เอซเทอ 2:9 - Northern Pwo Karen Thai Bible

⁹ กมืง นอ แบ อ เว๊ อ ทมอง, ดี๊ แบเมะล้างซ้ะ-อ้ะ, อ เว๊ ปชื่ง แม้นี่ทเท้าเมะเท้าแน๊, ดี๊ ทอางทโอ้ พี่ เก กมืง นอ อ ฌ่าง นอ, เลา ดี๊ เพล่มืง พี่ ลึนี่ เอะ เว๊ ลู่ง บลาง พ้า เย้า เนว๊แฌ้, ฌ้อง แญ่ไฆวะ กมืง นอ ดี๊ อ เพล่ มืง, ลี้ ลู่ง ทล่าง พี่ อ ฌี้ทึ ลู่ง ฮาเรง พ้า

เอซเทอ 2:9 ပူးပေါင်းရင်းမြစ်များ

ทอคางไท้ะ 39:21

แบเด้าะ กแช่ยาเว โอ ดี๊ โยซิ้ ดี๊ เนโพลทาง เอะ เว๊ ทเอทกวี้ง ลู่ง อเฌิ่งอค๊า, ดี๊ ดึ้ เกม๊า โพล้งคุ้พ้อง นอ, แบเมะล้างซ้ะ ดี๊-อ้ะ ล้อ

ทอคางไท้ะ 39:4

โยซิ้ แบเมะล้างซ้ะ อคูอแน่, ดี๊ อ เว๊ แม้ เอะ อคูอแน่ อ เท่อ, อคูอแน่ ต๊างทาง-อ้ะ, เกม๊า อ เก โพล้ง ยู่แคว่ เด้า, ดี๊ ทกุ้เม้ง พี่ อ ท โอ นอ, อางกีล้าง เว๊ ลู่ง อ จูง พ้า ล้อ

1​กจุ้แฆว้ 8:50

ดี๊ เกม๊า น แพล่ไฆวะ ทเด้บ้ะ เอะ น พู น ลี้ง, พี่ อ แม้ แบ เอะ แน้ นอ, ดี๊ ทไพ้ะทแม พี่ อ ซื๊ง แม้ แบ เว๊ นอ, ดึ้ เกม๊า อ ซื๊งเว๊ นี่แบ ทย๊างซ้ะ ดี๊ โพล้ง พี่ อ พองนี่-อ้ะ ลี้ เก ทอฆ่อง นอ, บี่ซุ้ อดีงอแด้ ม ย๊างซ้ะ แบ อ ซื๊งเว๊ซีง ไช้ะ

เอซรา 7:6

เอซรา ล แฌ้ อี้ง นอ โอนี่ ลู่ง บาบีโลง พ้า ลี้ทาง, อ เว๊ เก คู ซองเท่อซ๊างเท่อ, ซีงแฌ๊ โมเซ อ ทอางแม้เลา อ ไฌ่, พี่ กแช่ยาเว โพล้ง อีซลาเอง อ กแช่แยว้ เกล๊าง เอะ-อ้ะ, ดี๊ กจุ้แฆว้ เกล๊าง เอะ-อ้ะ กุ้เม้ง, พี่ อ อางท่าง เว๊ นอ ฌี้ มะ, เมะเว๊ กแช่ยาเว อ เว๊ อ กแช่แยว้ อ จูง โอ ดี๊-อ้ะ

เนฮะมี 2:8

ดี๊ กวิ้ไละ ท้อง อาซ้ะ พี่ เก โพล้ง แคว่ เอะ กจุ้แฆว้ อ เซง, บี่ซุ้ อ เว๊ ม เกม๊า เอะ แย้ เซง ลู่ง พ้าแย๊ โท่ง อ ฌ่าง, กแช่แยว้อล่างโอ อ ทล่าง โอคุ้แคว่ เท่อ, ดี๊ เว่ง อ กางแป อ ฌ่าง, ดี๊ เด้า พี่ จ ม โอ-อ้ะ อ ฌ่าง”, กจุ้แฆว้ เกล๊าง เว๊ บี่ซุ้ดี๊ พี่ จ อางท่าง-อ้ะ นอ, เมะเว๊ จ กแช่แยว้ อ จูง พี่ โอ ดี๊ อโก้งอโบ้ง นอ โอ ดี๊ แย้

