2​ซามูเอง 22:22 - Northern Pwo Karen Thai Bible

²² เมะเว๊ จ แฌแซ กแช่ยาเว อ เกล้ ดี๊ ล นี่ แม้ ทอ้า ลู่ง ทวีงแซยไฆวะ ซ้ะ, ดี๊ จ กแช่แยว้ นอ แบ

2​ซามูเอง 22:22 ပူးပေါင်းရင်းမြစ်များ

ทอคางไท้ะ 18:19

เมะเว๊ ก อางลึ นี่-อ้ะ เย้า, บี่ซุ้ อ เว๊ ม อางแบเลา อ พู อ ลี้ง, ดี๊ อ เด้าคูล่างพ้า พี่ อ เฌ๊ กึทางก้ะ ลู่ง ไค๊ ล ว๊าง นอ, เกม๊า อ แฌแซกต้าง กแช่ยาเว อ เกล้, เกม๊า อ แม้ ทแบกแช่แยว้อซ้ะ, ดี๊ แม้ ท อเกิ้งอแบ, บี่ซุ้ กแช่ยาเว ม เกล๊าง เอะ อาบราฮาง อ เท่อ, บี่ซุ้ดี๊ อ ท โล้ เว้ เอะ-อ้ะ นอ ล้อ”

1​กจุ้แฆว้ 9:4

ดี๊ แน้ นอ, น เมะ โอ ลู่ง จ เมะแซ พ้า, แบด้องซุ้ น แพ่ ดาเว แม้ เว๊ ดี๊ ซ้ะ ลู่ง อ โต้ อ ล้อง, ดี๊ ทอเกิ้งอแบ, ดี๊ แม้ ทกุ้ อ เม้ง พี่ จ อางแบเลา เว้ เอะ แน้, เลา ดี๊ แฌแซ จ ทอเค้อะอต้าง, ดี๊ จ ทอางกีล้าง นอ

ทอางปฆ้า 119:1

กเย่ โพล้ง พี่ อ ฌี้ กุ้เม้ง, ลู่ง อ กแช่ อ เกล้ อ พ้า นอ, โอมึโอพ้า เมะเว๊ โพล้ง พี่ แม้โพะ กแช่ยาเว อ ทอางแม้เลา อ ไค๊

ทอางปฆ้า 125:5

แบเด้าะ ลู่ง โพล้ง พี่ แกยฆ้าง อ ซ้ะ, อางฆื๊ง เกล้ ไกกอง อ ฌ่าง นอ กแช่ยาเว ม ลี้ฌ้า อซื๊งเว๊, ลี้ ล พ๊าฆ่าง ดี๊ โพล้ง, พี่ อ แม้ ทอ้าทซ๊าง เกม๊าเต้ ทฆู๊งทพุ้ โอ ลู่ง อีซลาเอง พ้า

ทอางปฆ้า 128:1

โพล้ง กุ้แฌ้ พี่ ดู้งแบยางแบ กแช่ยาเว นอ, โอมึโอพ้า ล้อ เมะเว๊ โพล้ง พี่ อ ไจ ลู่ง กแช่แยว้ อ เกล้ พ้า

ทอางปฆ้า 18:1

ดาเว โล้ เท่อ ไจ้ะเว๊, “จ กแช่ยาเว พี่ อ เก จไฌ่จแบ้-เอ้อ, ยี๊แด จ เอ แน้

ทอางปฆ้า 36:3

ทไคล้ ลู่ง อ นุ้ พ้า นอ, ออ้าอซ๊าง, ดี๊ อางโล๊ไละ เท่อ อเว๊ ล แม้ เท่อ ลู่ง อไพ่อแซย๊ ล้าแบ, ดี๊ ล แม้ ทฌี้ทแอว้ ล้าแบ

ทอางด้อง 8:32

พู ลแพ ซีง-เอ้อ, ค๊องเนงอี้ง เกม๊า คุ้ช๊องแน แย้ โพล้ง พี่ อ แฌแซกต้าง จ เกล้ ลแพ นอ, โอมึโอพ้า ล้อ

เซฟางยา 1:6

เลา ฆึ ดี๊ โพล้ง ลแพ นอ, พี่ แกยไฆวะไท้ อ ซ้ะ ดี๊ ท โพะ กแช่ยาเว อ ไค๊ เมะเว๊ โพล้ง ลแพ นอ, พี่ ล นี่ อางฆื๊ง กแช่ยาเว-อ้า, ล นี่ อางโกอางจ้ะ เว๊-อ้า แบ”

เกล้​ท​ซ้ะวี่ง 16:15

โมเซ อ ซ้ะทาง เต้ๆ, ดี๊ โล้ เอะ กแช่ยาเว ไจ้ะเว๊, “อวีงซ้ะชู้ ฮะนี่ อ ซื๊งเว๊ อ ทลื่งทาง นอ ล ฌี้, แย้, จ ล แม้นี่ อ ซื๊งเว๊ อ แลว้ น่าง ดื้ง แบ, ดี๊ จ ล แม้อ้าแม้ซ๊าง อ ซื๊งเว๊ น่าง แฌ้ แบ”

โยฮาง 15:10

น ซื๊ง เมะ ชู่ง จ ทอางแม้เลา นอ, น ซื๊ง ม โอ เฌิ่ง โอ ค๊า ลู่ง จ ท เอ นอ ล้อ, ด้อง ซุ้ แย้ จ ชู่ง จ แพ่ อ ทอางแม้เลา นอ, จ โอ เฌิ่ง โอ ค๊า ลู่ง อ เว๊ อ ท เอ นอ ล้อ

2​โคเรง 1:12

ก ซ้ะ มึ ล เม้ง ดี๊ ก ซีงแฌ๊ ล้าง ก ซ้ะ เต้ๆ, เมะ เว๊ ก แม้ ก ซ้ะ เมาน่าง ครึๆ, เมะ ดี๊ น ซื๊ง นอ, ก แม้-อ้ะ เมาน่าง แอ ล ปี๊ ลู่ง ท เซิง ฌี้ ซ้ะ แอว้ ดี๊ ท เซิง โต้ ซ้ะ โต้, พี่ อ แบ กแช่ แยว้ อ ซ้ะ, ล เมะ โพล้ง ฌางคู โคล๊ง คู อ ท โกง ท มอง เกม๊า ก แม้ แบ, แบเด้าะ กแช่ แยว้ อ โก้ง อ โบ้ง อ บลึ้ อ บลาง เกม๊า ก แม้ ล้อ

1ซามูเอง 12:3

จ โอ พี่ อี้ง, ม๊า น ซื๊ง เก พีงญาง ไจ้ะ แบ แย้ ลู่ง กแช่ยาเว อ เมะแซ พ้า, ดี๊ ลู่ง โพล้ง พี่ อ เว๊ เท้าไน เว๊ ล แฌ้ นอ อ เมะแซ พ้า, จ ทึ้นี่ โพล้ง อ งู้ โอ แฌ้ๆ, ชี่-อ้า?, จ แม้ โพล้ง อ แลว้ โอ แฌ้ๆ, ชี่-อ้า?, จ โกง อาง โพล้ง แฌ้ๆ, ชี่-อ้า?, จ แคแนแคแก้ โพล้ง แฌ้ๆ, ชี่-อ้า?, จ นี่แบ จี้ทไซ้ะไบ้ะนุ้ ลู่ง โพล้ง อ จูง ล้อง โอ แฌ้ๆ, ชี่-อ้า?, พี่ เกม๊า เว๊ อ คลึไบ้ะทะ จ เมะ, เมะ โอ นอ จ ม ม๊า ไท้ เอะ น ซื๊ง”