ทโกงซีมองแบ 12:2 - Northern Pwo Karen Thai Bible

² ล คลึ้ ลู่ง มื่ง, ทโฌ่งทพ้าง, แล้ ดี๊ แซย ลแพ นอ, ล้างไพะ ได้ะแบ, ดี๊ ล คลึ้ ลู่ง ทเอิง ม เฌ๊ไท้ ทเฌ๊ช้า อ ล่างไค๊ นอ

ทโกงซีมองแบ 12:2 ပူးပေါင်းရင်းမြစ်များ

ทอคางไท้ะ 27:1

ท่อง อีซาฮ้ะ อ ซ้ะแซย่, ดี๊ อ เมะ ไค้ะ เย้า นอ, อ เว๊ กุ้นี่ อ พู วี่แซย่ เอโซ เฌ๊, ดี๊ โล้ เอะ เว๊ บี่อี้ง, “พู-เอ้อ”, อ เท่อ ไคล้ช๊า-อ้ะ ไจ้ะเว๊, “พู โอ พี่ อี้ง”

ทอคางไท้ะ 48:10

อีซลาเอง นอ อ เมะ ไค้ะ, ลู่ง อ ซ้ะแซย่ อกย้อง, แคว่ เท่อ ล แด น่างเม้ง ล้าแบ, โยซิ้ เฌ๊ฆ้างฌ้า อ พูแคว๊ คี๊ง แฌ้ นอ, เฌ๊ฆ้าง เบ้า ดี๊ อ แพ่, อีซลาเอง โพะโฌ๊ง น๊าม๊า อซื๊งเว๊ ล้อ

ทอางปฆ้า 42:7

ทล่าง โยะคิ้ พ้า, กุ้จู้ นี่ ทล่าง โยะคิ้ พ้า ลู่ง กแช่แยว้ อ ที๊ง ล้างชู๊ง อ ลู่ง พ้า กเย่ กแช่แยว้ อ ที๊งบู้ง, ดี๊ ที๊งบู้ง ล บู้งๆ, เลาพะ นอ จึ้ไบ้ะ แย้ เย้า

ทอางปฆ้า 71:20

กแช่แยว้ เก โพล้ง, พี่ อ ดึ้เกม๊า จ ต้องนองแบ ทน้ะทโน๊ง แอฌี่งแอฌ้อง ม แม้ ม๊าทางไท้ แย้ ได้ะ โอนี่ ลู่ง ฌางคูโคล๊งคู, อ ทโยะคิ้ พ้า กแช่แยว้ ม ไจทางฌ้า แย้ ได้ะ

ทอางปฆ้า 77:16

จ กแช่แยว้-เอ้อ, พี่ ปางเล แด แน้ ปางเล แด กแช่แยว้ นอ, อ ยางแบซ้ะเม เว๊ เต้ๆ, ล้อ, กเย่ ทโยะคิ้ พ้า นอ, ว้ะโทะ ตทูงตพล้าง

ทอางปฆ้า 90:10

เฆ้อ ซีง ลแพ ก โญะ นอ, เมะเว๊ เนว๊ชี๊ง เมะชองเมะไคล๊ ล โค๊ นอ, ท้อง โฆะชี๊ง แบเด้าะ ลู่ง ทโอม๊า อ แค๊ นอ, โอ ที่ ทน้ะทโน๊ง, ดี๊ ทเมะมองแน๊อึ้ ล ไยะ แบ นอ, ล้างแม่ไฆวะ, ดี๊ เฆ้อ ก ซี๊งไฆวะ เว๊ ล้อ

อีซยา 13:10

เมะเว๊ มุ้คู อ แซย ลแพ นอ, ดี๊ แซย น๊างมู๊ง นอ ล พ้างล้าง แบ มื่ง ม ไค้ะ พี่ อ ช๊า อ โท่ เฌ๊ทาง นอ ดี๊ แล้ ล พ้างล้าง แบ

อีซยา 5:30

ล นี้ง แย๊ นอ, อ เว๊ ม เคิ่ง อ แช อาง นอ บี่ซุ้ดี๊ ปางเล อ ลู่ง เซ๊ ดี๊ โพล้ง แฌ้ฌี้ๆ, เมะ แคว่ ฆ้าง ที๊งล่างค่างพ้า นอ แคว่เซ้อ, โอ ที่ ทไค้ะซ๊า ดี๊ ท น้ะเซิงน้ะซ้ะ ทึเมะ ทพ้าง นอ, แบ ทเอิง กดื้งทะ เว๊ ล้อ

โยเอง 3:15

มื่ง ดี๊ แล้ นอ ไค้ะไฆวะ เว๊ แซย ลแพ นอ ลโฌ่งลพ้าง ล้า แบ

ม้ะทู 24:29

เมาะ มื่ง นี้ง ลู่ง ท น้ะ ท โน๊ง ล แพ นอ พ้อง ไฆวะ เย้า, มื่ง ม ไค้ะ, แล้ ล พ้าง ล้าง ล้า แบ, แซย โอ ลู่ง มุ้คู ม ล้างเทะ ไฆวะ เว๊ ล้อ, เท่อ พี่ อ โอ ดี๊ อ ดู้ง อ ยาง ลู่ง ท พุ้พ๊าง ล แพ นอ, ม ตทูง ตพล้าง นอ ล้อ

1ซามูเอง 3:2

ล พ๊า แย๊ นอ เอลี มี๊งน้าง ลู่ง อ ล่าง มี๊ง คู, (อ เมะ ไค้ะ แคว่ เท่อ ล เอะ แด ล้าแบ)

1ซามูเอง 4:15

เอลี นอ อ โญะ ควี๊ง ชี๊ง โฆะ เนง เย้า, อ เมะ ไค้ะ แคว่ เท่อ ล แด ล้าแบ

1ซามูเอง 4:18

ท่อง อ เว๊ ไคล้ แบฆ้ะ ดี๊ กแช่แยว้ อ ไฮะ นอ, เอลี ไบล้ะ อ ซ้ะ อ ล่างไค๊ ล้างเทะ อ ล่าง ชี๊น้าง คู, พี่ โอ ป้ะตู๊งไท้ะ นอ, อ โคะ แค่ ซี๊ง เว๊, เมะเว๊ อ ซ้ะแซย่ น้ะ ดี๊ อ กแช่ บอง ฆ๊า ดู มะ, อ เว๊ โอ ต้ะเซ๊ง เอะ โพล้ง อีซลาเอง อ เท่อ นี่ ลี่ง ชี๊ง เนง