ดานีเอง 2:12 - Northern Pwo Karen Thai Bible

¹² ลู่ง ท ล ไฌ่ อี้ง อกย้อง นอ, กจุ้แฆว้ อ ซ้ะ เฌ๊ทาง, ดี๊ อ ซ้ะทาง พ้ะดู น้ะ มะ, ดี๊ อางแบเลา เกม๊า แม้ซี๊งไฆวะ บาบีโลง อ โพล้ง ซีงแฌ๊แน่ฌ๊า เท่อ แอ ซีง ลแพ เลาพะ

ดานีเอง 2:12 ပူးပေါင်းရင်းမြစ်များ

โยบา 5:2

เมะ เต้ๆ, ล้อ, ทเซิงทางซ้ะไฌ๊ แม้ซี๊ง โพล้ง เซ๊กูเฌ๊ฌ้อง ดี๊ ท ไคว๊เท่อโญ้ง เท่อ นอ, แม้ซี๊ง โพล้ง พี่ อ ทซีงแฌ๊แน่ฌ๊า โอ แซย้

ทอางปฆ้า 76:10

เต้ๆ, นอ, กแช่แยว้ อ ทซ้ะทาง ดี๊ กโพล้ง นอ, ม เฌ๊โชะ ท อางปฆ้าทาง ท้อง กแช่แยว้ อ โอ ล้อ ดี๊ ทซ้ะทาง พ้ะดู พี่ โอ ล้างลื๊อก้ะ นอ, กแช่แยว้ เราทาง เว๊

ทอางด้อง 16:14

กจุ้แฆว้ อ ท ซ้ะทาง นอ, เก ท เฌ๊ซี๊งทแช๊ ล้อ แบเด้าะ โพล้ง โอ ดี๊ ทโกงซีมองแบ นอ, ม แม้ โอโท๊ไฆวะ ท ซ้ะทาง พ้ะดู นอ ล้อ

ทอางด้อง 19:12

กจุ้แฆว้ อ ท ซ้ะทาง นอ, บี่ซุ้ดี๊ คี๊ยื่ง แพ๊ อ ลู่ง กุ้ซย้ะ เท่อ แบเด้าะ กจุ้แฆว้ อ ท แบเมะล้างซ้ะ นอ, บี่ซุ้ดี๊ ปช้างที๊ง ลู่ง นาง คู

ทอางด้อง 20:2

กจุ้แฆว้ อ ท ซ้ะทาง นอ ล้างซ้ะเม, บี่ซุ้ดี๊ คี๊ยื่ง แพ๊ อ ลู่ง กุ้ซย้ะ เท่อ โพล้งเล้ ไล๊ดุ้ เว๊ เกม๊า อ ซ้ะทาง นอ, ล ซ้ะเม ล้าง อ ซ้ะซี๊ง แบ ล้อ

ทอางด้อง 29:22

โพล้ง พี่ อ ซ้ะทาง ชอง นอ, แม้ เกทาง ท ติ้โละไอโละ ดี๊ โพล้ง พี่ อ เอ้งโช่งเอ้งไน๊ นอ, ดึ้ เกม๊า ท กไบล้ะ กแบล โอ แอทาง

ดานีเอง 2:24

ฌ้อง ดานีเอง ลี้ฆ้าง ฌูง อารีโอะ, พี่ กจุ้แฆว้ ต๊างทาง-อ้ะ, เกม๊า อ แม้ซี๊ง บาบีโลง อ โพล้งซีงแฌ๊แน่ฌ๊าเท่อแอ นอ, อ เว๊ ลี้ นึฆ้าง, ดี๊ ไจ้ะเว๊, “อวีงซ้ะชู้ แม้ซี๊ง บาบีโลง อ โพล้งซีงแฌ๊แน่ฌ๊าเท่อแอ นอ ล ฌี้, อวีงซ้ะชู้ ลี้ฌ้า แย้ ลี้ฌูง กจุ้แฆว้, ดี๊ จ ม เทว๊ อุ้ เอะ กจุ้แฆว้ อ ทอางมี๊งม่าง อ โค๊”

