เอซเทอ 7:9 - Northern Pwo Karen Thai Bible

⁹ ฮางโบนา กแคว๊ได้ะดีง ล แฌ้, พี่ โอ กจุ้แฆว้ อ เมะแซ พ้า นอ โล้ เว๊ บี่อี้ง, “แคว่เซ้อ, ทล่าง โยะล้าง โคะ โท๊ ลี่งชี๊ง ลี่ง แพล่, พี่ ฮามาง แด้เว้ เว๊ ลู่ง โมเดไค พี่ อ โล้ เท่อ, ดี๊ แม้ช้า กจุ้แฆว้ อ ทโอม๊า อ ฌ่าง นอ, โอ ลู่ง ฮามาง อ เด้า ได้ะ”, กจุ้แฆว้ ไจ้ะเว๊, “โยะล้าง อ โคะ พี่ นอ ล้อ”

เอซเทอ 7:9 ပူးပေါင်းရင်းမြစ်များ

2​กจุ้แฆว้ 9:32

ดี๊ เยฮู แคว่ ทาง เท่อ ลู่ง ป้อง พ้า นอ ไจ้ะเว๊, “โพล้ง เล้?, โอ ล แพ้ ฆ่าง ดี๊ แย้?, โอ ล แฌ้ๆ, ชี่-อ้า?”, กแคว๊ได้ะดีง โอ คี๊ง แฌ้ ซ๊า แฌ้, โยะทาง อ โคะ แคว่ล้าง-อ้ะ

เอซเทอ 1:10

ลู่ง มื่ง เนว๊ นี้ง ล นี้ง พ้า, ท่อง กจุ้แฆว้ อ ซ้ะฆวี๊ง ดี๊ ไซ้ะ ซไบ้ะ แซ ที๊ง นอ, อ เว๊ อางแบเลา เมฮูมาง, บีซาทา, ฮางโบนา, บิ้ทา, อาบะทา, เซทา, ดี๊ คาระค้ะ, พี่ เก กแคว๊ได้ะดีง เนว๊ แฌ้, พี่ แม้ เอะ กจุ้แฆว้ อาฮ้ะซูเอระ อ เท่อ

เอซเทอ 5:14

อ แม๊ น่าง เซเร้ะ ดี๊ อ ฌุ้พาง กุ้ แฌ้ ไคล้ ดี๊-อ้ะ ไจ้ะเว๊, “เกม๊า แม้ทางนี่ ทล่าง โยะล้าง โคะ โท๊ ชี๊เทิง ลี่งชี๊ง ลี่ง แพล่, ทพ้างทาง โฌ้โค๊ โล้แบ กจุ้แฆว้ เกม๊า โยะล้าง โมเดไค อ โคะ พี่ นอ, ฌ้อง ลี้ ดี๊ กจุ้แฆว้ ลู่ง ท ลื่งอางลื่งโอ้ พ้า นอ, ดี๊ ทเซิงฆวี๊งซ้ะโย้” ทโล้ฌ้า อี้ง นอ แบ ฮามาง อ ซ้ะ, อ เว๊ อางแบเลา เกม๊า แม้ทางนี่ ทล่าง โยะล้าง โคะ นอ ล้อ

เอซเทอ 6:14

พี่ อ ซื๊งเว๊ซีงลแพ ไคล้ ดี๊ ฮามาง อ แค๊ นอ, กจุ้แฆว้ อ กแคว๊ได้ะดีง ซีงลแพ เฌ๊ ท้อง, ดี๊ ปชื่ง ลี้ฌ้า ฮามาง ลู่ง ทลื่งอางลื่งโอ้ พ้า, พี่ น่าง เอซเทอ แม้ทางนี่ เว๊ นอ

เอซเทอ 6:2

ดี๊ แด ทไคล้ กวิ้ เว๊ บี่อี้ง, โมเดไค นี่ โล้ เท่อ แบฆ้ะ ดี๊ กจุ้แฆว้ อ กแคว๊ได้ะดีง, เมะเว๊ บีทานา ดี๊ เทเร้ะ คี๊งแฌ้ นอ อ ไฌ่, พี่ อ เก โพล้งแคว่ทะป้ะตู๊งอเคิง, อ ซื๊งเว๊ เฌา อางฆื๊ง เกล้ ม แม้ซี๊ง กจุ้แฆว้ อาฮ้ะซูเอระ

เอซเทอ 8:7

กจุ้แฆว้ อาฮ้ะซูเอระ ไคล้ ดี๊ น่าง เอซเทอ, ดี๊ โมเดไค โพล้ง ยู นอ ไจ้ะเว๊, “แคว่เซ้อ, จ อางกีล้าง ฮามาง อ เด้า เอะ น่าง เอซเทอ เย้า, ดี๊ อ ซื๊งเว๊ซีงลแพ โยะล้าง เว๊ อ โคะ ลู่ง ทล่าง โยะล้าง โคะ อ ล้อง, เมะเว๊ เป๊งนี่ อ เว๊ เยาฆ้าง อ จูง แม้อ้าแม้ซ๊าง โพล้ง ยู

