เอซเทอ 8:11 - Northern Pwo Karen Thai Bible

¹¹ บี่ซุ้ดี๊ ไละกวิ้ยื่ง ลแพ อี้ง นอ, กจุ้แฆว้ เอิ้งล้าง เกม๊า โพล้ง ยู ซีงลแพ, พี่ โอ เว่ง พ้า กุ้ จอง นอ, เฌ๊ โอซยอง โละซ้ะ, บี่ซุ้ ปโล่ปด้างล้าง อ ซ้ะ, บี่ซุ้ แม้ เฌ๊ฌ้อง, บี่ซุ้ แม้ซี๊ง, ดี๊ บี่ซุ้ แม้ ล้างเทาไฆวะ โพล้งเฌงพูฆ๊างพู-อ้า, เว่งดูคล้องโท๊-อ้า, อ ซึ้พู น๊างมู๊ง นอ เลาพะ, พี่ ม เฌ๊ แม้อ้าแม้ซ๊าง อ ซื๊งเว๊, เลา ดี๊ พืงแซ ดี๊ กมืง, ดี๊ เฌ๊ ตมละ นี่ก้ะ อ ซื๊งเว๊ อฆ้าอโฆ่

เอซเทอ 8:11 ပူးပေါင်းရင်းမြစ်များ

เอซเทอ 3:13

เกม๊า โพล้ง โชะไละ, ลี้ โชะ ไละกวิ้ยื่ง ลแพ อี้ง, ลู่ง กจุ้แฆว้ อ เว่งดูคล้องโท๊ พ้า กุ้ จอง, อางแบเลา เกม๊า แม้ เฌ๊ฌ้อง, แม้ซี๊ง, ดี๊ แม้ ล้างเทาไฆวะ โพล้ง ยู เลาพะ, เลา ดี๊ อ บาง อ แซย่, เลา ดี๊ พืงแซ ดี๊ กมืง ล นี้งฆ่าง นอ, เมะเว๊ มื่ง ชี๊งซ๊า นี้ง ล นี้ง แล้ ชี๊งคี๊ง เบง ล เบง พ้า, เมะเว๊ แล้ อาดา, ดี๊ เกม๊า ลู่นี่ก้ะ อ ซื๊งเว๊ ลแพ นอ อฆ้าอโฆ่ ปะ

เอซเทอ 9:18

แบเด้าะ โพล้ง ยู พี่ โอ ซูซา พ้า ลแพ นอ, โอซยอง โละซ้ะ ลู่ง มื่ง ชี๊งซ๊า นี้ง ล นี้ง, ดี๊ ลู่ง มื่ง ชี๊งลี่ง นี้ง ล นี้ง พ้า, ดี๊ โอไปว้ะ ลู่ง มื่ง ชี๊งเย่ นี้ง ล นี้ง พ้า, มื่ง ล นี้ง แย๊ นอ, แม้ เก ทลื่งอางลื่งโอ้ อ มื่ง, ดี๊ เก ทซ้ะมึ อ มื่ง นี้ง

ทอางปฆ้า 137:8

พูมืง ลู่ง บาบีโลง-เอ้อ, น ม แบ ทแม้ เซงทื่งเฌ๊ฌ้องไฆวะ ล้อ โพล้ง พี่ อ แม้ช๊าไท้ แน้ ล๊า โละซ้ะ, บี่ซุ้ดี๊ น แม้ เอะ เฆ้อ นอ, โอมึโอพ้า

ทอางปฆ้า 68:3

แบเด้าะ เกม๊า โพล้ง ทแบกแช่แยว้อซ้ะ นอ, อ เซิงมึซ้ะมึ เกม๊า อซื๊ง เว๊ ซ้ะอวีงซ้ะโทะ เท่อ, ลู่ง กแช่แยว้ อ เมะแซ พ้า เกม๊า อซื๊ง เว๊ ซ้ะอวีงซ้ะโทะ เท่อ, ดี๊ ทเซิงฆวี๊งซ้ะโย้

อีซยา 10:6

ก เจ่ อ เว๊ ลี้ ดึ้ โพล้ง ล ค่าง พี่ ไจแดไฆวะ กแช่แยว้ ก อางแบเลา อ เว๊ เกม๊า อ ลี้ ดึ้ โพล้ง อ ชื้อ, พี่ ก ซ้ะทาง ดี๊-อ้ะ เกม๊า อ ลี้ แม้นี่ ท ลู่นี่ ดี๊ ซไบล้ะนี่ ท ตมละ นี่ ดี๊ เกม๊า อ ไย่เท่งไย่แพล้ ล้าง บี่ซุ้ดี๊ ไย่ กไพะ ลู่ง เกล้

เอเซเคียง 39:10

อกย้องบี่นอ, อ ซื๊งเว๊ ล แบ แม้นี่ เซงมื่ง ลู่ง ไชะ พ้า-อ้า, กล้างนี่ เซงมื่ง ลู่ง ทเคแกล้-อ้า แบ, เมะเว๊ อ เว๊ ม เช้าทาง มี ดี๊ นางดึ้นางชาง, ดี๊ อ เว๊ ม ลู่นี่ก้ะ โพล้ง พี่ อ เฌ๊ ลู่นี่ก้ะ อ ทฆ้าทโฆ่ ลแพ นอ อ ทฆ้าทโฆ่, ดี๊ ม ตมละ โพล้ง อ เฌ๊ ตมละ-อ้ะ นอ, ทอดูทึโท๊ทึกแช่ยาเว โล้ เว๊ บี่อี้ง ล้อ