เอเซเคียง 4:2 - Northern Pwo Karen Thai Bible

² เกม๊า พ้องวะ ทะ เว่ง นอ, ดี๊ โก๊ทาง กางแป พ้องวะ เว่ง นอ วะชวะ ปะ, ดี๊ ไต้ทาง นี่ ทล่างทุ้กดื้งซ้ะ ดึ้ เว่ง นอ, ดี๊ ช๊างล้าง ทล่าง โอซยอง วะ เว่ง, ดี๊ ช๊างล้าง ทฆ้าทโฆ่ แม้ พล๊อง กางแป วะ เว่ง นอ

เอเซเคียง 4:2 ပူးပေါင်းရင်းမြစ်များ

2​ซามูเอง 20:15

กเย่ ซึ้พู พี่ อ โอ ดี๊ โยอะ ลแพ นอ, เฌ๊ ท้อง ดี๊ พ้องวะทะ อ ซื๊งเว๊, ลู่ง ตางโบง อาเบง เว่ง เบมาอาคา, อ ซื๊งเว๊ ต้างคื๊งทางนี่ เท่อ, พี่ อ โอ กแท้ โละซ้ะ ดี๊ ทล่าง คุ้แคว่ เท่อ, บี่ซุ้ ม ดึ้ซึ้ โละซ้ะ ดี๊ โพล้ง ล เว่ง นอ, ซึ้พู เลาพะ พี่ โอ ดี๊ โยอะ นอ, ชิ้ท๊า กางแป เกม๊า อ ล้างฆ่อง

อีซยา 22:7

น ทลู่ง คางไท้ะ พี่ อ ฌี้ทึ โอ ฆวี้ ดี๊ เลาะดึ้ซึ้ ดี๊ ซึ้พู เทา กซี นอ, ชี๊เทิง โอ อ ล่าง คระ ลู่ง เว่ง อ ป้ะตู๊ง ไท้ะ

เยเรมี 32:24

แคว่เซ้อ, ทล่างทุ้กดื้งซ้ะ พี่ พ้องวะ เท่อ นอ, นี่ เฌ๊ท้อง เว่ง, บี่ซุ้ ม แม้นี่ก้ะ เว๊ เย้า, ดี๊ ลู่ง น้ะ, ท ซ้ะวี่งล้างดุ้ ทอาง, ดี๊ ทแช๊ แบฌะ อกย้อง นอ, เว่ง อี้ง นอ, แบ ท อางกีล้าง ลู่ง โพล้ง เคลเดีย, พี่ อ ดึ้ เท่อ อ แค๊ นอ, ท พี่ กแช่แยว้ โล้ เว๊ นอ, อ กึทาง เย้า, ดี๊ อี้งเซ้อ, กแช่แยว้ แคว่ เท่อ แด เว๊ ล้อ

เยเรมี 33:4

เมะเว๊ กแช่ยาเว, กแช่แยว้ ลู่ง อีซลาเอง นี่ ไจ้ะเว๊ บี่อี้ง, แบฆ้ะ ดี๊ เด้า อไฌ่อกย้อง ลู่ง เว่ง พ้า อี้ง, ดี๊ กเย่ ยูดา อ กจุ้แฆว้ อ บลาง อไฌ่อกย้อง ลู่ง เว่ง พ้า อี้ง, พี่ อ แบ ท กูงล้าง, บี่ซุ้ เจ่ ด้างทะ ทล่าง ทุ้กดื้งซ้ะ ดี๊ น้ะ

เยเรมี 52:4

ดี๊ ควี๊ง เนง ล เนง พ้า, ลู่ง อ เว๊ อ ชู้ แค๊, มื่ง อ นี้ง ล ชี๊ง ลู่ง แล้ อ เบง ล ชี๊ง พ้า นอ, เนบูคาเนซา ลู่ง เว่ง บาบีโลง, ล พ๊าฆ่าง ดี๊ อ ซึ้พู มู๊ง เลาพะ, นี่ ดึ้ซึ้ โละซ้ะ ดี๊ เว่ง เยรูซเลง, ดี๊ พ้องวะ ทะ เว่ง ดี๊ ไต้ทาง ทร้อง พ้องวะ เว๊ วะชวะ

