2​ซามูเอง 9:1 - Northern Pwo Karen Thai Bible

¹ ดาเว โล้ เว๊, “โพล้ง ลู่ง ซาอู อเด้าคูล่างพ้า นอ, โอม๊า ล แฌ้ ๆ, ได้ะ-อ้า?, บี่ซุ้ จ ม เนโพลทาง ทเอ ลู่ง อเฌิ่งอค๊า เอะ โพล้ง ล แฌ้ นอ, ลู่ง จ แด โยนาทาง เก จ ซกุ้ นอ อ กย้อง”

2​ซามูเอง 9:1 ပူးပေါင်းရင်းမြစ်များ

2​ซามูเอง 1:26

โยนาทาง จ วี่ โจ้-เอ้อ, ทน้ะเซิงน้ะซ้ะ แบ แย้ ลู่ง น ฌ่าง แน้ น เก เท่อ พี่ อ แม้ มึ ทาง จ ซ้ะ เต้ๆ น ทเอ ลู่ง น เอ แบ แย้ นอ, ล้างลู่ ล้างล้ะ ดูเละ กมืง อ ทเอ ได้ะ

2​ซามูเอง 21:7

แบเด้าะ, ซาอู อ พูแคว๊ เมะเว๊, โยนาทาง อ พู เมฟีโบเช นอ, กจุ้แฆว้ อางกี ม๊า เว๊, เมะเว๊ อ ซื๊งเว๊ คี๊ง แฌ้ นอ, แม้ ทอืงล้าง โละซ้ะ ลู่ง กแช่ยาเว อ เม้ง, เมะเว๊ ดาเว ดี๊ ซาอู อ พูแคว๊ โยนาทาง

2​ซามูเอง 9:7

ดาเว ไคล้ ดี๊-อ้ะ ไจ้ะเว๊, “ซ้ะเม เท่อ ล ฌี้, แย้ จ ม เนโพลทาง ทเอ ลู่ง อเฌิ่งอค๊า เอะ แน้ เต้ๆ, ล้อ, เมะเว๊ ลู่ง น แพ่ โยนาทาง อ กย้อง, จ ม เกม๊า ไท้ เอะ แน้ น พู๊ง ซาอู อ ฌางคู ล่าง นอ เลาพะ, ดี๊ แน้ นอ, น ม อาง มี้ โอ้ ที๊ง แบ ดี๊ แย้ คะ ล ช๊อง ฆ่าง ครึๆ, ล้อ”

1​กจุ้แฆว้ 2:7

เกม๊า เต้ น เนโพลทาง ทย๊างซ้ะ แบ บาซีงไล, โพล้ง กีเลอา ล แฌ้ นอ อ พู ลแพ นอ ไช้ะ, เกม๊า อ ซื๊งเว๊ โอ ลู่ง โพล้ง พี่ อ อาง เท่อ ลู่ง น คะ คู ลแพ นอ อ โป้ง พ้า, เมะเว๊ พี่ จ ซยู๊ คุ้ซูงไฆวะ น วี่ โจ้ อะซาโลง อ แค๊ อู้ง นอ, อ ซื๊งเว๊ซีง แม้ช้า แย้ ดี๊ ทย๊างเซิงย๊างซ้ะ

ทอางด้อง 27:10

ญ๊องไฆวะ น ฌุ้พาง, ดี๊ น แพ่ อ ฌุ้พาง ล ฌี้ ดี๊ มื่ง ล นี้ง แย๊ พี่ น แด ท เซงทื่งเฌ๊ฌ้อง นอ, ลี้ ลู่ง นพื่งนวี่ อ เด้า ล ฌี้ ฌุ้พาง พี่ อ โอ เบ้า นอ ฌี้เละ น๊างพื่งวี่ พี่ อ โอ ไย้ นอ ได้ะ

ม้ะทู 10:42

โพล้ง แฌ้ ฌี้ แฌ้ ฌี้, พี่ อ เกล๊าง โอ้ เอะ โพล้ง ลู่ง อ ปี๊ ทึ ล แฌ้ อ ที๊ง เคลง, ลู่ง อ เว๊ เก จ พู จ ลี้ง อ กย้อง นอ, จ โล้ เอะ น ซื๊ง โต้ๆ, โพล้ง ล แฌ้ นอ, ม นี่ แบ ท อ บลึ้ อ บลาง เต้ๆ, ล้อ”

ม้ะทู 25:40

ฌ้อง กจุ้แฆว้ ล แฌ้ นอ ม ไจ้ะ เอะ เว๊, ‘จ โล้ เอะ น ซื๊ง โต้ๆ, ล้อ, พี่ น แม้ เอะ โพล้ง ปี๊ ทึ ลู่ง จ ด๊างพื่งวี่ อ แกล้ อี้ง นอ ที๊ ซุ้ๆ, ดี๊ น แม้ แบ เอะ แย้ ล้อ’

มาร้ะกู 9:41

จ โล้ เอะ น ซื๊ง โต้ๆ, ล้อ, โพล้ง แฌ้ ฌี้ แฌ้ ฌี้ เมะ เกม๊า โอ้ น ที๊ง ลู่ง อ แด เว๊ น เก จ พู จ ลี้ง อ กย้อง นอ, โพล้ง ล แฌ้ นอ ม นี่ แบ ท อ บลึ้ เต้ๆ, ล้อ

1เปโต 3:8

ลู่ง อ ไค๊ ทึ อี้ง, น ซื๊ง ซีง แบ แม้ ซ้ะ ล โพลง ฆ่าง, เอ โละ กวี้ง โละ ซ้ะ บี่ ซุ้ ด๊างพื่งวี่, ย๊างเซิง ย๊างซ้ะ โละ ซ้ะ, ดี๊ โอ ดี๊ ท ชาง ล้าง เซิง ชาง ล้าง ซ้ะ คี๊ง โค๊ เลา

1ซามูเอง 20:42

โยนาทาง ไคล้ ดี๊ ดาเว ไจ้ะเว๊, “เกม๊า น ลี้ ดี๊ ทมึทพ้า, เมะเว๊ เฆ้อ คี๊ง แฌ้ อี้ง, ก นี่ อืงล้าง เท่อ ลู่ง กแช่ยาเว อ เม้ง เย้า บี่อี้ง, ‘กแช่ยาเว ม เก พีงญาง เอะ แย้ ดี๊ แน้, ดี๊ เก พีงญาง เอะ จ คลี๊ง จ แซ, ดี๊ น คลี๊ง น แซ ล้างชู้ ล้างแกย’, ”, ดาเว เฌ้เทิงทาง ลี้ ไฆวะ ไวะ, ดี๊ โยนาทาง นอ ลี้ฆ้าง ลู่ง เว่ง พ้า ไวะ นอ ล้อ