เอซเทอ 5:4 - Northern Pwo Karen Thai Bible

⁴ ดี๊ น่าง เอซเทอ โล้แบ-อ้ะ ไจ้ะเว๊, “เมะ เก ทแบ กจุ้แฆว้ อ ซ้ะ นอ, เกม๊าเต้ กจุ้แฆว้ เฌ๊ ล พ๊าฆ่าง ดี๊ ฮามาง ล นี้ง แย๊ อี้ง, บี่ซุ้ อาง ทอางทโอ้ พี่ จ แด้เว้-อ้ะ เทว๊ เอะ แน้”

เอซเทอ 5:4 ပူးပေါင်းရင်းမြစ်များ

ทอคางไท้ะ 27:25

อีซาฮ้ะ ไจ้ะเว๊, “เฌ๊ โชะ เอะ แพ่ อ ทอาง, แพ่ ม นี่ อาง ทแย, พี่ แพ่ อ พูแคว๊ อางฆื๊งนี่ เว๊ นอ, ฌ้อง ชูฌี้ แน้”, ยาคุ้ เฌ๊ โชะ เอะ-อ้ะ, อีซาฮ้ะ อาง เว๊ ล้อ, ยาคุ้ เฌ๊โชะ เอะ-อ้ะ ไซ้ะ ซไบ้ะ แซ ที๊ง, ดี๊ อ โอ้ เว๊ แด ล้อ

ทอคางไท้ะ 32:20

ดี๊ โล้ แอทาง บี่อี้ง, ‘แอเละ อ นอ ได้ะ, อี้งเซ้อ, น เพล่ ยาคุ้ เฌ๊ ช่อง เท่อ ลู่ง ก ล่างไค๊’ ”, อไฌ่บี่อี้ง, ยาคุ้ ช๊องมอง เว๊, “จ ม แม้ ล้างแม่ เอโซ อ ท ซ้ะทาง ซี ดี๊ ทเกล๊าง, พี่ จ โซ๊ง-อ้ะ ลี้ วี่ง นอ, ดี๊ ลู่ง ไค๊ พี่ จ แด อ เมะ นอ, แบซีงลู่ง อ เว๊ ม ญ่องฮะ แย้”

เอซเทอ 1:9

เมะ กจุ้แฆว้ อ แม๊ น่าง วาที นอ, เกล๊าง ทลื่งอางลื่งโอ้ เอะ กมืง ลู่ง กจุ้แฆว้ อาฮ้ะซูเอระ อ บลาง พ้า ปะ

เอซเทอ 3:15

โพล้ง โชะไละ นอ ปชื่ง ลี้, บี่ซุ้ดี๊ กจุ้แฆว้ อ ทอางแบเลา, แบเด้าะ ไละ อางแบเลา เท่อ นอ, เจ่ทาง เว๊ ลู่ง เว่ง ทล่างคุ้แคว่เท่อ ซูซา พ้า, กจุ้แฆว้ นอ ชี๊น้าง โอ้ ซกุ้ เท่อ ดี๊ ฮามาง, พี่ เว่ง ทล่างคุ้แคว่เท่อ ซูซา พ้า เติ้งทางเติ้งล้าง อ แค๊ นอ

เอซเทอ 5:3

กจุ้แฆว้ ไคล้ ดี๊-อ้ะ ไจ้ะเว๊, “น่าง เอซเทอ-เอ้อ, ท อไฌ่อกย้อง โอ ล เม้งๆ, -อ้า?, น แบซ้ะ ทเม้งเล้?, นอ, จ ม เกล๊าง แน้ ซี ท้อง พุ้พ๊าง จ มื่ง จ บ้าง ล้อ”

เอซเทอ 5:5

กจุ้แฆว้ ไจ้ะเว๊, “ปชื่ง ลี้ กุ้นี่ ฮามาง ม๊า อ เฌ๊, บี่ซุ้ ม นี่ แม้โพะ เท่อ พี่ น่าง เอซเทอ แบซ้ะ เว๊ นอ อ ไค๊”, กจุ้แฆว้ ลี้ ลู่ง น่าง เอซเทอ อ ทลื่งอางลื่งโอ้ พ้า, ล พ๊าฆ่าง ดี๊ ฮามาง

เอซเทอ 5:8

เมะเว๊ จ เมะ เก โพล้ง ลู่ง อ แบเมะล้างซ้ะ กจุ้แฆว้, ดี๊ เก ท แบ กจุ้แฆว้ อ ซ้ะ, พี่ ม เกล๊าง เท่อ บี่ซุ้ดี๊ จ ทกุ้นี่, ดี๊ แม้ บี่ซุ้ดี๊ จ ทอางท่าง นอ, ลู่ง โฌ้โฆะ เกม๊า กจุ้แฆว้ เฌ๊ ลู่ง จ ท ลื่งอางลื่งโอ้ ล พ๊าฆ่าง ดี๊ ฮามาง, ดี๊ จ ม แม้โพะ กจุ้แฆว้ อ ทไคล้ นอ อ ไค๊”

ทอางปฆ้า 112:5

โพล้ง พี่ ย๊างซ้ะ แบ โพล้ง อ แฌ้แพ, ดี๊ เกม๊า อางล่อง นี่ เท่อ นอ, โอซยืงโอบ้ะ เมะเว๊ โพล้ง พี่ แม้ อ ทไพ้ะทแม้ ดี๊ ทอเกิ้งอแบ

ทอางด้อง 29:11

โพล้ง เซ๊กูเฌ๊ฌ้อง นอ, ทูแพล่ ทาง อ ท ซ้ะทาง เลาพะ แบเด้าะ โพล้ง โอ ดี๊ ทโกงซีมองแบ นอ, โอโก้ง กโช้ ทะ เว๊ ล้อ

1​โคเรง 14:20

ด๊างพื่งวี่ ซีง-เอ้อ, ช๊องมอง เท่อ บี่ ซุ้ พืงแซ ล ฌี้, แบฆ้ะ ดี๊ ท ไฌ่ ล ฌี้ ล แอว้ แบ นอ, เกม๊า น ซื๊ง ซ้ะ ล้างโฌ่ พืงแซ ปี๊ๆ, แบเด้าะ ลู่ง น ท ช๊องมอง ล โค๊ นอ, เกม๊า น ล้างโฌ่ โพล้ง ดู โอ ดี๊ ท ซีงแฌ๊ แน่ฌ๊า นอ ไช้ะ