เยเรมี 6:6

เมะเว๊ กแช่ยาเว ซึ้คู ดูทึชองทึ ไจ้ะเว๊ บี่อี้ง “เกม๊า เคาแค่ล้าง อ เซง มื่งเทิง เกม๊า ไต้ทาง ทล่างทุ้กดื้งซ้ะ ดึ้ซึ้ เยรูซเลง อ อี้ง ล้อ, เว่ง พี่ อ แบ ท แม้เตาแม้แต๊ ลู่ง อ พ้า นอ, ท ล โอ น่างเม้ง แบ, โอ เว๊ ที่ ท แคแนแคแก้ ล้อ

เอเซเคียง 21:22

อ เว๊ โอ ดี๊ เยรูซเลง อ ไละพู พ้ะดุ้ เท่อ ลู่ง อ จูงฆุ้ พ้า, บี่ซุ้ ช๊างล้าง ทฆ้าทโฆ่ แม้พล๊อง เท่อ, บี่ซุ้ อ้างทาง นุ้ อางแบเลา เกม๊า แม้เฌ๊ฌ้อง เท่อ, บี่ซุ้ กุ้ซย้ะ เท่อ เกม๊า ดึ้ซึ้, บี่ซุ้ ช๊างล้าง ทฆ้าทโฆ่ แม้พล๊อง เท่อ ลู่ง เว่ง อ ป้ะตู๊ง, บี่ซุ้ ไต้ทาง ทล่างทุ้กดื้งซ้ะ, ดี๊ โก๊ทาง กางแป พ้องวะ เท่อ

เอเซเคียง 21:27

ล้างฆ่อง, ล้างฆ่อง, ล้างฆ่อง ก ม ดึ้ เกม๊า ทแม้ อ ซ้ะ บี่อี้ง แบเด้าะ อ อี้ง นอ, ล กึทาง แบ ปะ, ท้อง ลู่ง โพล้ง ต้ะเซ๊ง เท่อ ม เฌ๊ ดี๊ ก ม อางกีล้าง เอะ โพล้ง ล แฌ้ นอ ล้อ

เอเซเคียง 5:2

เกม๊า น แม้ นี่ คูซู๊ง ล โทะ ลู่ง ซ๊าโทะ พ้า นอ, ลี้ เช้าไฆวะ-อ้ะ ลู่ง เว่ง อ คี่งแกล้ พ้า, ลู่ง มื่งนี้ง พี่ ท พ้องวะ ชิ้ทาง เย้า นอ, ดี๊ แม้นี่-อ้ะ ล โทะ เด้าะ ลู่ง ซ๊าโทะ พ้า นอ, กล้างเทะ-อ้ะ ดี๊ น้ะ ลี้ ช่องวีงวะ เว่ง, ดี๊ ล โทะ เด้าะ ลู่ง ซ๊าโทะ พ้า นอ, เกม๊า ทูแพล่ ลี้ ดี้ง ลีงแล่ โพะ ลี้ง อ ไค๊, ฌ้อง นอ ก ม ทึ้ทาง น้ะ ลี้ ช่อง เทว๊-อ้ะ

ดานีเอง 11:15

ฌ้อง กจุ้แฆว้ ลู่ง มื่งเค๊ง ม เฌ๊ พ้องวะ เท่อ, ดี๊ ไต้ทางนี่ เซง ทล่างทุ้กดื้งซ้ะ, ดี๊ แม้นี่ก้ะ เว่ง พี่ โอ ดี๊ ทล่างโอคุ้แคว่เท่อ เฌิ่งเพิ่ง นี่ ล เว่ง, แบเด้าะ ซึ้พูมู๊ง ลู่ง มื่งแพ้ อไฌ่อแบ้ ม ดึ้ซึ้ ล น้า แบ, ทึเมะ ซึ้พูมู๊ง พี่ อางลึนี่ เย้า ฌี้ นอ, ดึ้ซึ้ เว๊ ล น้า แบ, เมะเว๊ อไฌ่อแบ้ เทิงล้าง อ ซ้ะ ดึ้ซึ้ เท่อ ล โอ แบ