ดานีเอง 4:12 - Northern Pwo Karen Thai Bible

¹² อ แล ฌี้ มะ ดี๊ อ แซ นอ, แอฌี่งแอฌ้อง ดี๊ ทอาง พี่ เกล๊าง เอะ ท พี่ อ โอม๊า กุ้เม้ง นอ, เฌ๊นี่ ลู่ง เซง มื่งเทิง นอ ล้อ ทพูแฆ่ ลู่ง ทเคแกล้ เปิ่งโอเปิ่งช๊อง ลู่ง อ ซยืง เช๊ละ ทู ลู่ง ทพุ้พ๊าง นอ, เปิ่งโอเปิ่งช๊อง เว๊ อ ได้ ล้อง ดี๊ ท พี่ อ โอม๊า กุ้เม้ง นอ, ลื่งล้าง อ ซ้ะ โอ ดี๊-อ้ะ

ดานีเอง 4:12 ပူးပေါင်းရင်းမြစ်များ

โยบา 12:24

กแช่แยว้ แม้นี่ไฆวะ โพล้งเฌงพูฆ๊างพู อคูอแน่ นอ อ ทแน ซี ดี๊ ดึ้เกม๊า อ ซื๊งเว๊ ไจพลุ้ฌ้ะเม้ง ลู่ง แพะคูทเคแกล้, พี่ เกล้ ล โอ พ้า ล โอ แบ

โยบา 14:7

“เมะเว๊ เซง อ ฌ่าง นอ, อ ทมื้งแล่ โอ ปะ เมะ แบ ทกล้าง แค่ล้างไฆวะ นอ, อ โยะทางดุ้ทาง ได้ะ ดี๊ อ โยะ บาง นอ, ม โอ ล โอโท๊ แบ

โยบา 14:9

แบเด้าะ ท่อง อ น๊า แบ ที๊ง อ กลื่ง นอ, ม ชู๊งทางดุ้ทาง ดี๊ อ ได้ทางพ๊างทาง, บี่ซุ้ดี๊ เซงมื่งเทิง บาง

ท​ฌางล้างย้าล้าง 4:20

ก ทม๊า กแช่, เมะเว๊ กจุ้แฆว้ พี่ กแช่ยาเว เท้าไน เว๊ นอ ล้างเทะ ลู่ง อ ซื๊งเว๊ ซีง ล แพ, อ ซลา พ้า เย้า เมะเว๊ กแช่แยว้ พี่ ก ไคล้ แบฆ้ะ ดี๊-อ้ะ บี่อี้ง “ลู่ง อ กดื้งแล้ อ ซยืง เช๊ละ ก ม โอม๊าโอว้ะ ลู่ง โพล้ง กุ้ชื้อกุ้ชะ อซุ้อแกล้ ซี

เอเซเคียง 17:23

ก ม เซิงล้าง-อ้ะ ลู่ง อีซลาเอง อ ทลู่ง พ้ะโท๊ คู ฌ้อง อ ได้ ม ทาง ดี๊ ซูงทางแซทาง ดี๊ เกทางก้ะ ซย๊องซีดา มื่งเทิง พี่ ฆี๊งฌี้แล้ฌี้ ฌ้อง ทู กุ้เม้งกุ้มยู๊ ม เฌ๊ เปิ่งโอเปิ่งช๊อง ลู่ง อ เช๊ละ ทู กุ้เม้ง ม เฌ๊ แม้ อ ซวี๊ง ลู่ง อ ได้ ซยืง ละ

เอเซเคียง 31:17

โพล้ง กุ้ชื้อกุ้ชะ ลแพ อี้ง, ม ลี้ล้าง ลู่ง พลื่งค่าง ล พ๊าฆ่าง ดี๊-อ้ะ, ลี้ฌูง กเย่ โพล้ง พี่ แบ ท แม้ซี๊ง ดี๊ น้ะ นอ, เอ้อ, เมะเว๊ อ ซกุ้มู๊งโฌ่, พี่ โอ อ ซยืง เช๊ละ ลู่ง โพล้ง กุ้ชื้อกุ้ชะ อซุ้อแกล้ พ้า

ดานีเอง 4:14

อ เว๊ แม้ เซ๊ พ้ะดู อ ลู่ง, ดี๊ ไคล้ ไจ้ะเว๊, ‘เคาไฆวะ เซง มื่งเทิง อี้ง, ดี๊ กล้างไฆวะ อ ได้, ดิ้ไฆวะ อ แล, ฌ้อง เกม๊า อ แซ ลีงแล่ไฆวะ อ ซ้ะ, เกม๊า ทพูแฆ่ เม้ง ไจแดไฆวะ อ มื่งเทิง เช๊ละ, ดี๊ เกม๊า ทู ยู้งแดไฆวะ อ ได้

ม้ะทู 13:32

เก ท คลี๊ง พี่ อ ปี๊ นี่ ท คลี๊ง อ แฌ้แพ กุ้ เม้ง, แบ เด้าะ ท่อง อ เม ทาง เย้า นอ, ดู นี่ เซง อ แฌ้แพ, ดู ทาง โท๊ ทาง อ มื่งเทิง พ้ะโท๊ โอ ดี๊ อ ได้ อ พ๊าง, ท่อง ท๊อง ทู ซีง ลีง ซีง เฌ๊ แม้ อ ซวี๊ง ลู่ง อ ได้ ล้อง นอ ล้อ”

มาร้ะกู 13:32

แบ เด้าะ ท ม เก ทาง อ ซ้ะ มื่ง พี่ ล นี้ง พี่ ล แน้ เล้ นอ, โพล้ง ล ซีงแฌ๊ น่าง แฌ้ แบ, ทึ เมะ ท มุ้คู พู ฌี้, กแช่ แยว้ อ พูแคว๊ ฌี้, ซีงแฌ๊ เว๊ เอะ, แพ่ แยว้ ล แฌ้ ล้อ ซีงแฌ๊ เว๊

มาร้ะกู 4:32

แบ เด้าะ พี่ โพล้ง ฆวีง ล้าง เว๊ ฌ้อง นอ, อ เท่อ เม ทาง ท้อง อ ดู นี่ เซง อ แฌ้แพ, อ ได้ โอ พี่ ทู ซีง ลีง ซีง โอ ซยืง แม้ อ ซวี๊ง ลู่ง อ ล้อง ซี”

ลูกา 13:19

อางด้อง ล้าง ดี๊ ท คลี๊ง ปี๊ๆ, ล เม้ง พี่ โพล้ง ฆวีง ล้าง เว๊ ลู่ง อ โซ๊ง พ้า, ฌ้อง เม ทาง เก ทาง ก้ะ อ มื่งเทิง พ้ะดู, ทู ซีง ลีง ซีง แม้ อ ซวี๊ง ลู่ง อ ได้ ล้อง นอ ล้อ”