2​ซามูเอง 3:31 - Northern Pwo Karen Thai Bible

³¹ ฌ้อง ดาเว ไคล้ ดี๊ โยอะ, ดี๊ โพล้งเฌงพูฆ๊างพู กุ้ อ แฌ้, พี่ อ โอ ดี๊ โยอะ ลแพ นอ ไจ้ะเว๊, “เกม๊า น ซื๊ง ซย๊างยะ ไช๊ช้าง, ดี๊ เราทาง ตไก้ยะ กเซ้าะ ลู่ง ย่างเด้ง ล้อง, เกม๊า น ซื๊ง พี่ น มองแบ อะเนอ นอ ลี้ วี่ง”, ดี๊ กจุ้แฆว้ ดาเว นอ, ลี้ โพะ อะเนอ อโช่ง อ ไค๊

2​ซามูเอง 3:31 ပူးပေါင်းရင်းမြစ်များ

ทอคางไท้ะ 37:29

ท่อง รูเบง เฌ๊ไท้ ท้อง ทพ้า นอ, แด เว๊ โยซิ้ ล โอ ทพ้า พ้า ล้า แบ นอ, อ เว๊ ซย๊างยะ อไช๊อช้าง ล้อ

ทอคางไท้ะ 37:34

ยาคุ้ ซย๊างยะ ล้าง อไช๊อช้าง, ดี๊ แม้นี่ ตไก้ยะ กเซ้าะ, เราทาง อ ย่างเด้ง ล้อง, ฌางล้างย้าล้าง มองแบ อ พู ตบลึ้ นี้ง

2​ซามูเอง 1:11

ฌ้อง ดาเว ซย๊างยะ อ ไช๊ อ ช้าง, ดี๊ โพล้ง กุ้ แฌ้ พี่ โอ ดี๊-อ้ะ ลแพ นอ, แม้ เว๊ บี่นอ ปะ

2​ซามูเอง 1:2

ลู่ง มื่ง ซ๊า นี้ง ล นี้ง พ้า นอ, แคว่เซ้อ, โพล้ง แคว๊ โอ ล แฌ้ โอ ลู่ง ซาอู อ ทล่างโอซยอง พ้า เฌ๊, ซุ้ ไช๊ ช้าง ยะปวิ้ ดี๊ ฌางคู มูง โอ อ คู ล้อง, ท่อง อ เฌ๊ ท้อง ดาเว อ โอ นอ, ซย๊องล้าง อ ซ้ะ อ เมะ ท้องล้าง ฌางคู คู

1​กจุ้แฆว้ 20:31

ดี๊ กเย่ เบงฮาดะ อ กดูกแซย่ โล้ เอะ-อ้ะ ไจ้ะเว๊, “แคว่เซ้อ, ก แน่ฌ๊า บี่อี้ง, กเย่ กจุ้แฆว้ ลู่ง โพล้ง อีซลาเอง อชื้ออชะ พ้า นอ, เก กจุ้แฆว้ พี่ อ ย๊างซ้ะ แบ เท่อ, เกม๊า ก แม้นี่ ตไก้ยะ กเซ้าะ เราทาง ย่างเด้ง, แม้นี่ พลี้ง ไบ้ทาง ก คู, ฌ้อง ไจทาง ลี้ฌูง กจุ้แฆว้ ค่าง อีซลาเอง, แบซีงลู่ง อ เว๊ ม อางกี ม๊า แน้ ได้ะ”

1​กจุ้แฆว้ 21:27

ดี๊ ลู่ง ไค๊ พี่ อาฮะ แน่ฌ๊า กแช่แยว้ อลู่งอแท๊ ลแพ อี้ง นอ, อ เว๊ ซย๊างยะล้าง อ ไช๊, ซุ้ทางก้ะ ตไก้ยะ กเซ้าะ, ดืง อาง เท่อ, มี๊ง ลู่ง ตไก้ยะ กเซ้าะ พ้า, ดี๊ ไจ ลี้ ไจ ไท้ ดี๊ นางแบล้างไท้ ซ้ะ, แม้ เท่อ ไพ้ะ

2​กจุ้แฆว้ 19:1

ท่อง กจุ้แฆว้ เฮเซคียา แน่ฌ๊า เว๊ บี่นอ, อ เว๊ ซย๊างยะ อ ไช๊ อ ช้าง, ดี๊ แม้นี่ ตไก้ยะ กเซ้าะ คลึไบ้ะล้าง อ ซ้ะ, ดี๊ ลี้ นึฆ้าง ลู่ง กแช่ยาเวอล่างโอ พ้า

2​กจุ้แฆว้ 19:2

อ เว๊ เจ่ทาง เอลียาคีง ทอดู แคว่เท่อ กจุ้แฆว้ อ เด้า พ้า, ดี๊ เชนา ทอดูกวิ้ไนเท่อ, ดี๊ โพล้งลื่งเท่ออคู อเม้งอแซย่ คลึไบ้ะล้าง อ ซ้ะ ดี๊ ตไก้ยะ กเซ้าะ, ลี้ฌูง อามอ อ พู เมะเว๊ โม อีซยา

ลูกา 7:14

ฌ้อง กแช่ เยซู ลี้ พอง เว๊ อ โช่ง, โพล้ง พี่ อ ยุ้ ตจู นอ โอ โท๊ คระ, กแช่ เยซู ไจ้ะ เว๊, “โจ้-เอ้อ, จ โล้ แบ แน้ เฌ้เทิง ทาง ไวะ”

โยชูวา 7:6

โยชูวา ซย๊างยะ ล้าง อ ไช๊ อ ช้าง ซย๊องล้าง อ ซ้ะ, อ เมะ ท้องล้าง ฌางคู คู, ลู่ง กแช่ยาเว อ ไฮะ อ เมะแซ พ้า ท้อง มื่งแฌล้างโค๊, เลา ดี๊ อ เว๊ ดี๊ โพล้ง อีซลาเอง อเม้งอแซย่, พ๊า ทาง ฌางคู มูง ลู่ง อ คู ล้อง

ท​เน​โพล​ทาง 11:3

แย้ จ ม เกม๊า เอะ จ พีงญาง คี๊ง แฌ้ นอ โอ ดี๊ อ ดู้ง อ ยาง, อซื๊งเว๊ ม ไต้ ทาง อ ซ้ะ ดี๊ ตไก้ยะ กเซ้าะ ฌ้อง ม โล้ ล้าง กแช่ แยว้ อ ลู่ง อ แท๊ ล ม๊า คี๊ง แย้ ฆู๊ง ชี๊ง นี้ง”

โพล้งต้ะเซ๊งเท่อ 11:35

ท่อง อ เว๊ แด อ พูมืง เย้า นอ, อ เว๊ ซย๊างยะ ล้าง อ ไช๊ อ ช้าง ไจ้ะเว๊, “พู-เอ้อ, น เกม๊า แพ่ เกทาง เท่อ ล ซี ล้าแบ, เมะเว๊ ลู่ง น กย้อง นอ แพ่ แบคู่แบโฌ้ เท่อ น้ะ มะ, อ ไฌ่ บี่อี้ง แพ่ อืงล้าง เว้ เท่อ ดี๊ กแช่ยาเว เย้า, ม เคิง ไท้ ทไคล้ ล ซี ล้าแบ”