เอซเทอ 10:3 - Northern Pwo Karen Thai Bible

³ เมะเว๊ โมเดไค โพล้ง ยู นอ, โอ ดี๊ อเม้งอแซ ปี๊เละ กจุ้แฆว้ อาฮ้ะซูเอระ, ดี๊ อ เว๊ เก ทอดู ลู่ง โพล้ง ยู อ แกล้ พ้า, ดี๊ เก เท่อ แบ อมื่งอแคว๊ อ พื่ง อ วี่ ลแพ นอ อ ซ้ะ, เมะเว๊ อ เว๊ อางฆื๊ง นี่ ทอฌี้ เอะ โพล้ง ล ชื้อฆ่าง ดี๊-อ้ะ, ดี๊ ไคล้ เท่อ เกม๊า ทมึทพ้า กึทาง ดี๊ อชื้ออชะ เลาพะ

เอซเทอ 10:3 ပူးပေါင်းရင်းမြစ်များ

ทอคางไท้ะ 41:40

น ม เก โพล้ง ยู่แคว่ ก บลาง ดี๊ เกม๊า ก โพล้งเฌงพูฆ๊างพู กุ้ แฌ้ แม้โพะ น ทไคล้ อ ไค๊, โอ เว๊ ที่ ล่าง ชี๊น้าง ล เม้ง ล้อ, พี่ ก ม เก ท ดู เละ แน้”

ทอคางไท้ะ 45:10

แพ่ ม นี่ เปิ่งโอเปิ่งช๊อง ลู่ง ค่าง โกเชง พ้า, ดี๊ แพ่ ม นี่ โอเบ้า ดี๊ พู, เลา ดี๊ แพ่ ดี๊ พู ลี้ง, ดี๊ แมะ แกะ น๊างมู๊ง, งู้ น๊างมู๊ง, ดี๊ แพ่ อคองอแซย้ เลาพะ

ทอคางไท้ะ 45:11

พู ม ลื่ง แคว่ แพ่ พี่ นอ, เมะเว๊ ท ซ้ะวี่งล้างดุ้ ทอาง โอ เย่ เนง ได้ะ, บี่ซุ้ ล เกม๊า แพ่, ดี๊ อ เด้าคูล่างพ้า, ดี๊ อเพล่อบาง กุ้ แฌ้ นอ, โอ ซยางล้างน้ะล้าง แบ ล้อ’

2ทกวิ้ไน 28:7

ดี๊ ซิ้ครี พี่ เก เอฟาอีง อ โพล้งดึ้ซึ้เท่อพู ลู่ง อ ซ้ะน้า นอ, แม้ซี๊ง กจุ้แฆว้ อ พูแคว๊ มาอาเซยา ดี๊ อะรีคาง, พี่ เก ทอคูดู ลู่ง บลาง พ้า, ดี๊ เองคานา พี่ เก ทอดู เท่ง ดี๊ กจุ้แฆว้

เนฮะมี 2:10

แบเด้าะ ท่อง กดูกแซย่ ซางบางล้ะ โพล้ง โฮโรนาอีง, ดี๊ โทบีอา โพล้ง อางโมง ซีงแฌ๊ ท ล ไฌ่ อี้ง นอ, เก เท่อ พี่ ล แบ อ ซื๊งเว๊ อ ซ้ะ แบ น้ะ มะ, พี่ โพล้ง โอ ล แฌ้ เฌ๊ อางฆื๊ง นี่ เอะ อีซลาเอง อชื้ออชะ อ ทมึทพ้า

เอซเทอ 2:5

โพล้ง ยู โอ ล แฌ้ ได้ะ ลู่ง เว่ง ทล่างคุ้แคว่เท่อ ซูซา พ้า, อ เม้ง โมเดไค, โมเดไค นอ เก ยาอี อ พู, ยาอี นอ เก ชีเมอี อ พู, ชีเมอี นอ เก คี อ พู, คี นอ เก โพล้ง เบงยามีง

