เอซรา 7:25 - Northern Pwo Karen Thai Bible

²⁵ “แบเด้าะ แน้ เอซรา-เอ้อ, บี่ซุ้ดี๊ น กแช่แยว้ อ ทโกงซีมองแบ พี่ โอ ดี๊ แน้ นอ, เกม๊า น ต๊างทางนี่ โพล้ง โพะคอง เท่อ, ดี๊ โพล้งต้ะเซ๊งเท่อ, พี่ ม ต้ะเซ๊ง เอะ กเย่ โพล้งเฌงพูฆ๊างพู, ลู่ง เว่งดูคล้องโท๊ ที๊ง แว่ โค๊ แพ้ ลู่ง มื่งนึ ล โค๊ นอ, เมะเว๊ โพล้ง กุ้ แฌ้ พี่ ซีงแฌ๊ น กแช่แยว้ อ ทอางแม้เลา, ดี๊ โพล้ง พี่ ล ซีงแฌ๊ เว๊ แบ ลแพ นอ, น ซื๊ง แบ ซอง-อ้ะ

เอซรา 7:25 ပူးပေါင်းရင်းမြစ်များ

ทอคางไท้ะ 41:38

ฟาโร ไคล้ ดี๊ กดูกแซย่ ซีง ลแพ ไจ้ะเว๊, “ก ม อางฆื๊งนี่ โพล้ง, พี่ วีงฌี้แล้แอว้ กแช่แยว้ โอ ดี๊-อ้ะ, บี่ซุ้ดี๊ โพล้ง ล แฌ้ อี้ง ซี ชี่-อ้า?”

ทอคางไท้ะ 41:39

ฟาโร ไคล้ ดี๊ โยซิ้ ไจ้ะเว๊, “เมะเว๊ กแช่แยว้ เนโพลทาง เอะ แน้ ท อ ไฌ่ กุ้เม้ง อี้ง, อกย้องบี่นอ, โพล้ง พี่ โอ ดี๊ น แนซีโน้งซี, ดี๊ โอ ดี๊ ทโกงซีมองแบ บี่ซุ้ดี๊ แน้, ล โอ น่างแฌ้ แบ ล้อ

1​กจุ้แฆว้ 3:28

ท่อง โพล้ง อีซลาเอง กุ้ แฌ้ ซีงแฌ๊ ทต้ะเซ๊ง อ ไฌ่, พี่ กจุ้แฆว้ ไคล้ล้าง เว๊ นอ, อ ซื๊งเว๊ซีง ล แฌ้ๆ, นอ, ยางแบซ้ะเม กจุ้แฆว้, เมะเว๊ อ ซื๊ง แด เว๊ กแช่แยว้ อ ทโกงซีมองแบ โอ ดี๊-อ้ะ, พี่ ม ต้ะเซ๊ง เท่อ เกม๊า ทอเกิ้งอแบ

2​กจุ้แฆว้ 17:27

ฌ้อง กจุ้แฆว้ ค่าง อะซีเรีย นอ อางแบเลา เว๊ ไจ้ะเว๊, “แม้นี่ โพล้ง ล แฌ้ ลู่ง โพล้งลื่งเท่ออคู อ แกล้, พี่ น ซื๊ง พองนี่-อ้ะ อ ล่าง นอ, เกม๊า อ ลี้ พี่ นอ, เกม๊า อ เว๊ ลี้ โอ พี่ นอ, ดี๊ เกม๊า อ ซอง อ โล้ ทกโช้งกแช่, ลู่ง ที๊งล่างค่างพ้า นอ อ ไฌ่ อ กย้อง”

1​ทกวิ้ไน 22:12

เกม๊า กแช่ยาเว เกม๊า น โอ ดี๊ ทไพ่ทแซย๊, ดี๊ ทแน เท่อ ซี, ดี๊ เกม๊า น โพะคอง อีซลาเอง, บี่ซุ้ เกม๊า น แฌแซ กแช่ยาเว น กแช่แยว้ อ ทอางแม้เลา

