โฮเชยา 1:2 - Northern Pwo Karen Thai Bible

² พี่ กแช่ยาเว ไคล้ เฌ๊ เว๊ ดี๊ โฮเชยา อ ต้องคู ล พ๊า นอ, กแช่ยาเว ไคล้ ดี๊ โฮเชยา ไจ้ะเว๊, “ลี้-เซ้อ, ลี้ ฮะนี่ กมืง มะแคว๊, เฌ๊ เก น แม๊, ดี๊ ทางพู เอโบ้ง ดี๊ อ เว๊, เมะเว๊ ที๊งล่างค่างพ้า อี้ง เอโบ้ง เท่อ น้ะ มะ, ลู่ง ท ญ๊องไฆวะ กแช่ยาเว อ กย้อง”

โฮเชยา 1:2 ပူးပေါင်းရင်းမြစ်များ

2ทกวิ้ไน 21:13

แบเด้าะ น โพะ กเย่ โพล้ง อีซลาเอง อ กจุ้แฆว้ ลแพ นอ อ เกล้, ดี๊ น ลี้ฌ้า โพล้ง ยูดา ดี๊ โพล้ง เยรูซเลง, ม๊า อ ซ้ะ ล โอ ดี๊ กแช่แยว้ ล้าแบ, บี่ซุ้ดี๊ อาฮะ อชื้ออชะ พี่ อ ลี้ฌ้า โพล้ง อีซลาเอง, ม๊า อ ซ้ะ ล โอ ดี๊ กแช่แยว้ ล้าแบ, ดี๊ แน้ นอ น แม้ซี๊ง กเย่ น พื่งแคว๊, พี่ อ เก น แพ่ อชื้ออชะ ลู่ง อ ฌี้เละ แน้ นอ

ทอางปฆ้า 106:39

อเว๊ เก โพล้ง ลเช๊งลเกล้ง แบ, ลู่ง อ ทไพ้ะทแม้ อกย้อง ดี๊ แม้อซ้ะ ด้องซุ้ เค๊เซ๊มืง, ลู่ง อ ทไพ้ะทแม้ พ้า

ทอางปฆ้า 73:27

เมะเว๊ อี้งเซ้อ, โพล้ง พี่ โอช้างชื้งไฆวะ ดี๊ กแช่แยว้ นอ, ม เซงทื่งเฌ๊ฌ้อง โพล้ง กุ้แฌ้, พี่ ลโต้ลล้อง ดี๊ กแช่แยว้ แบ นอ, กแช่แยว้ ม แม้เฌ๊ฌ้องไฆวะ-อ้ะ

เยเรมี 2:13

“เป๊งนี่ กพูกลี้ง นี่ แม้ ทอ้าทซ๊าง คี๊ง เม้ง อ เว๊ ญ๊องไฆวะ เฆ้อ พี่ เก ที๊ง ทางชุ้, โอ ดี๊ ที๊ง ทม๊า ฌ้อง นอ แพล้ นี่ ที๊งน๊างโบ้ ลู่ง อ กแช่ อ ฌ่าง เก ที๊งโบ้ เท้พ้ะ พี่ เด้าทะ ที๊ง ล ซี แบ

เยเรมี 2:20

“เมะเว๊ น บุ้แค่ น แอะ ไยะ เย้า ดี๊ แม้เฌ๊ฌ้องไฆวะ น พลี้งท้ะ ดี๊ น นี่ ไจ้ะ บี่อี้ง, ‘จ ล แม้ เอะ อ เท่อ แบ’ เป๊งนี่ น นี่ มี๊งน้าง เอโบ้ง เท่อ ลู่ง ทจ๊องม๊องคู พ้ะโท๊ กุ้จอง ดี๊ เซง แล๊แค๊ เซ๊งไจ้ะ กุ้เทิง อ คางไท้ะ

เยเรมี 2:23

“น ม ไจ้ะ บี่อี้ง ซี บี่จะเล้, ‘จ ล เก ท แบอ้า แบ จ ล นี่ ลี้โพะ ท กโช้งกแช่ บาอาง ลแพ นอ, อ ไค๊ แบ’ เกม๊า น แคว่ ไท้ นมยู๊นจะ ลู่ง ทลู่ง คางไท้ะ อู้ง-เซ้อ เกม๊า นางแบไท้-อ้ะ, น นี่ แม้ แบ ทเม้งเล้ บี่ซุ้ดี๊ เอ้า มู่น๊าง กุ้ซย้ะ อ โคะ, โอ ไก้ไม่ ล ซี แบ

เยเรมี 3:9

เป๊งนี่ อ แคว่ เว๊ อ ท เอโบ้งเอพะ แช่ น้ะ ได้ะ นอ, อ เว๊ ดึ้ เกม๊า ที๊งล่างค่างพ้า แบอ้าแบซ๊าง ลู่ง ท ลี้ เอโบ้งเอพะ ดี๊ ไล๊ ดี๊ เซง มื่งเทิง

เอเซเคียง 6:9

ฌ้อง อ ซื๊งเว๊ พี่ ไจคุ้ซูง พ้องพลิ้ไฆวะ นอ, ม นางแบทางไท้ เฆ้อ ลู่ง โพล้ง ค่าง พ้า อซุ้อแกล้, พี่ อ ซื๊งเว๊ แบ ท พองนี่ ลี้ เก ทอฆ่อง นอ, ดี๊ ซีงแฌ๊ เว๊ ก ซ้ะ เฌ๊ฌ้อง ลู่ง อ ซื๊งเว๊ อ ซ้ะ เอโบ้ง เท่อ อกย้อง, พี่ แกยไฆวะ อ ซ้ะ ดี๊ เฆ้อ, ดี๊ เป๊งนี่ ลู่ง อ เมะคลี๊ง เอโบ้ง เท่อ อกย้อง, พี่ อางฆื๊ง นี่ อ ทเค่งทฌ้าง, ฌ้อง นอ อ ซื๊งเว๊ ซีง ลแพ ม ทไฌ๊ ล้างไท้ อ ซ้ะ ลู่ง ทอ้าทซ๊าง พี่ อ นี่ แม้ เว๊ นอ อกย้อง, ดี๊ ลู่ง อ ท ล้าง ซ้ะลูซ้ะไล้ะ กุ้เม้ง อกย้อง ปะ