เอซเทอ 3:2

กจุ้แฆว้ อ เพล่ดู กุ้ แฌ้ พี่ โอ ลู่ง บลาง อ ป้ะตู๊งไท้ะ นอ, แบ้ล้าง เท่อ เนโพลทาง ททื๊งแบนะแบ ฮามาง, เมะเว๊ กจุ้แฆว้ อางแบเลา เว๊, เกม๊า อ เนโพลทาง ททื๊งแบนะแบ-อ้ะ บี่นอ, แบเด้าะ โมเดไค ล แบ้ทาง-อ้ะ, ดี๊ ล เนโพลทาง ททื๊งแบนะแบ-อ้ะ แบ

ดานีเอง 5:16

“แบเด้าะ ก แน่ฌ๊า น ปเล๊ เท่อ, ดี๊ แม้แบไท้ ทแกทเฌ้ ซี, ค๊องเนงอี้ง น เมะ พ้ะ ทกวิ้ล้าง ดี๊ ปเล๊ อ โค๊ ซี นอ, น ม นี่แบ ไช๊แค่ อ ซี่ง ลึ้พึ, ดี๊ ไละ แบ เพ๊ท๊อง, ดี๊ น ม เก แบ ทอคูดู ลู่ง กมื่งกบ้าง พ้า”

ดานีเอง 5:29

ฌ้อง นอ เบงชาซา อางแบเลา เกม๊า ดานีเอง ซุ้ ไช๊แค่ อ ซี่ง ลึ้พึ, ดี๊ ไละ เพ๊ท๊อง, ดี๊ เกม๊า เว๊ อ โล้ล้าง เท่อ, แบฆ้ะ ดี๊ อ กแช่ บี่อี้ง, อ เว๊ นี่ เก แบ ทอคูดู ลู่ง บ้างมื่ง พ้า

ดานีเอง 6:3

ฌ้อง ดานีเอง ล แฌ้ อี้ง นอ, อ เม้ง โอ ฌี้เละ กดูกแซย่ อ แฌ้แพ, ดี๊ ทอคูดู ลแพ นอ ได้ะ, เมะเว๊ วีงฌี้แล้แอว้ โอ ดี๊-อ้ะ, ดี๊ กจุ้แฆว้ โอ ดี๊ ทช๊องมองเว้ทแม้ ม ต๊างทาง-อ้ะ, เกม๊า โพะคอง บ้างมื่ง นอ เลาพะ

โรมา 10:1

ด๊างพื่งวี่ ซีง-เอ้อ, จ แบ ซ้ะ เต้ๆ, ดี๊ จ อวีงซ้ะชู้ กแช่ แยว้ เกม๊า อ แม้ช้า โพล้ง ล ชื้อ ฆ่าง ดี๊ แย้ นี่ แบ ท พ้อง ท พลิ้

โรมา 14:18

โพล้ง พี่ อ แม้ เอะ กแช่ เยซู คริ้ อ เท่อ บี่ อี้ง นอ, ม แบ กแช่ แยว้ อ ซ้ะ, ดี๊ โพล้ง ฌางคู โคล๊ง คู ม แคว่ เว๊ แบ อ ซ้ะ ปะ

1ซามูเอง 18:16

แบเด้าะ โพล้ง อีซลาเอง, ดี๊ โพล้ง ยูดา กุ้ อ แฌ้ นอ เอ ดาเว, เมะเว๊ ดาเว ไจทาง, ดี๊ เฌ๊ไท้ ลู่ง อ ซื๊งเว๊ อ เมะแซ พ้า

1ซามูเอง 23:17

โยนาทาง ไคล้ ดี๊-อ้ะ ไจ้ะเว๊, “ซ้ะเม ล ฌี้, จ แพ่ ซาอู อ จูง ม อางฆื๊ง แน้ ล แด แบ, แน้ น ม เก แบ กจุ้แฆว้ ลู่ง โพล้ง อีซลาเอง อ พ๊างคู, ดี๊ แย้ นอ จ เก โพล้ง พี่ อ เท่ง ดี๊ แน้ ล แฌ้, จ แพ่ ซาอู ซีงแฌ๊ ท ล ไฌ่ อี้ง ปะ ล้อ”