1​ทกวิ้ไน 23:4

ดาเว ไจ้ะเว๊, “ลู่ง โพล้ง ลแพ อี้ง อ แกล้ คี๊ง ไซ ลี่ง ม๊า แฌ้ นอ, แบ แคว่ ทไพ้ะทแม้ ลู่ง กแช่ยาเวอล่างโอ พ้า, ดี๊ ฆู๊ง ม๊า แฌ้ นอ, เก โพล้งแคว่ทะเท่อ ดี๊ เก โพล้งต้ะเซ๊งเท่อ

เอซรา 10:4

เกม๊า เฌ้เทิงทาง เมะเว๊ เก น ทแม้, ดี๊ เฆ้อ ซีงลแพ อี้ง ก ม แม้ช้า แน้, เกม๊า น แม้ชอง น ซ้ะ ดี๊ แม้-อ้ะ แดเทา”

เอซรา 6:6

“อกย้อง บี่นอ, ท้ะเทไน พี่ เก ทอดู ยู่แคว่ เว่งดูคล้องโท๊ ลู่ง ที๊ง แว่แพ้ มื่งนึ ล โค๊, เชทาโบเซไน ดี๊ อ โพล้ง พี่ แม้ ซกุ้ เท่อ ดี๊-อ้ะ, พี่ เก โพล้งแคว่ที๊งทแม้, พี่ อ โอ เว่งดูคล้องโท๊ ที๊ง แว่ ล แพ้ มื่งนึ ล โค๊ นอ, เกม๊า ลี้ ไฆวะ เมะ ไย้ ไช้ะ แดเทา

เอซรา 7:10

เมะเว๊ เอซรา อางกีล้าง อ ซ้ะ, พี่ ม ไฌ่ ซีงแฌ๊ กแช่ยาเว อ ทอางแม้เลา ดี๊ แม้โพะ เว๊ อ ไค๊, ดี๊ ซอง กแช่แยว้ อ ทอเค้อะอต้าง, ดี๊ ทอางกีล้าง ลู่ง อีซลาเอง พ้า

เอซรา 7:14

เมะเว๊ กจุ้แฆว้ ดี๊ โพล้งเนฌ้าโล้ฌ้าเท่อ เนว๊ แฌ้, นี่ เจ่ทาง แน้, เกม๊า ลี้ อางจ้ะ เท่อ แบฆ้ะ ดี๊ ยูดา ดี๊ เยรูซเลง, บี่ซุ้ดี๊ น กแช่แยว้ อ ท อางแม้เลา พี่ โอ น จูงพ้า นอ

เนฮะมี 9:3

ดี๊ อ ซื๊งเว๊ เฌ้เทิงทาง ลู่ง อ ล่าง โอ พ้า, ดี๊ พ้ะ กแช่ยาเว อ ซื๊งเว๊ อ กแช่แยว้ นอ อ ไละ ทอางแม้เลา โอ ซ๊าโมง, ซ๊าโมง เด้าะ นอ อ ซื๊งเว๊ โล้ล้าง อ ทเด้บ้ะ, ดี๊ โบงทางแบ้ทาง กแช่ยาเว อ ซื๊งเว๊ อ กแช่แยว้

ทอางปฆ้า 19:7

กแช่ยาเว อ ท อางแม้เลา นอ, ฌี้ กุ้เม้ง ดี๊ แม้ชองทาง ทโอม๊า กแช่ยาเว อลู่งอแท๊ นอ, ล้างเท่งล้างชิ้ ดึ้เกม๊า โพล้ง พี่ ซีงแฌ๊ เท่อ แซย้ นอ, โอ ดี๊ ทโกงซีมองแบ

ทอางด้อง 2:6

เมะเว๊ กแช่ยาเว เกล๊าง ทโกงซีมองแบ ท ซีงแฌ๊แน่ฌ๊า ดี๊ ทแนซีโน้งซี, ไจทางนี่ ลู่ง กแช่แยว้ อ นุ้ พ้า

ทอางด้อง 6:23

อไฌ่บี่อี้ง ทอางแม้เลา นอ เก มีโด้ง, ดี๊ ทซองทซ๊าง นอ, เกทโฌ่งทพ้าง ดี๊ ท โล้ซีงแฌ๊ เก บี่ซุ้ ทซองทซ๊าง นอ, เก เกล้ ลู่ง ทโอม๊า

