เอเฟโซ 5:25 - Northern Pwo Karen Thai Bible

²⁵ กแคว๊ ลู่ง อ ทาง แซย่ ซีง ล แพ-เอ้อ, เอ น ซื๊ง แม๊ นอ ไช้ะ, บี่ ซุ้ กแช่ เยซู คริ้ เอ โพล้ง ทื๊ง ซยอง เท่อ, ดี๊ ญ่อง ซี๊ง ล้าง อ ซ้ะ ลู่ง อ ฌ่าง

เอเฟโซ 5:25 ပူးပေါင်းရင်းမြစ်များ

ทอคางไท้ะ 2:24

อกย้องบี่นอ, โพล้ง แคว๊ ม ไจแดไฆวะ อมู่ อแพ่, ลี้ โอฆึช๊องฆึก้ะ ดี๊ อ แม๊, ดี๊ อ เว๊ คี๊ง แฌ้ นอ, ม เก ไพ้ะแย ล เม้ง ฆ่าง

ทอคางไท้ะ 24:67

อีซาฮ้ะ นอ, เฌ๊ฌ้า น่าง เรเบคา นึฆ้าง ลู่ง อ มู่ น่าง ซารา อ เด้ พ้า, ดี๊ ฮะนี่ น่าง เรเบคา, น่าง เรเบคา นี่ เก เว๊ อ แม๊ ล้อ, ดี๊ อ เว๊ เอ น่าง เรเบคา, อีซาฮ้ะ นี่แบ ท แม้มึทาง อ ซ้ะ, พี่ อ มู่ ซี๊ง พ้องไค๊ไฆวะ นอ ล้อ

2​ซามูเอง 12:3

เมะ โพล้งซยางโพล้งน้ะ ล แฌ้ นอ, อ เท่อ ล โอ น่าง เม้ง เอะ, โอ ที่ อ แกะ มู่ ปี๊ๆ, พู ล ดื้ง ล้อ, พี่ อ ฆวี้นี่ เว๊, อ กแช่ ลื่ง เว๊, อ เท่อ ดูทาง โท๊ทาง ดี๊-อ้ะ ดี๊ กเย่ อ พู, อ เท่อ อาง ทอาง พี่ อ กแช่ อาง เว๊, ดี๊ โอ้ เท่อ ลู่ง เกาะ พ้า ล เบง ฆ่าง ดี๊-อ้ะ, มี๊ง เว๊ ลู่ง อ ฌื๊งละ พ้า, อ เท่อ เก บี่ซุ้ อ พูมืง

ซาโลโมอแท๊ 1:11

ก ซื๊งเว๊ ซีง ลแพ ม แม้ ทฆ้าทโฆ่ ไต้ ฆี๊ง ดี๊ ท๊อง โอ ฆึ ดี๊ เพ๊ จี้ ปะ

ม้ะทู 20:28

บี่ ซุ้ ดี๊ โพล้ง ฌางคู พู ล เมะ อ เฌ๊ เกม๊า โพล้ง แม้ช้า อางช้า-อ้ะ แบ, แบ เด้าะ เฌ๊ แม้ช้า อางช้า โพล้ง ล โค๊ ล้อ, ญ่อง ซี๊ง คิ้ โพล้ง, ดี๊ แม้ พ้อง พลิ้ โพล้ง แอ ฌ้อง นอ ล้อ”

โยฮาง 6:51

แย้ จ เก ทอางทโอ้ พี่ อ เกล๊าง ทม๊า นอ, โอ ลู่ง ท มุ้คู เฌ๊ ล้าง, โพล้ง ล แฌ้ๆ, พี่ อ อาง ทอาง ท โอ้ อ อี้ง ม โอ ม๊า ล้างชู้ ล้างแกย, ทอาง ท โอ้ พี่ จ ม เกล๊าง นอ เก จ ไพ้ะ จ แย ล้อ, พี่ จ เกล๊าง เว๊ นอ บี่ ซุ้ โพล้ง ฌางคู คู ม โอ ม๊า เว๊ ล้อ”

ท​แม้ 20:28

ปโล่ ล้าง น ซื๊ง ซ้ะ เมะ ฌี้ ไช้ะ, น ซื๊ง แบ ยู่แคว่ แฌแซ กต้าง โพล้ง พี่ วีง ฌี้ แล้ แอว้ เกม๊า น ซื๊ง แคว่ ล แพ นอ, โพล้ง ทื๊ง ซยอง เท่อ พี่ กแช่ แยว้ แม้ เก ทาง เว๊ อ พู อ ลี้ง ดี๊ กแช่ เยซู อ ซวีง นอ, น ซื๊ง แบ ยู่แคว่-อ้ะ ด้อง ซุ้ โพล้ง แคว่ แกะ นอ ล้อ

กาลาเต 1:4

กแช่ เยซู คริ้ ญ่อง ซี๊ง ลู่ง ก ท เด้บ้ะ อ กย้อง, บี่ ซุ้ ม แม้ช้า เฆ้อ พ้อง พลิ้ ดี๊ ท อ้า ท ซ๊าง ล ชู้ อี้ง, อ นอ แบ ก แพ่ แยว้ อ ซ้ะ นอ ล้อ

