ทโกงซีมองแบ 8:9 - Northern Pwo Karen Thai Bible

⁹ เลา ดี๊ กเย่ ท อ อี้ง นอ จ แด เลาพะ เย้า, พี่ จ ควี๊งคูแกยแน่ ทไพ้ะทแม้ กุ้เม้ง, พี่ โพล้ง แม้ เว๊ ลู่ง มื่ง อ เช๊ละ อี้ง, โอ ดี๊ อช๊าอโท่, พี่ เกม๊า โพล้ง ล แฌ้, โอ ดี๊ อดู้งอยาง ดูเละ โพล้ง ล แฌ้ เด้าะ, บี่ซุ้ ม แม้อ้าแม้ซ๊าง เว๊

ทโกงซีมองแบ 8:9 ပူးပေါင်းရင်းမြစ်များ

2​กจุ้แฆว้ 25:7

อ ซื๊งเว๊ซีง แม้ซี๊ง กเย่ กจุ้แฆว้ เซเดคียา อ พูแคว๊ ลแพ นอ, ลู่ง อ แพ่ อ เมะแซ พ้า, ดี๊ ควีทางไฆวะ เซเดคียา อ เมะ คลี๊ง, ดี๊ ซุ้ทะ เว๊ ดี๊ พลี้ง ท้ะ, ฌ้อง ลี้ฌ้า เว๊ ลู่ง บาบีโลง พ้า

ทไจทางไฆวะ 14:28

ที๊ง แยว้ล้างไท้ กลึ้ไบ้ะ เลาะ ดึ้ซึ้, ดี๊ ซึ้พู กซี, เมะเว๊ ฟาโร อ ซึ้พู เลาพะ, พี่ ล้อง อซื๊งเว๊ ลี้ฆ้าง ปางเล พ้า นอ ล โอ น่าง แฌ้ ล้าแบ

ทโกงซีมองแบ 1:14

จ แด แบ ทไพ้ะทแม้ กุ้เม้ง พี่ อ แม้ เว๊ ลู่ง มื่ง อ เช๊ละ, ดี๊ แคว่ แดเทา, ทกุ้เม้ง นอ ลเฌิ่งลค๊า แบ, เมะเว๊ ล ล้างเปิ่งล้างเอ้ง แบ

ทโกงซีมองแบ 3:10

จ แด ทไพ้ะทแม้ พี่ กแช่แยว้ เกล๊าง เอะ กโพล้ง, อ นอ บี่ซุ้ เกม๊า อ ซื๊งเว๊ โค่งทางโค่งล้าง โอ ดี๊ ทไพ้ะทแม้ นอ ล้อ

ทโกงซีมองแบ 3:16

แอเละ อ นอ ได้ะ, ลู่ง มื่ง อ เช๊ละ จ แด เว๊ บี่อี้ง, ลู่ง ท อเกิ้งอแบ พ้า นอ, โอ ฆึ ดี๊ ท ลเกิ้งลแบ แบ ปะ, ดี๊ ลู่ง ทฌี้ทแอว้ พ้า นอ, โอ ฆึ ดี๊ ทอ้าทซ๊าง ปะ

ทโกงซีมองแบ 4:1

จ แกยไท้ ซ้ะ, ช๊องมองแคว่ที๊ง ท แม้น้ะแม้โน๊ง กุ้เม้งกุ้มยู๊, พี่ อ กึทาง ลู่ง มื่ง เช๊ละ อี้ง, ดี๊ แคว่เซ้อ, โพล้ง พี่ อ แบ ท แม้น้ะแม้โน๊ง อ เมะที๊ง นอ, โพล้ง ล โอ แม้มึทาง อ ซ้ะ น่างแฌ้ แบ, โพล้ง พี่ แม้น้ะแม้โน๊ง-อ้ะ นอ, โอ ดี๊ อดู้งอยาง, อกย้องบี่นอ, โพล้ง ล โอ แม้มึทาง อ ซ้ะ ซี น่างแฌ้ แบ

ทโกงซีมองแบ 5:13

ท ออ้าอซ๊าง น้ะ, พี่ อ ล้าง ซ้ะ เฌ๊ฌ้อง โอ ล เม้ง ได้ะ, พี่ จ แด -อ้ะ ลู่ง มื่ง เช๊ละ อี้ง, เมะเว๊ คองแซย้ พี่ อ กแช่ อางกี นี่ เว๊, ท๊อง เก ทาง ก้ะ ทอ้าทซ๊าง ลู่ง อ กแช่ อ ฌ่าง พ้า

ทโกงซีมองแบ 5:7

เมะเว๊ พี่ มี๊งม่าง เท่อ แอ นอ, ลเฌิ่งลค๊า แบ, ดี๊ ทไคล้ซยุ้ไคล้ซย้าง นอ แอ, เกม๊า น ดู้งแบยางแบ กแช่แยว้ ไช้ะ

ทโกงซีมองแบ 5:8

น เมะ แด โพล้ง ซยางพู แบ ทแม้น้ะแม้โน๊ง, แด ท อเกิ้งอแบ ดี๊ ท อฌ้องอเก แบ ท แม้นี่ ก้ะ ลู่ง เว่ง พ้า นอ, เกม๊า น ล้ะเซิงล้ะซ้ะ ลู่ง ท ล ไฌ่ นอ ล ฌี้, เมะเว๊ โพล้งแคว่ทะ เท่อ, โอคุ้แคว่ ทะ กดูกแซย่, ฌ้อง โพล้ง ดูเละโท๊เละ-อ้ะ โอ ล คะ ได้ะ แคว่ ทะ อ ซื๊งเว๊

ทโกงซีมองแบ 7:25

จ อางกีล้าง ซ้ะ แกยไท้ จ ซ้ะ เฌ๊ ไฌ่ ซีงแฌ๊ เท่อ, แคว่ที๊ง เท่อ ดี๊ อางฆื๊ง แคว่ ทโกงซีมองแบ, ดี๊ ท ล เม้ง ดี๊ ล เม้ง อไฌ่อกย้อง, ดี๊ ไฌ่ ซีงแฌ๊ ทอ้าทซ๊าง, ทเซ๊กู, ทเฌ๊ฌ้อง, ดี๊ ทพลื่งทมวี๊ง

ทโกงซีมองแบ 7:7

เต้ๆ, นอ, ท แม้น้ะแม้โน๊ง ดึ้ เกม๊า โพล้ง โอ ดี๊ ทโกงซีมองแบ เซ๊กูเฌ๊ฌ้องไฆวะ ดี๊ จี้ทไซ้ะไบ้ะนุ้ นอ, แม้ เฌ๊ฌ้องไฆวะ ท ซีงแฌ๊ล้างซ้ะ

โล้​ล้างที๊ง​ทอางแม้เลา 2:30

แบเด้าะ ซีโฮง, กจุ้แฆว้ เฮโบง นอ, ล ญ่อง เกม๊า ก ลี้ แพ๊ฆ้าง อ ค่างช๊า แบ, เมะเว๊ กแช่ยาเว น กแช่แยว้ ดึ้ เกม๊า ซีโฮง อ ซ้ะ ล้างเล๊เก้, ดี๊ แม้ชอง อ ซ้ะ, บี่ซุ้ ม อางกีล้าง-อ้ะ, ลู่ง น จูง พ้า, ด้องซุ้ พี่ ท เกทาง อ ซ้ะ กุ้ มื่งนี้ง อี้ง ล้อ