2​ซามูเอง 8:4 - Northern Pwo Karen Thai Bible

⁴ ดาเว พองนี่ เว๊ อ ซึ้พู เทา กซี ล ม๊า เนว๊ แย้ แฌ้, ดี๊ ซึ้พู ทแด้คู อ แฌ้ คี๊ง ไซ, ฌ้อง ดาเว กล้างเทะ กซี เลาะ ดึ้ซึ้ ลแพ นอ อ คาง ทอง เลาพะ, อางกีก้ะ เว๊ เมาะ กู้งทาง เลาะ อ ช๊อง ล แย้ นอ ล้อ

2​ซามูเอง 8:4 ပူးပေါင်းရင်းမြစ်များ

ทอคางไท้ะ 49:6

กเซิงกซ้ะ-เอ้อ, ลี้ฆ้าง ลู่ง อซื๊งเว๊ อ โอซยอง พ้า ล ฌี้ กฆี๊งกแล้-เอ้อ, ลี้ฆ้าง โอซยอง ลู่ง อ ท แพโซง พ้า ล ฌี้ เป๊งนี่ อซื๊งเว๊ แม้ซี๊ง โพล้ง ดี๊ ท ซ้ะทาง อ เว๊ กล้างเทะ งู้ แพ๊ อ ทอง, ท๊อง ท แบ อซื๊งเว๊ อ ซ้ะ นอ ล้อ

1​กจุ้แฆว้ 10:26

ซาโลโม อางกีซยองนี่ เลาะ ดึ้ซึ้ เท่อ ดี๊ ซึ้พู เทา กซี, อ เว๊ อ เลาะ ดึ้ซึ้ เท่อ โอ ล ม๊า ลี่ง แย้ ช๊อง, ดี๊ ซึ้พู เทา กซี โอ ล ไซ คี๊ง ม๊า แฌ้ อ นอ เกม๊า เว๊ อ โอ ลู่ง เว่ง ทล่าง อางกี เลาะ ดึ้ซึ้ เท่อ อ ล่าง, ดี๊ โอ ดี๊ กจุ้แฆว้ ลู่ง เว่ง เยรูซเลง พ้า

1​ทกวิ้ไน 18:4

ดาเว ยึนี่ก้ะ เว๊ อ เลาะ ดึ้ซึ้ เท่อ อ ช๊อง ล ม๊า, ซึ้พู เทา กซี เนว๊ ม๊า แฌ้, ดี๊ ซึ้พู ทแด้คู คี๊ง ไซ แฌ้, ดี๊ ดาเว กล้างเทะ กซี เลาะ ดึ้ซึ้ เท่อ นอ อ คาง ทอง เลาพะ, อางกีก้ะ เว๊ ฆวี๊ อ กู้งทาง เลาะ ดึ้ซึ้ เท่อ อ ช๊อง ล แย้ นอ ล้อ

ทอางปฆ้า 20:7

แบ ล น้างๆ, อางปฆ้า เลาะ ดึ้ซึ้ อไฌ่อกย้อง, แบ ล น้างๆ, อางปฆ้า กซี ดึ้ซึ้ อไฌ่อกย้อง แบเด้าะ เฆ้อ ซีงลแพ, ก อางปฆ้า กแช่ยาเว, ก กแช่แยว้ อเม้งอแซ นอ, อไฌ่อกย้อง

โล้​ล้างที๊ง​ทอางแม้เลา 17:16

แบเด้าะ เกม๊า อ เว๊ โอ ดี๊ กซี, เก อ กแช่ เว๊ แอ น้ะ กชุ้-อ้า, เก ท อไฌ่อกย้อง ดึ้ เกม๊า โพล้ง เฌงพูฆ๊างพู ไท้ไท้ ลู่ง อีไย้ะ, บี่ซุ้ ม โอ ดี๊ กซี แอฌี่งแอฌ้อง-อ้า ล ฌี้ อไฌ่บี่อี้ง, กแช่ยาเว นี่ ไคล้ ดี๊ น ซื๊ง เย้า ไจ้ะเว๊, ‘ไท้ไท้ เกล้ ล บ้อง นอ ล้า ล ฌี้’

โยชูวา 11:6

กแช่ยาเว โล้ เอะ โยชูวา ไจ้ะเว๊, “ซ้ะเม โพล้ง ลแพ นอ ล ฌี้, เมะเว๊ ลู่ง โฌ้ โฆะ แค๊ ล ว๊าง แย๊ อี้ง นอ, จ ม อางกีล้าง โพล้ง ลแพ อี้ง เอะ โพล้ง อีซลาเอง เกม๊า แบ ทแม้ซี๊ง-อ้ะ, เกม๊า น ซื๊ง ม กล้างเทะ อ กซี อ คาง ทอง, ดี๊ แม้นี่ มี เช้าไฆวะ อ เลาะ ดึ้ซึ้ เท่อ นอ เฆาะ”

โยชูวา 11:9

โยชูวา แม้ เอะ โพล้ง ลแพ นอ บี่ซุ้ กแช่ยาเว โล้ เอะ-อ้ะ นอ, เมะเว๊ กล้างเทะ เว๊ อ กซี อ คาง ทอง, ดี๊ แม้นี่ มี เช้าไฆวะ เว๊ อ เลาะ ดึ้ซึ้ เท่อ