กาลาเต 2:20

บี่ ซุ้ จ ซี๊ง ฆึ ดี๊ กแช่ เยซู คริ้ ลู่ง เซง ป้างกิ้ อ ล้อง เย้า, ท บี่ นอ แย้ จ ล ม๊า ล้า แบ, กแช่ เยซู คริ้ ล้อ ม๊า ลู่ง จ ซ้ะ พ้า, จ ท ม๊า ค๊องเนง อี้ง เมะ เว๊ จ ชู่ง จ นะ กแช่ แยว้ อ พูแคว๊, พี่ อ เอ แย้ ดี๊ ญ่อง ซี๊ง ลู่ง จ ฌ่าง

เอเฟโซ 5:2

เกม๊า น ซื๊ง โอ ดี๊ ท เอ ท กวี้ง, บี่ ซุ้ กแช่ เยซู คริ้ เอ เฆ้อ ดี๊ ญ่อง ซี๊ง ล้าง อ ซ้ะ ลู่ง ก ฌ่าง, เก ท โบง ท แบ้ ดี๊ ท ลื่ง ทาง ลู่ง อ น๊าอวีง น๊าม๊า, พี่ กแช่ แยว้ เฆว๊ อ ซ้ะ

เอเฟโซ 5:24

ท บี่ นอ, แม๊ ซีง ล แพ นอ แบ ชู่ง อ แว้ ท้อง อ เลา, บี่ ซุ้ ดี๊ โพล้ง ทื๊ง ซยอง เท่อ ชู่ง กแช่ เยซู คริ้ อ ลู่ง

เอเฟโซ 5:28

โพล้ง แคว๊ แบ เอ อ แม๊ บี่ ซุ้ อ เอ ล้าง อ กแช่ อ ล้อง อ ย่าง, โพล้ง แคว๊ พี่ เอ อ แม๊ นอ เอ ล้าง อ กแช่ ปะ

เอเฟโซ 5:33

แบเด้าะ แบฆ้ะ ดี๊ น ซื๊ง ปะ, เมะ เว๊ แว้ กุ้ อ แฌ้ เกิ้ง เอ อ แม๊ บี่ ซุ้ เอ ล้าง อ กแช่, ดี๊ แม๊ กุ้ อ แฌ้ เกิ้ง ดู้ง แบ ยาง แบ อ แว้ ล้อ

โคโลซี 3:19

กแคว๊ ลู่ง อ ทาง แซย่ ซีง ล แพ-เอ้อ, เอ น ซื๊ง แม๊ นอ ไช้ะ, แม้ ซยื่ง แม้ อ้อง-อ้ะ ล ฌี้

1​ทีโมเท 2:6

ดี๊ ญ่อง ซี๊ง ล้าง อ ซ้ะ แม้ พ้อง พลิ้ โพล้ง กุ้ อ แฌ้, เก พีงญาง ลู่ง ท อ ช๊า อ โท่ แบ เมาะ, พี่ กแช่ แยว้ แบ ซ้ะ แม้ พ้อง พลิ้ โพล้ง กุ้ อ แฌ้

1เปโต 3:7

น ซื๊ง พี่ เก แว้ นอ, แบ แม้ น ซ้ะ บี่ นอ ปะ, พี่ น โอ ฆึ โละ ซ้ะ ดี๊ น แม๊ นอ, น แบ ช๊องมอง-อ้ะ กมืง นอ, เก เท่อ พี่ อ แช่ นี่ กแคว๊, อ นอ, น แบ แม้ ฆี๊ง เมะ ฆี๊ง แน๊-อ้ะ, อ ไฌ่ บี่ อี้ง, อซื๊งเว๊ นี่ แบ ฆึ ท ม๊า ล้างชู้ ล้างแกย, พี่ กแช่ แยว้ เกล๊าง เอะ น ซื๊ง นอ ปะ, แม้ บี่ นอ บี่ ซุ้ ท ล นุ้ทะ น ท ชูแพ น่าง เม้ง แบ

ท​เน​โพล​ทาง 1:5

ดี๊ เฌ๊ เว๊ ลู่ง กแช่ เยซู คริ้ พี่ อ เก พีงญาง ลู่ง อ โต้ อ ล้อง ล แฌ้ นอ, ดี๊ เก โพล้ง อ วี่งคู ล แฌ้ พี่ อ ซี๊ง ม๊า ทาง ไท้, อ เว๊ เก โพล้ง พี่ อ ยู่แคว่ กจุ้แฆว้ กุ้ อ แฌ้ ลู่ง ฌางคู โคล๊ง คู อี้ง กแช่ เยซู เอ แบ เฆ้อ, พี่ อ เว๊ ซี๊ง นอ แม้ พ้อง พลิ้ เฆ้อ ดี๊ ก ท เด้บ้ะ

ท​เน​โพล​ทาง 5:9

อซื๊งเว๊ซีง ซ้ะอวีง ทาง แท๊ อ ซ๊าง ไจ้ะ เว๊ บี่ อี้ง “น เก โพล้ง พี่ อ เกิ้ง ฮะ นี่ ไละ ทื๊ง ดี๊ อุ้พ้ะ ทาง ท อ แท๊ นอ อ ไฌ่ บี่ อี้ง น แบ ท แม้ ซี๊ง เย้า ลู่ง น ซวีง น ที๊ง นอ น ฆวี้ นี่ ไท้ โพล้ง กุ้ ชื้อ กุ้ ชะ กุ้ ที๊ง กุ้ ค่าง บี่ ซุ้ ม เทว๊ เอะ กแช่ แยว้