ดานีเอง 2:5

กจุ้แฆว้ ไคล้ช๊า โพล้ง เคลเดีย ไจ้ะเว๊, “ก ทไคล้ นอ ล้างเท่งล้างชิ้, น เมะ ล โล้ เกม๊า ก ซีงแฌ๊ ทอางมี๊งม่าง, ล พ๊าฆ่าง ดี๊ อุ้ ทอางมี๊งม่าง อ โค๊ แบ นอ, น ม แบ ท ทึ้เทะไฆวะ จูง คาง, ดี๊ นเด้านล่าง ม แบ แม้ เกก้ะ ท อไก้อโค๊ ลปี๊ลคี่

ดานีเอง 3:13

ท่อง อ ช๊าง นอ, เนบูคาเนซา ซ้ะทาง น้ะ มะ, อ เว๊ อางแบเลา เกม๊า เฌ๊ฌ้า ช้ะร้ะ, เมช้ะ ดี๊ อาเบเนโก, ฌ้อง โพล้ง โอ เฌ๊ฌ้า โพล้ง ลแพ อี้ง, เฌ๊ฌูง กจุ้แฆว้

ดานีเอง 3:19

ฌ้อง เนบูคาเนซา อ ซ้ะทาง พ้ะดู, อ เว๊ อ เมะ นอ, เนโพลทาง ท ล แบ อ ซ้ะ แบ ดี๊ ช้ะร้ะ, เมช้ะ ดี๊ อาเบเนโก, อ เว๊ อางแบเลา เกม๊า แม้ มีอ้า อ ล่าง คู่ น้ะเละ อ ล่าง ได้ะ เนว๊โทะ

ดานีเอง 5:19

ดี๊ ลู่ง ทดูทโท๊ พี่ กแช่แยว้ เกล๊าง เอะ เนบูคาเนซา อกย้องนอ, โพล้งกุ้ที๊งกุ้ค่าง กุ้ชื้อกุ้ชะ กุ้คว่าง นอ, ว้ะโทะ ดี๊ ดู้งแบยางแบ-อ้ะ, อ เว๊ ม แม้ซี๊ง โพล้งเล้ นอ, แม้ซี๊ง เว๊ ล้อ, ม เกม๊า โพล้งเล้ โอม๊า ได้ะ นอ, เกม๊า เว๊ อ โอม๊า ล้อ, ม ต๊างทาง โพล้งเล้ นอ, ต๊างทาง เว๊ ล้อ, ม ดึ้ เกม๊า โพล้งเล้ ล้างพือล้างปี๊ นอ, แม้ เว๊ ล้อ

ม้ะทู 2:16

ท่อง เฮรุ้ ซีงแฌ๊ เว๊ โม ล แพ นอ อางโล๊-อ้ะ, อ เว๊ อ ซ้ะทาง พ้ะดู, ดี๊ เจ่ ทาง โพล้ง, เกม๊า เว๊ อ ลี้ แม้ ซี๊ง พืงแซ กเย่ อ แคว๊ ล แพ นอ ลู่ง เฌง เบเลเฮง, ดี๊ เฌง ฆู เฌง ฆ้อง ล แพ นอ, กุ้ อ แฌ้ เมาะ เว๊ อ โญะ ล แอ นี่ คี๊ง เนง แบ, อ นอ ล ว๊าง ฆ่าง ดี๊ โม โล้ แบ-อ้ะ แซย โพล ทาง อ แค๊ อู้ นอ ล้อ

ม้ะทู 5:22

เมะ ยี๊ แด จ โล้ เอะ น ซื๊ง ซีง, โพล้ง พี่ อ ซ้ะทาง ดี๊ อ ด๊างพื่งวี่ โพล้ง ล แฌ้ นอ, ม แบ ท แม้ เตา แม้ แต๊-อ้ะ, ดี๊ โพล้ง พี่ ล แฌ้ เล้, พี่ อ ไจ้ะ อ ด๊างพื่งวี่ อ เฌ๊ฌ้อง ซี๊ง, โพล้ง ล แฌ้ นอ, ม แบ ลี้ ลู่ง โพล้ง ต้ะเซ๊ง เท่อ ล มู๊ง นอ อ เมะแซ พ้า, ดี๊ โพล้ง พี่ ล แฌ้ เล้, พี่ อ ไจ้ะ เอะ อ ด๊างพื่งวี่ อ พลื่ง ซี๊ง, โพล้ง ล แฌ้ นอ, ม แบ ท ลี้ โซ๊ง-อ้ะ ลู่ง มี มแนโฮะ พ้า