เอซรา 7:21 - Northern Pwo Karen Thai Bible

²¹ “ดี๊ แย้ เมะเว๊ กจุ้แฆว้ อาทาเซอซี, นี่ กวิ้ทาง ไละ อางแบเลา เท่อ, ลี้ ท้อง โพล้ง แคว่ ทล่างอางกีซยองเท่อ, ลู่ง เว่งดูคล้องโท๊ ที๊ง แว่โค๊ แพ้, ลู่ง มื่งนึ ล โค๊ นอ บี่อี้ง, ท เม้ง ฌี้ๆ, พี่ โพล้งลื่งเท่ออคู เอซรา คู ซอง กแช่แยว้ ลู่ง มุ้คู, อ ทอางแม้เลา เอดุ้ นี่ แบ เว๊ ดี๊ แน้ นอ, เกม๊า น แม้นี่ เอะ-อ้ะ ดี๊ ทฆ้ะทไฆ๊

เอซรา 7:21 ပူးပေါင်းရင်းမြစ်များ

เอซรา 4:16

เฆ้อ ซีงลแพ ก อางท่าง โล้แบ เกม๊า กจุ้แฆว้ ซีงแฌ๊ บี่อี้ง, เว่ง อี้ง เมะ นี่ ไต้ ซ๊างทางไท้-อ้ะ ฌ้องทางเกทาง, ดี๊ เว่งดูคล้องโท๊ อ กางแป ฌ้องทางเกทาง เย้า นอ, น ล โอ ดี๊ นฌ้องนเก นี่ แบ เว่ง ลู่ง ที๊ง แว่ ล แพ้ ลู่ง มื่งนึ ล โค๊ นอ แบ”

เอซรา 4:20

โอ ดี๊ กจุ้แฆว้ พี่ โอ ดี๊ อดู้งดูยางดู โพะคอง เยรูซเลง, เก โพล้ง โพะคอง เว่งดูคล้องโท๊ เลาพะ, ลู่ง ที๊ง แว่ ล แพ้ มื่งนึ ล โค๊ นอ, พี่ โพล้ง โซ๊ง ทแบเกล๊างนี่ชอง, ทแบเกม๊าอฆวี้, ดี๊ ทอค๊อง เอะ-อ้ะ

เอซรา 6:6

“อกย้อง บี่นอ, ท้ะเทไน พี่ เก ทอดู ยู่แคว่ เว่งดูคล้องโท๊ ลู่ง ที๊ง แว่แพ้ มื่งนึ ล โค๊, เชทาโบเซไน ดี๊ อ โพล้ง พี่ แม้ ซกุ้ เท่อ ดี๊-อ้ะ, พี่ เก โพล้งแคว่ที๊งทแม้, พี่ อ โอ เว่งดูคล้องโท๊ ที๊ง แว่ ล แพ้ มื่งนึ ล โค๊ นอ, เกม๊า ลี้ ไฆวะ เมะ ไย้ ไช้ะ แดเทา

เอซรา 7:1

โอก้ะ ลู่ง ไค๊, ลู่ง อาทาเซอซี เก กจุ้แฆว้ ค่าง เปอแซย อ ชู้ แค๊ นอ, เซไรยา อ พู เมะเว๊ เอซรา, เซไรยา นอ เก อาซารียา อ พู, อาซารียา นอ เก เฮงคียา อ พู

เอซรา 7:22

ทึเมะ จี้ ฆ๊า ซ๊าม๊า ลี่งแย้ กีโล, ดี๊ บืง ซาลี ท้อง อ กีโล ล ไซ, ไซ้ะ ซไบ้ะ แซ ที๊ง คี๊งม๊า เล๊ง, ทซู คี๊งม๊า เล๊ง, ดี๊ ที๊งแล ล ดว้ะ อแอ อแซย้ แบ

เอซรา 7:6

เอซรา ล แฌ้ อี้ง นอ โอนี่ ลู่ง บาบีโลง พ้า ลี้ทาง, อ เว๊ เก คู ซองเท่อซ๊างเท่อ, ซีงแฌ๊ โมเซ อ ทอางแม้เลา อ ไฌ่, พี่ กแช่ยาเว โพล้ง อีซลาเอง อ กแช่แยว้ เกล๊าง เอะ-อ้ะ, ดี๊ กจุ้แฆว้ เกล๊าง เอะ-อ้ะ กุ้เม้ง, พี่ อ อางท่าง เว๊ นอ ฌี้ มะ, เมะเว๊ กแช่ยาเว อ เว๊ อ กแช่แยว้ อ จูง โอ ดี๊-อ้ะ

เอซรา 8:36

อ ซื๊งเว๊ ซีง ลแพ, นี่ อางกีล้าง กจุ้แฆว้ อ ไละ อางแบเลา เท่อ, เอะ กจุ้แฆว้ อ โพล้งโพะคองเว่ง ซีง ลแพ นอ, ดี๊ ทอดูยู่แคว่เว่งดูคล้องโท๊, ลู่ง ที๊ง ยูเฟตี กล้อง อ มื่งนึ ล โค๊ นอ, ดี๊ อ ซื๊งเว๊ ลแพ อี้ง, นี่ แม้ช้า โพล้งเฌงพูฆ๊างพู, ดี๊ กแช่แยว้อล่างโอ นอ ล้อ

เนฮะมี 2:7

ดี๊ แย้ จ อางจ้ะ กจุ้แฆว้ บี่อี้ง, “เมะ แบ กจุ้แฆว้ อ ซ้ะ นอ, เกม๊าเต้ กวิ้ เอะ แย้ ไละ, ลี้โชะ ท้อง ลู่ง กเย่ ทอดู ยู่แคว่ เว่งดูคล้องโท๊, ลู่ง ที๊ง ยูเฟตี กล้อง แว่โค๊แพ้ ลู่ง มื่งนึ ล โค๊ นอ บี่ซุ้ อ ซื๊งเว๊ ม เกม๊า จ ลี้ แพ๊ฆ้าง, ท๊อง จ ลี้ ท้อง ยูดา

ทอางปฆ้า 119:4

กแช่แยว้ ล้อ อางกีล้าง ทโล้ทละ บี่ซุ้ เกม๊า เฆ้อ แม้โพะ อ ไค๊ เมาน่าง

ดานีเอง 6:26

ก กวิ้ทาง ไละ อางแบเลา เท่อ บี่อี้ง, เกม๊า กเย่ โพล้ง ลู่ง กมื่งกบ้าง พ้า อี้ง เลาพะ นอ, ซ้ะเม ดี๊ ดู้งแบยางแบ ดานีเอง อ กแช่แยว้ เมะเว๊ อ เว๊ เก กแช่แยว้ พี่ อ โอม๊า อ เว๊ โอเฌิ่งโอค๊า ล้างชู้ล้างแกย อมื่งอบ้าง ม ล แบ ทแม้ เฌ๊ฌ้อง แบ ดี๊ อ ท โพะคอง นอ, ม โอ ท๊อง อทึอจุ้ ล้อ