เอซเทอ 2:12

ท่อง นี่ แด้เว้ ซ้ะ บี่ซุ้ดี๊ ทอางกีล้าง, แบฆ้ะ ดี๊ กมืง อ ไฌ่ ล ชี๊ง คี๊ง แล้ ฌ้อง เย้า นอ, ท้อง อช๊าอโท่ พี่ มืงน้าง กุ้ แฌ้, ม ลี้ ฆ้าง โอ กจุ้แฆว้ อาฮ้ะซูเอระ, (ดี๊ อ อี้ง นอ, เก อช๊าอโท่ โอ ลี้ง ลู่ง ท แม้ฌี้แม้แอว้ ไพ้ะแย อ ฌ่าง, เมะเว๊ เท้าล้าง ล้องย่าง ดี๊ กางยาง อ ซู ฆู๊งแล้, ดี๊ ทน๊าม๊า ลู่ง น๊าม๊า มึ, ดี๊ กมืง อ ทเท้าเมะเท้าแน๊ นอ ฆู๊งแล้ เด้าะ)

เอซเทอ 2:3

ดี๊ เกม๊า กจุ้แฆว้ ต๊างทางนี่ โพล้ง แม้คิ้ เอะ อ เท่อ, ลู่ง เว่งดูคล้องโท๊ อมื่งอบ้าง พ้า กุ้ จอง, เกม๊า อางกีซยองนี่ มืงน้าง เช๊งเกล้ง, พี่ อ ฌี้ กุ้ แฌ้, เฌ๊ ลู่ง ฮาเรง เว่ง ทล่างคุ้แคว่เท่อ ซูซา พ้า, เกม๊า อ โอ กจุ้แฆว้ อ เพล่ เฮไก กแคว๊ได้ะดีง อ ท ยู่ทะแคว่ทะ พ้า, ดี๊ เกม๊า อ เกล๊าง ทฆ้าทโฆ่ ไต้ฆี๊ง ทาง ซ้ะ เอะ กมืง ลแพ นอ

เอซเทอ 5:2

ท่อง กจุ้แฆว้ แคว่ เท่อ, แด น่าง เอซเทอ ชี๊เทิง โอ บลาง อ คว้าง พ้า นอ, อ เว๊ แบเมะล้างซ้ะ กจุ้แฆว้ ฌี้ มะ, กจุ้แฆว้ เยาฆ้าง อ นางทุ้บ้อง ท๊อง, พี่ โอ อ จูงพ้า นอ เอะ น่าง เอซเทอ, ดี๊ น่าง เอซเทอ เฌ๊ฆ้าง พอง เว๊ อ นางทุ้บ้อง คี๊งทุ้

ทอางปฆ้า 106:46

กแช่แยว้ เกม๊า อเว๊ นี่แบ ทย๊างซ้ะ ดี๊ โพล้ง พี่ พองนี่-อ้ะ ลี้ เก ทอฆ่อง นอ ล้อ

ทอางด้อง 16:7

พี่ กโพล้ง อเกล้อพ้า เก ทแบเมะล้างซ้ะ เอะ กแช่ยาเว นอ ทึเมะ อดีงอแด้ นอ, กแช่แยว้ ดึ้ เกม๊า เว๊ อฆู๊งอพุ้ ไท้ ดี๊-อ้ะ ซี ปะ

ดานีเอง 1:9

ดี๊ กแช่แยว้ เกม๊า กแคว๊ได้ะดีง อคูอแน่ แบ อ ซ้ะ, ดี๊ ย๊างซ้ะ ดานีเอง

ท​แม้ 7:10

แม้ พ้อง ไฆวะ เว๊ ดี๊ ท น้ะ ท โน๊ง กุ้ อ เม้ง, พี่ โยซิ้ ลี้ กจุ้แฆว้ อีไย้ะ อ เมะแซ พ้า นอ, กแช่ แยว้ ดึ้ เกม๊า โยซิ้ โอ ดี๊ ท โกง ซี มอง แบ, ต้ะ กจุ้แฆว้ เฆว๊ อ ซ้ะ ดี๊ โยซิ้ ฌี้ มะ ล้อ, อางกี ล้าง โยซิ้ เก ทอดู ยู่แคว่ เอะ อ ที๊ง อ ค่าง อ เด้า อ ล่าง เลา ปะ ล้อ