เอเฟโซ 6:14 - Northern Pwo Karen Thai Bible

¹⁴ ท บี่ นอ, โอ เฌิ่ง โอ ค๊า ไช้ะ, แม้ นี่ ท อ ที๊ง อ โต้ บี่ ซุ้ เก น ย่างเด้ง พลี้ง เรา ทะ น ย่างเด้ง, เมะ ลู่ง ท แบ กแช่ แยว้ อ ซ้ะ นอ แม้ นี่-อ้ะ บี่ ซุ้ ท ด้างทะ ซ้ะแน๊

เอเฟโซ 6:14 ပူးပေါင်းရင်းမြစ်များ

2​กจุ้แฆว้ 3:21

ดี๊ พี่ โพล้ง โมอา เลาพะ นอ แน่ฌ๊า เว๊, กเย่ กจุ้แฆว้ เฌ๊ทาง ดึ้ซึ้ โละซ้ะ ดี๊-อ้ะ นอ, อ ซื๊งเว๊ อางกีซยองนี่ โพล้ง กุ้ แฌ้, พี่ อ ซุ้ ทด้างทะ ซ้ะแน๊ ซี นอ, เลา ดี๊ อ บาง อ แซย่, เกม๊า เว๊ ลี้ ช๊างล้าง อ ซ้ะ ลู่ง ค่างช๊า

โยบา 29:14

จ ซุ้ทาง ทแบแยว้อซ้ะ, ดี๊ อ เว๊ นอ บองไบ้ะทะ แย้ จ ทอเกิ้งอแบ นอ, บี่ซุ้ดี๊ ไช๊แค่ พ้ะโท๊ ดี๊ คูเพิง ชองคู

อีซยา 11:5

ทแบแยว้ อ ซ้ะ ม เก อ ย่างเด้งพลี้ง ดี๊ ทโต้ทล้อง ม เก ตไก้ยะ เรา อ ย่างเด้ง

อีซยา 59:17

กแช่แยว้ ซุ้ทาง ทแบอซ้ะ เก ทด้างทะ ซ้ะแน๊ ดี๊ คลึทาง คูเพิง ลู่ง ทพ้องทพลิ้, โอ กแช่แยว้ อ คูล้อง กแช่แยว้ ซุ้ทาง ไช๊ช้าง ลู่ง ทแม้ แกไท้ เก ท ไต้ฆี๊ง ดี๊ แม้นี่ ท เฌาโละ แม้ เท่อ, พุ้ไบ้ะ ล้าง อ ซ้ะ

ลูกา 12:35

ไต้ทาง น ซ้ะ, เรา ทาง ย่างเด้ง พลี้ง ท้อง อ ฌ้อง เมาน่าง, ดี๊ เกม๊า น มีโด้ง พ้าง ท๊าง ครึๆ

โรมา 13:12

มแน้ แค๊ เบ้า ม เลา ไฆวะ เย้า, มแช๊ โค๊ เฌ๊ เบ้า ทาง เย้า เกม๊า ก แม้ ท ไค้ะ อ เท่อ ล้า ล ฌี้, ซุ้ ทาง ก้ะ ฆ้า โฆ่ บี่ ซุ้ ซึ้พู พี่ ม ดึ้ เท่อ ลู่ง ท พ้าง

2​โคเรง 6:7

โอ ดี๊ ท โล้ ล้าง ลู่ง อ ที๊ง อ โต้, โอ ดี๊ กแช่ แยว้ อ ซยื๊ง อ ซย้อง, ก แม้ นี่ ท แบ กแช่ แยว้ อ ซ้ะ นอ, เก ท ด้างทะ ซ้ะ ดี๊ เก พ้าง พี่ ก ม ดึ้ เท่อ

เอเฟโซ 5:9

อ ไฌ่ บี่ อี้ง, ท พ้าง อี้ง เกม๊า โพล้ง แม้ ท กุ้ อ เม้ง ลู่ง อ ฌี้ อ แอว้ อ เกิ้ง อ แบ อ โต้ อ ล้อง

เอเฟโซ 6:13

ท บี่ นอ, ซุ้ ทาง ฆ้า โฆ่ กุ้ อ เม้ง, พี่ กแช่ แยว้ เกล๊าง น ซื๊ง ลู่ง น ม ด้างทะ ท อ้า ท ซ๊าง ซี, ฌ้อง พี่ ล นี้ง แย๊ ท อ้า ท ซ๊าง เฌ๊ ท้อง โคะ นอ น ม ดึ้-อ้ะ ซี, พี่ น ดึ้ เท่อ ฌ้อง เย้า นอ น ม โอ เฌิ่ง โอ ค๊า ได้ะ

1​เทซาโลนีเก 5:8

แบเด้าะ ก เว๊ พี่ ก แม้ เท่อ ลู่ง มแช๊ แค๊ นอ, เกิ้ง ก แม้ ซ้ะ เมาน่าง, ก แบ แม้ นี่ ท ชู่ง ท นะ ท เอ ท กวี้ง, บี่ ซุ้ เก ท ด้างทะ ก ซ้ะแน๊, ดี๊ ก แบ แม้ นี่ ท มื้งแล่ พี่ ก ม นี่ แบ ท พ้อง ท พลิ้, บี่ ซุ้ เก คลื้งโมะ ด้างทะ ก คู

1เปโต 1:13

ท บี่ นอ, น ซื๊ง แบ แด้ เว้ เซิง ซ้ะ เมาน่าง, ช๊องมอง แคว่ ที๊ง ล้างซ้ะ ดี๊ มื้งแล่-อ้ะ, ที่ ท อ โก้ง อ โบ้ง อ บลึ้ อ บลาง พี่ น ซื๊ง ม นี่ แบ-อ้ะ, ลู่ง กแช่ เยซู คริ้ ม เฌ๊ เนโพล ทาง อ ซ้ะ โคะ

ท​เน​โพล​ทาง 9:17

ลู่ง ท แด เว้ นอ จ แด กซี, โพล้ง พี่ อ เทา กซี คู ล แพ นอ โอ ดี๊ อ ท ด้างทะ ซ้ะแน๊, อ โฌ้, อ ฮี๊, อ บ้าง, กเย่ กซี ล แพ อ คู นอ แบ ด้อง คี๊ยื่ง อ คู, มี ดี๊ ท คูง ดี๊ ท ซ อวี้ง น๊า ม๊าง โอ ลู่ง กซี ล แพ นอ อ นุ้ พ้า ซยุ้ ทาง

ท​เน​โพล​ทาง 9:9

ทวี่ ล แพ นอ โอ ดี๊ อ ท ด้างทะ ซ้ะแน๊ นอ แบ ด้อง ท้ะ, อ ได้ะ นอ เซ๊ แบ ด้อง เลาะ กซี แอ ฌ้อง ลี้ ฆ้าง ดึ้ เท่อ,