เอซเทอ 9:1 - Northern Pwo Karen Thai Bible

¹ ลู่ง มื่ง ชี๊งซ๊า นี้ง ล นี้ง, แล้ ชี๊งคี๊ง เบง ล เบง พ้า, เมะเว๊ แล้ อาดา, มื่ง ล นี้ง แย๊ พี่ ม แม้โพะ กจุ้แฆว้ อ ทอางแบเลา, ดี๊ อ ไละอางแบเลา เท่อ อ ไค๊, ล นี้ง แย๊ นอ ล้อ, พี่ โพล้ง ยู อดีงอแด้ มื้งแล่ เว๊, ม โอ ดี๊ อดู้งอยาง ดูเละ โพล้ง ยู, แบเด้าะ เกทางก้ะ มื่ง นี้ง พี่ โพล้ง ยู ซีงลแพ, อดู้งอยาง โอ ดูเละ โพล้ง พี่ แช๊เมะไฌ๊ซ้ะ ดี๊ อ ซื๊งเว๊ซีง

เอซเทอ 9:1 ပူးပေါင်းရင်းမြစ်များ

2​ซามูเอง 22:41

กแช่แยว้ ดึ้ เกม๊า กเย่ จ ดีง จ แด้ นอ, วีงโด้งโคล๊งไฆวะ อ ซ้ะ ดี๊ แย้ กเย่ โพล้ง พี่ อ แช๊เมะไฌ๊ซ้ะ ดี๊ แย้ นอ, แย้ จ แม้เฌ๊ฌ้องไฆวะ-อ้ะ เลาพะ

เอซเทอ 3:13

เกม๊า โพล้ง โชะไละ, ลี้ โชะ ไละกวิ้ยื่ง ลแพ อี้ง, ลู่ง กจุ้แฆว้ อ เว่งดูคล้องโท๊ พ้า กุ้ จอง, อางแบเลา เกม๊า แม้ เฌ๊ฌ้อง, แม้ซี๊ง, ดี๊ แม้ ล้างเทาไฆวะ โพล้ง ยู เลาพะ, เลา ดี๊ อ บาง อ แซย่, เลา ดี๊ พืงแซ ดี๊ กมืง ล นี้งฆ่าง นอ, เมะเว๊ มื่ง ชี๊งซ๊า นี้ง ล นี้ง แล้ ชี๊งคี๊ง เบง ล เบง พ้า, เมะเว๊ แล้ อาดา, ดี๊ เกม๊า ลู่นี่ก้ะ อ ซื๊งเว๊ ลแพ นอ อฆ้าอโฆ่ ปะ

เอซเทอ 3:7

ลู่ง แล้ อ ต้องคู ล เบง พ้า, พี่ อ เก แล้ นีซาง ชี๊งคี๊ง เนง ล เนง พ้า, ลู่ง กจุ้แฆว้ อาฮ้ะซูเอระ อ ชู้ แค๊ นอ, อ ซื๊งเว๊ พอง ไละพู ลู่ง ฮามาง อ เมะแซ พ้า, บี่ซุ้ อางฆื๊ง มื่ง นี้ง อางฆื๊ง แล้, อ ซื๊ง เว๊ นี่ แล้ ล ชี๊งคี๊ง เบง ล เบง นอ, เมะเว๊ แล้ อาดา

เอซเทอ 8:12

ลู่ง ล นี้ง ฆ่าง พ้า นอ, เฆ้ง กจุ้แฆว้ อาฮ้ะซูเอระ อ เว่งดูคล้องโท๊ พ้า กุ้ จอง, เมะเว๊ มื่ง ชี๊งซ๊า นี้ง ล นี้ง ลู่ง แล้ ชี๊งคี๊ง เบง ล เบง พ้า, ลู่ง แล้ อาดา พ้า

เอซเทอ 8:6

เมะเว๊ จ ม โก้ง ซ้ะ แคว่ ทอ้าทซ๊าง, เฌ๊ ท้อง โพล้ง ล ชื้อ ฆ่าง ดี๊ แย้ ซี บี่จะเล้?, จ ม โก้ง ซ้ะ แคว่ ทแม้ เฌ๊ฌ้อง จ พื่ง จ วี่ ซี บี่จะเล้?”

