เอเซเคียง 3:3 - Northern Pwo Karen Thai Bible

³ ดี๊ กแช่แยว้ ไคล้ ดี๊ แย้ ไจ้ะเว๊, “กโพล้ง อ พู-เอ้อ, เกม๊า น อาง ไละทื๊ง พี่ จ เกล๊าง เอะ แน้ อี้ง, ดี๊ ชวี๊งล้าง ท่อง อ ฆวี้ น ฌู่โพ๊ง” ฌ้อง นอ จ อาง-อ้ะ, ดี๊ ท่อง ไละทื๊ง โอ จ นุ้ พ้า นอ, อ ช๊า บี่ซุ้ดี๊ นี๊จ้าง ล้อ

เอเซเคียง 3:3 ပူးပေါင်းရင်းမြစ်များ

โยบา 23:12

จ ล นี่ ล้างแซยล้างพ้ะไฆวะ ดี๊ ทซองทซ๊าง, พี่ เฌ๊ นี่ ดี๊ กแช่แยว้ อ นุ้ นอ แบ จ อางกีซยองนี่ กแช่แยว้ อลู่งอแท๊, ลู่ง กแช่แยว้ อ นุ้ นอ, แอเละ จ ทอเค้อะอต้าง ได้ะ

ทอางปฆ้า 119:103

กแช่แยว้ อ ทไคล้ นอ, จ อางดุ้ เย้า, อ ช๊า เต้ๆ ช๊า ฌี้เละ นี๊จ้าง ได้ะ, พี่ อ ท้อง จ นุ้ นอ

ทอางปฆ้า 119:11

จ นี่ อางกี แฌแซ กแช่แยว้ อ ทไคล้ ลู่ง ซ้ะพ้า บี่ซุ้ จ ล แม้ ทเด้บ้ะ แบ กแช่แยว้ แบ

ทอางปฆ้า 119:97

โอ้, แย้ จ เอ กแช่แยว้ ทอางแม้เลา เต้ๆ เก จ ท อางโฆอางว่าง ครึๆ, ล้อ

ทอางปฆ้า 19:10

ล้าง แบซ้ะ-อ้ะ แอเละ ท๊อง ได้ะ ดูเละ ท๊อง ลู่ง อ แย ฌี้ทึ ได้ะ ช๊า ฌี้เละ นี๊จ้าง พี่ อ ล้างช้างนี่ ลู่ง อ โด้ง ล้อง

ทอางปฆ้า 19:11

ลเม้งได้ะ, ทลแพ อี้ง, เก ทโล้ ซีงแฌ๊ กแช่แยว้ อเพล่อบาง ทแฌแซกต้าง ทโล้ทละ ลแพ นอ, นี่แบ รางวาง ลู่ง อดูอโท๊

เยเรมี 15:16

ท่อง จ แด นลู่งนแท๊ เย้า นอ, จ อางไฆวะ-อ้ะ เฆาะ นลู่งนแท๊ นอ, เก ท เซิงฆวี๊งซ้ะโย้ เอะ แย้ ดี๊ เก จ ท ซ้ะอวีงซ้ะโทะ ลู่ง จ เซิงพ้าซ้ะพ้า จ กแช่ยาเว, กแช่แยว้ ซึ้คู ดูทึชองทึ-เอ้อ อไฌ่บี่อี้ง อ เว๊ กุ้ แย้ บี่ซุ้ดี๊ นเม้งนแซ นอ ล้อ

เยเรมี 20:9

จ เมะ ไจ้ะ บี่อี้ง, “จ ล เฆว้ง แบ เท่อ ท้อง กแช่แยว้ แบ ฌี้ โล้ เท่อ ลู่ง กแช่แยว้ อ เม้ง ล้า แบ ฌี้ นอ” ท โอ ลู่ง จ ซ้ะ พ้า บี่ซุ้ดี๊ มี อาง เท่อ ไซ้ะเท้ง อ ซ้ะ โอ ลู่ง จฆีงจเกว้ พ้า ดี๊ จ ล้างเพาล้างแช่ พี่ จ แบ อางกีท๊าง-อ้ะ ดี๊ จ อางกีท๊าง-อ้ะ ล เก แบ