มาลาคี 2:7

เมะเว๊ โพล้งลื่งเท่ออคู อ นุ้เฌะ นอ, เกิ้ง แฌแซกต้างทะ ทซีงแฌ๊, ดี๊ โพล้ง ซีง ลแพ เกิ้ง อางฆื๊งนี่ ทซองทซ๊าง ลู่ง อ เว๊ อ นุ้, อไฌ่บี่อี้ง, อ เว๊ เก กแช่ยาเว ซึ้คู ดูทึชองทึ อ โพล้งไคล้เดิงเท่อ

ม้ะทู 13:52

กแช่ เยซู ไคล้ ช๊า ไท้-อ้ะ ไจ้ะ เว๊ แด, “ท บี่ นอ, คู ซอง เท่อ ซ๊าง เท่อ เซ๊งพ้า ท้างพ้า แฌ้ ฌี้ แฌ้ ฌี้, พี่ อ ซีงแฌ๊ เว๊ เย้า, กแช่ แยว้ อ มื่ง อ บ้าง แม้ อ ซ้ะ บี่ จะ เล้ นอ, อ เว๊ แบ ด้อง เด้า กแช่, แม้ นี่ ท อ ล่างลี้ง ดี๊ อ ซ๊าง ลู่ง ท ล่าง อางกีซยอง เท่อ อ พ้า นอ, ฌ้อง เฌ๊ ทาง โชะ เว๊”

มาร้ะกู 6:34

ท่อง กแช่ เยซู ไจ ล้าง ไฆวะ คลี๊ง พ้า นอ แด โพล้ง แอ ฌ้อง ล มู๊ง นอ, ฌ้อง ย๊างเซิง ย๊างซ้ะ เว๊ เต้ๆ, ล้อ, แคว่ เว๊ แบ ด้อง แกะ ล มู๊ง พี่ โพล้ง ล โอ ลื่ง-อ้ะ แบ, อ เว๊ แด ซอง ทาง ซ๊าง ทาง เอะ เว๊ อ เท่อ ตบลึ้ เม้ง ล้อ

โล้​ล้างที๊ง​ทอางแม้เลา 16:18

“เกม๊า น ต๊างทางนี่ โพล้งต้ะเซ๊งเท่อ, ดี๊ ท อคูอแน่ ลู่ง น เว่ง พ้า, พี่ กแช่ยาเว น กแช่แยว้ เกล๊าง เอะ แน้ นชื้อนชะ นอ, เกม๊า อ ซื๊งเว๊ ต้ะเซ๊ง เอะ โพล้งเฌงพูฆ๊างพู อ เท่อ, ท๊อง ท อเกิ้งอแบ นอ ล้อ

โคโลซี 1:28

ท บี่ นอ, ก โล้ ล้าง เท่อ แบฆ้ะ ดี๊ กแช่ เยซู คริ้ อ ไฌ่ เอะ โพล้ง กุ้ อ แฌ้, ก โล้ แบ-อ้ะ ดี๊ ซอง-อ้ะ ลู่ง ท โกง ซี มอง แบ กุ้ อ เม้ง, บี่ ซุ้ ม เกม๊า โพล้ง กุ้ อ แฌ้ เฌ๊ ลู่ง กแช่ แยว้ อ เมะแซ พ้า, เก โพล้ง ฌี้ โพล้ง แอว้ เมาน่าง ลู่ง กแช่ เยซู คริ้ อ ซุ้

ยาเก้า 1:5

ลู่ง น ซื๊ง แกล้ อี้ง, โพล้ง พี่ ล แฌ้ เล้ อ ท โกง ท มอง เมะ ล โอ แบ นอ, เกม๊า โพล้ง ล แฌ้ นอ อางท่าง ดี๊ กแช่ แยว้, ฌ้อง กแช่ แยว้ ม เกล๊าง-อ้ะ, อ ไฌ่ บี่ อี้ง, กแช่ แยว้ นอ อ ซ้ะ โพล๊, เกล๊าง เอะ โพล้ง อ เท่อ กุ้ แฌ้ ดี๊ ล เอ้งไฌ้ โพล้ง แบ