาเอง อคลี๊งอแซ น่าง แฌ้ แบ, ดี๊ เกม๊า อ ซื๊งเว๊ โท่ง ทน้ะทโน๊ง, ดี๊ อางกีล้าง อ ซื๊งเว๊ ลู่ง โพล้งตมละเท่อ ลแพ นอ อ จูง พ้า, ท๊อง อ ท้อง ลู่ง กแช่แยว้ ไควะไฆวะ-อ้ะ, พ้องไฆวะ ดี๊ อ เมะ อ แน๊ นอ ล้อ

2​กจุ้แฆว้ 17:6

ลู่ง ควี๊ง เนง ล เนง พ้า, ลู่ง โฮเชยา อ ชู้ แค๊ นอ, กจุ้แฆว้ ค่าง อะซีเรีย ยึนี่ เว่ง ซมาเรีย นี่ชึ, อ เว๊ พองนี่ โพล้ง อีซลาเอง, เกม๊า ลี้ ลู่ง อะซีเรีย พ้า, ดี๊ เกม๊า อ ซื๊งเว๊ โอ ลู่ง ทล่าง ฮาลา, ดี๊ ลู่ง ที๊ง ฮาโบ กล้อง อ ฆ้อง, ค่าง โกซาง พ้า, ดี๊ ลู่ง โพล้ง มีเดียง อ เว่ง พ้า, ล จอง แบ ล จอง

อีซยา 27:11

ท่อง อ ได้ ไฆ๊ นอ, อ แบ ทบุ้แค่ ล้อ กมืง ลแพ นอ, เฌ๊ท้อง ดี๊ แม้นี่ เว๊ ลี้ อูงเค้ทาง มี เมะเว๊ อ อี้ง เก โพล้ง อ ชื้อ พี่ ล โอ ดี๊ ท แนซีโน้งซี แบ อกย้องบี่นอ, โพล้ง พี่ ไต้ล้าง-อ้ะ นอ, ม ล ย๊างซ้ะ-อ้ะ แบ โพล้ง พี่ อ ไต้ล้าง-อ้ะ นอ, ม ล เนโพลทาง ทย๊างซ้ะ ดี๊-อ้ะ แบ

โฮเชยา 1:8

พี่ น่าง โกเมอ เกม๊า โลรุ้ฮะมา แพล่นู่ง เย้า นอ, อ เว๊ ด้าทาง ไท้, ดี๊ กึทาง อ พูแคว๊ ล แฌ้

โฮเชยา 2:23

ก ม ฆวีงล้าง-อ้ะ ลู่ง ที๊งล่างค่างพ้า ลู่ง ก ฌ่าง ก ม ย๊างซ้ะ แบ โลรุ้ฮะมา ดี๊ ก ม ไคล้ ดี๊ โลอางมี บี่อี้ง, ‘น เก ก พู ก ลี้ง’ ดี๊ อ เว๊ ม ไจ้ะ บี่อี้ง, ‘กแช่ เก จ กแช่แยว้ ล้อ’,”

โฮเชยา 2:4

ก ล ย๊างซ้ะ แบ อ พู ลแพ นอ แบ เป๊งนี่ อ ซื๊งเว๊ ซีง ลแพ เก พู เฌ๊นี่ ลู่ง ท โละกวี้ เอโบ้ง เท่อ

อาโม 7:8

ดี๊ กแช่ยาเว โล้ เอะ แย้ ไจ้ะเว๊, “อาโม-เอ้อ, น แด ทเม้งเล้?, ดี๊ จ โล้ บี่อี้ง, “นางทูพลี้ง ล บ้อง, กแช่แยว้-เอ้อ”, ฌ้อง ทอดูทึโท๊ทึกแช่ ไจ้ะเว๊ “อี้งเซ้อ, ก แม้นี่ นางทูพลี้ง ทู เท่อ ลู่ง กพูกลี้ง อีซลาเอง อซุ้อแกล้ ก ล แพล่ไฆวะ อเตาอแต๊ ล้า แบ

อาโม 9:8

อี้งเซ้อ, ทอดูทึโท๊ทึกแช่ยาเว, อ เมะคลี๊ง แคว่ เจ้ท๊าง บ้างมื่ง พี่ อ ท เด้เทาเด้บ้ะ ตาง ดี๊ ก ม แม้ เฌ๊ฌ้องไฆวะ-อ้ะ ลู่ง ฌางคูโคล๊งคู แบเด้าะ ก ล แม้ เฌ๊ฌ้องไฆวะ ยาคุ้ อชื้ออชะ, ท่อง อ เลาเทาเช๊งเทา แบ” กแช่ยาเว โล้ เว๊ บี่อี้ง ล้อ

1เปโต 2:10

ลู่ง อ ซ๊าง คู นอ, น ซื๊ง ล เก กแช่ แยว้ อ พู อ ลี้ง แบ, แบ เด้าะ ค๊อง เนง อี้ง น ซื๊ง เก ก้ะ กแช่ แยว้ อ พู อ ลี้ง เย้า, ลู่ง อ ซ๊าง คู นอ, น ซื๊ง ล นี่ แบ กแช่ แยว้ อ ท ย๊างเซิง ย๊างซ้ะ แบ, แบ เด้าะ ค๊องเนง อี้ง น นี่ แบ กแช่ แยว้ อ ท ย๊างเซิง ย๊างซ้ะ เย้า