เอซเทอ 9:14

กจุ้แฆว้ อางแบเลา เกม๊า แม้ บี่นอ, โอ ดี๊ ไละอางแบเลา เท่อ โอนี่ ลู่ง ซูซา พ้า, ดี๊ อ ซื๊งเว๊ โยะล้าง ฮามาง อ พู อ แฌ้ ล ชี๊ง นอ อ โคะ

เอซเทอ 9:25

แบเด้าะ ท่อง น่าง เอซเทอ ลี้ฆ้าง โอ กจุ้แฆว้ นอ, อ เท่อ อางแบเลา-อ้ะ เก ไละเมะ, เกม๊า ทช๊องมอง ทแม้อ้าแม้ซ๊าง พี่ ฮามาง ช๊องมอง ลู่ง โพล้ง ยู อ ฆ่าง นอ, ล้างแบไท้ อ กแช่ อ คู, ดี๊ เกม๊า อ กแช่ ดี๊ อ พู นอ, แบ ทโยะ อ โคะ ลู่ง ทล่าง โยะล้าง โคะ นอ อ ล้อง

ทอางปฆ้า 141:10

เกม๊า โพล้งอ้าโพล้งซ๊าง ล้างเทะ ซยอง, ลู่ง อ กแช่ อ ทฆี พ้า แบเด้าะ เกม๊า จ พลิ้คูแพล่ไค๊ ไช้ะ

ทอางปฆ้า 35:8

เกม๊าเต้ ทเซงทื่งเฌ๊ฌ้อง, เฌ๊ท้อง อซื๊งเว๊ พี่ ล คลึ้ ซีงแฌ๊ล้าง อ ซ้ะ แบ ดี๊ เกม๊า ทฆี พี่ อ อางกีซูง เว๊ นอ, ดุ้ล้าง แบไท้ อ กแช่ ดี๊ เกม๊า อเว๊ แบ ทฆี, ท้อง ลู่ง อ เซงทื่งเฌ๊ฌ้อง แด อ กแช่ เว๊

ทอางปฆ้า 73:19

อ๊า, อซื๊งเว๊ ลแพ นอ, แบ ทแม้เฌ๊ฌ้องไฆวะ ล ชู่พู เฆาะ แบ ท ไพ้ะฆิ้โค๊ฆิ้ กว้ะไฆวะ-อ้ะ เลาพะ

ดานีเอง 6:24

ฌ้อง กจุ้แฆว้ อางแบเลา เท่อ, เกม๊า พองนี่ โพล้ง ลแพ นอ พี่ อ ซี๊งเค ดานีเอง เฌ๊ จึ้ล้าง ญ๊องไฆวะ-อ้ะ ลู่ง คี๊ยื่ง อ ไล๊ พ้า, เลา ดี๊ อ กแช่, อ พู ซีง ลแพ, ดี๊ อ ซื๊งเว๊ อ แม๊ นอ ปะ, พี่ อ ล้างเทะ ล คลึ้ ท้อง ล้าง ไล๊ พ้า ได้ะ แบ นอ, คี๊ยื่ง ลแพ นอ, ค่องคูง อ ซื๊งเว๊, ดี๊ บุ้แค่ อ ซื๊งเว๊ อฆีงอเกว้ ท๊อง อ ล้างบลิ้ล้างเนา ล้อ

ดานีเอง 6:7

ทอคูดู กุ้ แฌ้ ลู่ง บ้างมื่ง พ้า, เลา ดี๊ กดูกแซย่ ดู ทึ, ทอคูดู ดี๊ ทอดูยู่แคว่เว่งดูคล้องโท๊ เลาพะ นอ, นี่ เอิ้งล้าง โละซ้ะ ไจ้ะเว๊, กจุ้แฆว้ เกิ้ง ม กวิ้ทาง ทอางกีล้าง, ดี๊ โล้ล้าง เท่อ บี่อี้ง, อ นี้ง ซ๊าชี๊ง พ้า อี้ง, โพล้ง เมะ โอ ล แฌ้ๆ, อางท่าง เท่อ ดี๊ ท กโช้งกแช่ ฌี้, อางท่าง เท่อ ดี๊ กโพล้ง ฌี้, พี่ ล เมะ แน้ แบ นอ, จ กจุ้แฆว้-เอ้อ, เกม๊า จึ้ล้าง โพล้ง ล แฌ้ นอ ลู่ง คี๊งยื่ง อ ไล๊ พ้า

1ซามูเอง 17:51

ฌ้อง ดาเว ลี้ ซยู๊ ชี๊เทิง โอ ลู่ง โพล้ง ฟีลีเตีย ล แฌ้ นอ อ เช๊คู, พอง ทึ้ทางนี่ เว๊ อ น้ะ ลู่ง อ กยุ้ พ้า แม้ซี๊ง เว๊, ดี๊ กล้างเทะ เว๊ อ โคะ ดี๊ น้ะ, ท่อง โพล้ง ฟีลีเตีย แด เว๊, อ โพล้งดึ้ซึ้เท่อพู ลู่ง อ ซ้ะ น้า ทึ ล แฌ้ นอ ซี๊ง เย้า, อ ซื๊งเว๊ ซยู๊ไฆวะ เบว