เยเรมี 6:11

แบเด้าะ จ โอ ดี๊ กแช่ยาเว อ ท ซ้ะทาง พ้ะดู ฆวี้ทะ จ ม อางกีทะ-อ้ะ ได้ะ ล เก ล้าแบ “เกม๊า ลู๊งล้าง-อ้ะ, แบ เว๊ พืงดี้งพืงแซ ลู่ง เกล้ นอ ดี๊ แบ เว๊ โพล้ง น่างบางซ้ะบาง พี่ โอซยอง โละซ้ะ นอ ปะ เลา ดี๊ แว้ ดี๊ แม๊ นอ, ม แบ แม้ นี่-อ้ะ เลา ดี๊ โพล้ง ซ้ะแซย่ ดี๊ โพล้ง ซ้ะแซย่ กิ้ ปะ

เอเซเคียง 2:10

ฌ้อง กแช่แยว้ เคล๊ทาง ไละ นอ ลู่ง จ เมะแซ พ้า, โอ ดี๊ ไละเมะ กวิ้ล้าง เท่อ, เลา ดี๊ อ เมะแซ พ้า ดี๊ อ ล่างไค๊ โอ ดี๊ ท ไฌ่ ฌางล้างย้าล้าง, ทไคล้ มองแบม้ะแบ เท่อ, ดี๊ ทไคล้ เซงทื่งเฌ๊ฌ้อง กวิ้ล้าง เว๊ ไละ พ้า นอ ล้อ

เอเซเคียง 2:8

“เมะ แน้ นอ, กโพล้ง อ พู-เอ้อ, เกม๊า คุ้ช๊องแน ท พี่ ก โล้ เอะ แน้, เก โพล้ง พี่ อ เฌา กไบล้ะ บี่ซุ้ดี๊ ชื้อชะ พี่ อ เฌา กไบล้ะ นอ ล ฌี้, เกม๊า น อ้างทาง น นุ้, ดี๊ อาง ท พี่ ก เกม๊า แน้”

เอเซเคียง 3:4

ฌ้อง นอ กแช่แยว้ ไคล้ ดี๊ แย้ ไจ้ะเว๊, “กโพล้ง อ พู-เอ้อ, เกม๊า น ลี้ฌูง อีซลาเอง อชื้ออชะ, ดี๊ โล้ล้าง ก ทไคล้ เอะ อ ซื๊งเว๊

โยฮาง 7:38

ด้อง ซุ้ ท กวิ้ ล้าง เว้ ลู่ง ไละ ฌี้ ไละ แอว้ พ้า ไจ้ะ เว๊ ‘กเย่ โพล้ง ลู่ง อ ชู่ง แย้ นะ แย้ ล แฌ้ๆ, นอ, ที๊ง พี่ อ เกล๊าง ท ม๊า ม โอ อ เว๊ อ ซ้ะ พ้า แยว้ ทาง นอ ล้อ’, ”

โคโลซี 3:16

เกม๊า ท ฌี้ อ ไฌ่ แบฆ้ะ ดี๊ กแช่ เยซู คริ้ โอ ฆวี้ ทะ ลู่ง น ซื๊ง ซ้ะ พ้า, น ซื๊ง แบ ซอง ลู ซ๊าง ลู โละ น ซื๊ง ซ้ะ, เน ฌ้า โละ น ซื๊ง ซ้ะ ดี๊ ท โกง ท มอง นอ, ซ้ะอวีง ทาง แท๊ แบ้ แยว้ ดี๊ แท๊ อางปฆ้า ทาง กแช่ แยว้ ลู่ง ท เซิง ฆวี๊ง ซ้ะ โย้