เอซเทอ 8:8 - Northern Pwo Karen Thai Bible8 เกม๊า น ซื๊ง เว๊ กวิ้ เท่อ, แบฆ้ะ ดี๊ โพล้ง ยู ลแพ นอ อ ไฌ่, ท๊อง น แคว่-อ้ะ ฌี้ ลู่ง กจุ้แฆว้ อเม้งอแซ พ้า, ดี๊ แม้ไน ทเอิ้งล้าง ดี๊ กจุ้แฆว้ อ จูงไซ้ะ พี่ โอ ดี๊ อดู้งอยาง, เมะเว๊ ไละอางแบเลา เท่อ, พี่ กวิ้ทาง ลู่ง กจุ้แฆว้ อเม้งอแซ พ้า, ดี๊ แม้ไน ทเอิ้งล้าง ดี๊ กจุ้แฆว้ อ จูงไซ้ะ พี่ โอ ดี๊ อดู้งอยาง นอ, ม เปลงไท้ ลซีแบ” အခန်းကိုကြည့်ပါ။ |
เอซเทอ 8:8
9 ပူးပေါင်းရင်းမြစ်များ
ทบี่นอ, เมะ เก ท พี่ แบ กจุ้แฆว้ อ ซ้ะ นอ, เกม๊า โอ ดี๊ ทอางแม้เลา เฌ๊นี่ ดี๊ กจุ้แฆว้, ดี๊ เกม๊า กวิ้ล้างไน ลู่ง โพล้ง เปอแซย, ดี๊ โพล้ง มีเดีย อ ทอางกีล้าง พ้า, ด้องซุ้ พี่ ม เท้าไฆวะไท้ ลซีแบ บี่อี้ง, น่าง วาที ม ลี้ฆ้าง โอ กจุ้แฆว้ ได้ะ ล ซี ล้า แบ, ดี๊ เกม๊า กจุ้แฆว้ เกล๊าง โพล้ง อ แฌ้แพ, พี่ ฌี้เละ น่าง วาที นอ, เกก้ะ ทอดู ล โค๊
ฌ้อง อ กุ้ นี่ โพล้งกวิ้ไนไละ ลู่ง บลาง พ้า เฌ๊ฆ้าง, ลู่ง มื่ง ชี๊งซ๊า นี้ง ล นี้ง, แล้ อ ต้องคู ล เบง, เกม๊า อ กวิ้ทาง ไละ อางแบเลา เท่อ, บี่ซุ้ดี๊ ฮามาง อางแบเลา เว๊ นอ กุ้เม้ง, โซ๊ง เว๊ ลี้ท้อง กจุ้แฆว้ อ ทอดูอคูอแน่ ดี๊ ท้อง โพล้งโพะคองเว่ง, พี่ โอ ยู่แคว่ เว่งดูคล้องโท๊ คระ กุ้ จอง, ดี๊ ท้อง โพล้ง กุ้ชื้อ อกดูกแซย่, ดี๊ เว่งดูคล้องโท๊ กุ้ จอง, เก โพล้ง กุ้ชื้อ อ ไละเมะ, บี่ซุ้ดี๊ อ กแช่ อ คว่าง, กวิ้ล้าง เว๊ ลู่ง กจุ้แฆว้ อาฮ้ะซูเอระ อเม้งอแซ พ้า, ฌ้อง แม้ไน ล้าง ทเอิ้งล้าง ดี๊ กจุ้แฆว้ อ จูงไซ้ะ พี่ โอ อดู้งอยาง
อ เว๊ โล้แบ เว๊ ไจ้ะเว๊, “เมะ เก เท่อ พี่ แบ กจุ้แฆว้ อ ซ้ะ, ดี๊ แย้ จ เมะ เก เท่อ พี่ อ แบเมะล้างซ้ะ ลู่ง น เมะแซ พ้า, ท ล เม้ง นอ เมะ แบเมาะ เกิ้งด้าง ลู่ง น เมะแซ พ้า, ดี๊ แย้ จ เมะ เก เท่อ พี่ อ แบเมะล้าง ซ้ะ ลู่ง น เมะแซ พ้า นอ, เกม๊าเต้ โอ ดี๊ ทกวิ้ทางไละ, อางแบเลา เกม๊า เปลงไฆวะ ทไคล้ ลู่ง ไละกวิ้ยื่ง พ้า, พี่ ฮางเมดาทา อ พู ฮามาง โพล้ง อาก้ะ ช๊องมองทาง เว๊ ดี๊ กวิ้ทาง เว๊, บี่ซุ้ ม แม้ เฌ๊ฌ้อง โพล้ง ยู, พี่ โอ กจุ้แฆว้ อ เว่งดูคล๊องโท๊ พ้า เลาพะ ลแพ นอ
ကြော်ငြာတွေ