เอซรา 5:6 - Northern Pwo Karen Thai Bible

⁶ ไละกวิ้ยื่ง อเตว่, พี่ ท้ะเทไน ทอดู ยู่แคว่ เว่งดูคล้องโท๊ ลู่ง ที๊ง แว่ ล แพ้ ลู่ง มื่งนึ ล โค๊, ดี๊ เชทาโบเซไน, ดี๊ โพล้ง พี่ อ แม้ซกุ้ เท่อ ดี๊-อ้ะ, พี่ เก โพล้งแคว่ที๊งทแม้, พี่ อ โอ ลู่ง เว่งดูคล้องโท๊, ลู่ง ที๊ง แว่ ล แพ้, ลู่ง มื่งนึ ล โค๊ นอ, โซ๊ง เว๊ โพล้ง ลี้ อางจ้ะ กจุ้แฆว้ ดารีอะ

เอซรา 5:6 ပူးပေါင်းရင်းမြစ်များ

เอซรา 4:11

ดี๊ อ อี้ง นอ เก ไละกวิ้ยื่ง อเตว่, พี่ อ ซื๊งเว๊ โซ๊ง เอะ กจุ้แฆว้, “โล้แบ กจุ้แฆว้ อาทาเซอซี, โอนี่ ลู่ง น กดูกแซย่, เมะเว๊ โพล้ง ลู่ง เว่งดูคล้องโท๊ ที๊ง แว่ ล แพ้ ลู่ง มื่งนึ ล โค๊

เอซรา 4:23

ฌ้อง ท่อง นี่ พ้ะทาง กจุ้แฆว้ อาทาเซอซี อ ไละกวิ้ยื่ง อเตว่, ลู่ง เรฮูง ดี๊ ชีงไช โพล้งกวิ้ไนไละ ลู่ง บลาง พ้า, ดี๊ ลู่ง โพล้ง อ แฌ้แพ พี่ แม้ ซกุ้ เท่อ ดี๊-อ้ะ อ เมะแซ พ้า นอ, อ ซื๊งเว๊ซีง ปชื่ง ลี้ฌูง โพล้ง ยู ลู่ง เยรูซเลง พ้า, ดี๊ เจ่ อ ไฌ่ อ แบ้ ดี๊ อดู้งอยาง, ดึ้เกม๊า เว๊ อ โอโท๊ไฆวะ ทแม้

เอซรา 4:9

ฌ้อง เรฮูง ซึ้พูมู๊งอคูดู, ชีงไช พี่ เก โพล้งกวิ้ไนไละ, ดี๊ อ ฌุ้พาง อ แฌ้แพ พี่ แม้ ซกุ้ เท่อ ดี๊-อ้ะ, เมะเว๊ โพล้งต้ะเซ๊งเท่อ, โพล้ง แคว่ที๊ง ทแม้, กดูกแซย่, โพล้ง เปอแซย, โพล้ง เอเระ, โพล้ง บาบีโลง, โพล้ง ซูซา, เมะเว๊ โพล้ง เอลาง

เอซรา 5:3

อช๊าอโท่ ล พ๊าฆ่าง นอ, ท้ะเทไน พี่ เก ทอดู ยู่แคว่ เว่งดูคล้องโท๊, ที๊ง แว่ ล แพ้, ลู่ง มื่งนึ ล โค๊ ดี๊ เชทาโบเซไน, ดี๊ โพล้ง อ แฌ้แพ พี่ แม้ ซกุ้ เท่อ ดี๊-อ้ะ นอ, เฌ๊ฌูง-อ้ะ, ดี๊ ไคล้ ดี๊-อ้ะ บี่อี้ง, “โพล้ง เล้ อางแบเลา แน้, เกม๊า ไต้ กแช่แยว้อล่างโอ ดี๊ อโคงอฌ้าง อี้ง, ท๊อง อ ฌ้องทางเกทาง นอ”

เอซรา 5:7

น ซื๊งเว๊ซีง โซ๊ง ไละ พี่ โอ ดี๊ ทกวิ้ล้าง บี่อี้ง, “โล้แบ กจุ้แฆว้ ดารีอะ เกม๊า ดูทางโท๊ทาง

เอซรา 6:6

“อกย้อง บี่นอ, ท้ะเทไน พี่ เก ทอดู ยู่แคว่ เว่งดูคล้องโท๊ ลู่ง ที๊ง แว่แพ้ มื่งนึ ล โค๊, เชทาโบเซไน ดี๊ อ โพล้ง พี่ แม้ ซกุ้ เท่อ ดี๊-อ้ะ, พี่ เก โพล้งแคว่ที๊งทแม้, พี่ อ โอ เว่งดูคล้องโท๊ ที๊ง แว่ ล แพ้ มื่งนึ ล โค๊ นอ, เกม๊า ลี้ ไฆวะ เมะ ไย้ ไช้ะ แดเทา

เอซรา 8:36

อ ซื๊งเว๊ ซีง ลแพ, นี่ อางกีล้าง กจุ้แฆว้ อ ไละ อางแบเลา เท่อ, เอะ กจุ้แฆว้ อ โพล้งโพะคองเว่ง ซีง ลแพ นอ, ดี๊ ทอดูยู่แคว่เว่งดูคล้องโท๊, ลู่ง ที๊ง ยูเฟตี กล้อง อ มื่งนึ ล โค๊ นอ, ดี๊ อ ซื๊งเว๊ ลแพ อี้ง, นี่ แม้ช้า โพล้งเฌงพูฆ๊างพู, ดี๊ กแช่แยว้อล่างโอ นอ ล้อ