โฮเชยา 2:7

อ เว๊ ม ลี้ช่อง กเย่ โพล้ง พี่ อ เอ เว๊ ลแพ นอ แบเด้าะ ม ช่อง เว๊ ล คลึ้ แบ อ เว๊ ม ไจ อางฆื๊ง อ ซื๊งเว๊ ลแพ นอ แบเด้าะ อ เว๊ ม ล ต้องนอง เว๊ แบ ฌ้อง อ ม ไจ้ะเว๊ บี่อี้ง, ‘จ ม ลี้ ฌูง จ แว้ อ ต้องคู ล แฌ้ เมะเว๊ ลู่ง อ พ้องไฆวะ นอ, จ ทโอทช๊อง ฌี้เละ ค๊องเนงอี้ง ได้ะ’

โฮเชยา 3:1

ดี๊ กแช่ยาเว ไคล้ ดี๊ แย้ ไจ้ะเว๊, “เกม๊า น ลี้ ล พ๊า เด้าะ, ลี้ เอ โละซ้ะ ดี๊ กมืง ล แฌ้, พี่ อ ด้าง กแม เอ เว๊, ดี๊ เก กมืง เอโบ้งเอพะ เท่อ, บี่ซุ้ดี๊ พี่ กแช่ยาเว เอ อีซลาเอง อชื้ออชะ บี่ นอ ล้อ, ทึเมะ อ ซื๊งเว๊ ม แกยไฆวะ อ ซ้ะ ลี้ฌูง ท กโช้งกแช่ อ แฌ้แพ, ดี๊ ท แบ อ ซ้ะ ดี๊ กู ซไบ้ะแซ ไฆ๊>>

โฮเชยา 5:3

เฆ้อ อี้ง ล้อ ก ซีงแฌ๊ เอฟาอีง ดี๊ อีซลาเอง ล แบ ท อางกีซูงไฆวะ ดี๊ เฆ้อ แบ โอ้, เอฟาอีง-เอ้อ, ค๊องเนงอี้ง น โละกวี้ เอโบ้งเอพะ เท่อ, อีซลาเอง เก ทแบอ้า

มาร้ะกู 1:1

ทอางโล๊ไท้ ท ฌี้ อ ไฌ่, แบฆ้ะ ดี๊ กแช่ แยว้ อ พูแคว๊ กแช่ เยซู คริ้ อ ไฌะ อ ไฌ่ อ ดีง อ ด้อง, ลู่ง ท คางไท้ะ คางพ๊าง นอ แม้ อ ซ้ะ บี่ อี้ง

โล้​ล้างที๊ง​ทอางแม้เลา 31:16

ดี๊ กแช่ยาเว ไคล้ ดี๊ โมเซ ไจ้ะเว๊, “อี้งเซ้อ, น แบ ไท้ โอ ดี๊ น พี๊ง น พู๊ง ลู่ง แย๊ อู้ง, ดี๊ โพล้ง ล ชื้อ อี้ง, ม เฌ้เทิงทาง ดี๊ แม้ กแม ล้าง อ ซ้ะ ดี๊ โพล้ง ล ค่าง แด อ ทกโช้งกแช่, ลู่ง ที๊งล่างค่างพ้า พี่ อ ลี้ โอ เว๊ อซุ้อแกล้ นอ, อ ซื๊งเว๊ ม ญ๊องไฆวะ เฆ้อ, ดี๊ แม้เฌ๊ฌ้องไฆวะ ทเอิ้งล้าง, พี่ จ แม้-อ้ะ ดี๊ อ ซื๊งเว๊ นอ

2​เปโต 2:14

อซื๊งเว๊ เอ ดุ้ กมืง พี่ อ แม้ กแม มืง กแม แคว๊ เท่อ, ล ก้ะ ได้ะ แบ, อซื๊งเว๊ แบ อ ซ้ะ แม้ ท เด้บ้ะ ครึๆ, ดี๊ โกง นี่ โพล้ง พี่ อ ซ้ะ คูๆ, ไค๊ๆ, ล แพ นอ, เกม๊า อ แม้ ท เด้บ้ะ ปะ, อซื๊งเว๊ ซอง ล้าง อ ซ้ะ เอ ดุ้ แน่แฌ่ แน่ท้า เท่อ ครึๆ, อซื๊งเว๊ เก โพล้ง พี่ กแช่ แยว้ ชู อ้า แบ-อ้ะ นอ ล้อ

ท​เน​โพล​ทาง 17:5

อ เมะเทิ่งคู นอ แบ ท กวิ้ ล้าง ท อ เม้ง เก ท คิ้ซูง คิ้บีง, ไจ้ะ เว๊ บี่ อี้ง, “เว่ง พ้ะดู บาบีโลง นอ เมะ เว๊ กมืง เอ โบ้งเอพะ เท่อ กุ้ แฌ้ อ มู่, ดี๊ เก ท ล้างลุ้ ล้างเช้ ลู่ง ฌางคู โคล๊ง คู กุ้ เม้ง อ มู่”