เอเฟโซ 5:1 - Northern Pwo Karen Thai Bible

¹ พี่ น ซื๊ง เก กแช่ แยว้ อ พู อ ลี้ง ลู่ง อ เอ เว๊ นอ, น แบ เฌา แม้ ซ้ะ ล้างโฌ่-อ้ะ

เอเฟโซ 5:1 ပူးပေါင်းရင်းမြစ်များ

เยเรมี 31:20

เอฟาอีง เก ก พูแคว๊ พี่ ก เอ-อ้ะ เก พู พี่ ก อางปฆ้า-อ้ะ, ล เมะ แบ-อ้า? เมะเว๊ ก ม ไคล้เตาไคล้แต๊-อ้ะ บี่จะเล้ นอ พี่ ล พ๊า เล้ นอ ก นางแบทางไท้-อ้ะ บี่นอ ล้อ อกย้องบี่นอ, กเซิงกซ้ะ นางแบ-อ้ะ ก ม โอ ดี๊ ท ย๊างซ้ะ แบ-อ้ะ เต้ๆ, ล้อ กแช่ยาเว โล้ เว๊ บี่อี้ง ล้อ

โฮเชยา 1:10

แบเด้าะ อีซลาเอง เฌงพูฆ๊างพู อ แฌ้ ม แอฌี่งแอฌ้อง, บี่ซุ้ ดี๊ มิ้ ลู่ง ปางเล พ้า, พี่ ม โตง-อ้ะ ฌี้, ดว้ะ-อ้ะ ฌี้ นอ ลน้าลเพ้ แบ, ดี๊ ทล่าง พ้า พี่ กแช่แยว้ ไคล้ ดี๊ อ ซื๊งเว๊ ไจ้ะเว๊, “น ล เมะ กพูกลี้ง แบ”, นอ, ม โล้ เอะ อ ซื๊งเว๊ ไจ้ะเว๊, “น เก กแช่แยว้ พี่ อ โอม๊า อ พู”

เลวี​อ​ไฌ่ 11:45

เมะเว๊ ก เก กแช่ยาเว, พี่ จ ไจทางฌ้าไฆวะ แน้ ลู่ง ค่าง อีไย้ะ พ้า, บี่ซุ้ เก น กแช่แยว้, อกย้องบี่นอ, น ซื๊ง แบ ฌี้ แบ แอว้, เมะเว๊ ก ฌี้ ก แอว้ ล้อ”

ม้ะทู 5:45

น ซื๊ง แม้-อ้ะ บี่ อี้ง ฌ้อง นอ, น ซื๊ง ม เก น แพ่ ลู่ง อ โอ มุ้คู ล แฌ้ นอ อ พู, อ ไฌ่ บี่ อี้ง, น แพ่ แยว้ ดึ้ เกม๊า ท คู่ ล้าง แบ โพล้ง ฌี้ โพล้ง แอว้, ดี๊ โพล้ง อ้า โพล้ง ซ๊าง ที๊ ซุ้ๆ, ปะ ล้อ, ดี๊ ดึ้ เกม๊า ท เฌ๊ช้า ล้าง แบ โพล้ง โต้ โพล้ง ล้อง, ดี๊ โพล้ง กไบล้ะ กแบล ล แพ นอ ที๊ ซุ้ๆ, ปะ ล้อ

ม้ะทู 5:48

ท บี่ นอ, น แบ เอ โพล้ง เลา เซิง เลา ซ้ะ, บี่ ซุ้ น แพ่ แยว้ พี่ อ โอ ลู่ง มุ้คู เอ เว๊ นอ ล้อ

โยฮาง 1:12

โพล้ง ลู่ง อ ตองซ๊า ฮะช๊า เว๊, ดี๊ ทื๊ง เว๊ นะ เว๊ ล แฌ้ๆ, นอ อ เว๊ เกล๊าง เว๊ อ ฌ้อง อ เก, เก ทาง กแช่ แยว้ อ พู ซี บี่ นอ ล้อ

เอเฟโซ 4:32

แบเด้าะ แบ โอ ดี๊ ท ย๊างเซิง ย๊างซ้ะ ดี๊ ท เซิงช้า ซ้ะช้า โละ ซ้ะ, ทื๊ง นี่ นะ นี่ โละ ซ้ะ ล ฌี้, บี่ ซุ้ กแช่ แยว้ ล ทื๊ง นี่ นะ นี่ น ซื๊ง แบ ปะ ลู่ง กแช่ เยซู คริ้ อ กย้อง นอ ล้อ

ฟีลิ้ปี 2:15

บี่ ซุ้ ท ไจ้ะ ท ไคล้ น ซื๊ง ล โอ แบ ดี๊ ท อ้า ท ซ๊าง ล โอ ลู่ง น ซื๊ง ซ้ะ พ้า แบ, น ซื๊ง เก กแช่ แยว้ อ พู อ ลี้ง ลู่ง อ ฌี้ อ แอว้, พี่ อ โอ ฆึ ดี๊ โพล้ง อ ซ้ะ ไก ดี๊ อ ซ้ะ แบ อ้า แบ ซ๊าง ลู่ง ฌางคู โคล๊ง คู อี้ง, น ซื๊ง แบ แม้ พ้าง ล้าง น ซ้ะ ลู่ง อซื๊งเว๊ อ แกล้, บี่ ซุ้ แซย พ้าง ล้าง ลู่ง มุ้คู

โคโลซี 3:12

น ซื๊ง เก กแช่ แยว้ อ พู อ ลี้ง, อ เว๊ เอ น ซื๊ง กวี้ง น ซื๊ง ดี๊ อางลึ นี่ น ซื๊ง ม เก อ เท่อ แด เว๊ ท บี่ นอ, น ซื๊ง แบ โอ ดี๊ ท ย๊างเซิง ย๊างซ้ะ, ท เซิง ช้า ซ้ะ ช้า, ท ชาง ล้าง เซิง ชาง ล้าง ซ้ะ, ท เซิง ฌี้ ซ้ะ ช้า, ท เอ้า เซิง เอ้า ซ้ะ

1​โยฮาง 4:11

ฌุ้พาง ลู่ง จ เอ-อ้ะ ซีง-เอ้อ, พี่ กแช่ แยว้ เอ เฆ้อ บี่ อี้ง นอ เกิ้ง ลู่ง ก ม เอ โละ กวี้ง โละ ก ซ้ะ ปะ ล้อ