เอซเทอ 9:17

ทกึทาง อ ซ้ะ อี้ง นอ, กึทาง ลู่ง มื่ง ชี๊งซ๊า นี้ง ล นี้ง, ลู่ง แล้ อาดา พ้า, ดี๊ ลู่ง มื่ง ชี๊งลี่ง นี้ง ล นี้ง นอ, อ ซื๊งเว๊ โอไปว้ะ, ดี๊ มื่ง ล นี้ง แย๊ นอ, แม้ เว๊ เก ทลื่งอางลื่งโอ้ อ มื่ง นี้ง, ดี๊ เก ทซ้ะมึ อ มื่ง นี้ง

ทอางปฆ้า 18:40

กแช่แยว้, ดึ้เกม๊า กเย่ จดีงจแด้, วีงโด้งโคล๊งไฆวะ อ ซ้ะ ดี๊ แย้ ดี๊ กเย่ โพล้ง พี่ อ แช๊เมะไฌ๊ซ้ะ ดี๊ แย้ นอ, จ แม้เฌ๊ฌ้องไฆวะ-อ้ะ เลาพะ

ทอางปฆ้า 30:11

กแช่แยว้ เปลงไฆวะ จ ทแบมองแบม้ะ, เกก้ะ ทเฌ้เทิงลี่ง กแช่แยว้ เบ้าะล้างไฆวะ จ ไช๊แค่ เต่กเซ้าะ ดี๊ เราทาง จ ย่างเด้ง ดี๊ ทเซิงมึซ้ะมึ

ท​แม้ 12:11

ท่อง เปโต นาง ล้าง ไท้ อ ซ้ะ นอ ไจ้ะ เว๊, “เมะ เต้ๆ, เย้า, กแช่ แยว้ เจ่ ท มุ้คู พู เฌ๊ ล้าง แม้ พ้อง แม้ พลิ้ แย้, จ พ้อง ไฆวะ ดี๊ กจุ้แฆว้ เฮรุ้ อ จูง, พ้อง ไฆวะ ดี๊ โพล้ง ยู อ ท โกง ท มอง เลา ปะ

โล้​ล้างที๊ง​ทอางแม้เลา 32:36

อไฌ่บี่อี้ง, กแช่ยาเว ม ต้ะเซ๊ง อพูอลี้ง ล้อ ดี๊ ย๊างซ้ะ แบ อเพล่อบาง พี่ แคว่ เว๊ อไฌ่อแบ้ เลาไฆวะ เย้า นอ โพล้ง ล ล้างลื๊อ น่างแฌ้ ล้าแบ, เมะ ท อ ฆ่อง ฌี้, ล เมะ ท อ ฆ่อง แบ ฌี้

ท​เน​โพล​ทาง 11:18

โพล้ง ล แบ้ แยว้ แบ ล แพ นอ อ เซิงทาง ซ้ะไฌ๊ แน้ น เซิงทาง ซ้ะไฌ๊ ปะ ท้อง อ แค๊ เย้า พี่ โพล้ง ซี๊ง ม แบ ท ต้ะเซ๊ง-อ้ะ ท้อง อ แค๊ เย้า น เพล่ น บาง ซีง, เมะ เว๊ โม ไคล้ คิ้ กแช่ แยว้ ดี๊ น พู น ลี้ง กุ้ อ แฌ้, ดี๊ โพล้ง กุ้ อ แฌ้ พี่ อ ดู้ง แบ น เม้ง น แซ เลา ดี๊ อ ดู อ ปี๊ นอ ม นี่ แบ ท อ บลึ้ อ บลาง ดี๊ ท้อง อ แค๊ เย้า พี่ น ม แม้ เตา แม้ แต๊ โพล้ง พี่ อ แม้ เฌ๊ฌ้อง ฌางคู โคล๊ง คู”