2​ซามูเอง 20:9 - Northern Pwo Karen Thai Bible

⁹ โยอะ อางจ้ะ อามาซา ไจ้ะเว๊, “โจ้-เอ้อ, โอมึช๊องพ้า ล้อ-อ้า?”, โยอะ อ จูง ฆุ้ ล โค๊ นอ, พองฆ้าง อามาซา อ แคชอง ม น๊าม๊า เว๊ อ บุ้แพ้

2​ซามูเอง 20:9 ပူးပေါင်းရင်းမြစ်များ

2​ซามูเอง 15:5

โพล้ง เมะ เฌ๊ฆ้าง เบ้า-อ้ะ นอ, โพล้ง ม ซย๊องล้าง อ ซ้ะ แบ้ทาง-อ้ะ, อ เว๊ ม เยาฆ้าง อ จูง บุ้ทาง ไท้ โพล้ง ล แฌ้ นอ, ดี๊ น๊าม๊า เว๊ อ บุ้แพ้

2​ซามูเอง 17:25

อะซาโลง ต๊างทาง อามาซา, เก ซึ้พูมู๊ง อคูดู เท่งก้ะ โยอะ, อามาซา เก โพล้ง แคว๊ ล แฌ้, อ พู อ เม้ง อีรา, เก โพล้ง อีซลาเอง พี่ ทางแซย่ ดี๊ นาฮ้ะ อ พูมืง เมะเว๊, น่าง อาบีกาง, เก น่าง เซรูยา โยอะ อ มู่ นอ อ พื่ง มืง

2​ซามูเอง 18:29

กจุ้แฆว้ อางจ้ะ-อ้ะ ไจ้ะเว๊, “น่างบางซ้ะบาง แคว๊ อะซาโลง นอ โอมึช๊องพ้า-อ้า?”, อาฮีมาอ้ะ ไคล้ช๊า-อ้ะ ไจ้ะเว๊, “พี่ โยอะ เจ่ กจุ้แฆว้ อ เพล่ เฌ๊ นอ, ดี๊ แย้, เมะเว๊ กจุ้แฆว้ อ เพล่ อี้ง นอ, แด โพล้ง เติ้งทางเติ้งล้าง พ้ะดู, แบเด้าะ, แบ ทเม้งเล้ นอ ล ซีงแฌ๊ แบ”

2​ซามูเอง 3:27

ดี๊ ท่อง อะเนอ เฌ๊ไท้ ไท้ ท้อง เว่ง เฮโบรง พ้า เย้า นอ, โยอะ ลี้ฌ้า-อ้ะ ลู่ง เว่ง อ ป้ะตู๊ง พ้า, บี่ซุ้ ม ไคล้ เว๊ ดี๊-อ้ะ คี๊ง แฌ้ เฆาะ, แบเด้าะ, โยอะ นอ ชิ้ อะเนอ อ ฌู่โพ๊ง, ดี๊ อ เท่อ ซี๊ง เว๊, โยอะ แม้แกไท้ อ พื่ง อาซาเฮง อ ซวีง อ กย้อง นอ ล้อ

1​กจุ้แฆว้ 2:32

กแช่ยาเว แม้นี่ เว๊ อ ซวีง, เฌ๊ไท้ ล้างเทะแบไท้ อ กแช่ อ คู แด เว๊ ล้อ, เมะเว๊ อ เว๊ แม้น้า ดี๊ แม้ซี๊ง โพล้ง แคว๊ คี๊ง แฌ้ ดี๊ น้ะ, พี่ อ เก โพล้ง ลู่ง ทแบแยว้อซ้ะ ฌี้เละ-อ้ะ ได้ะ, ดี๊ ฌี้เละ อ กแช่ ได้ะ, จ แพ่ ดาเว ล ซีงแฌ๊ เว๊ น่าง เม้ง แบ, อ นอ เมะเว๊ เนอ อ พู อะเนอ, พี่ อ เก โพล้ง อีซลาเอง อ ซึ้พูมู๊งอคูดู, ดี๊ เยเทอ อ พู เมะเว๊ อามาซา, พี่ อ เก โพล้ง ยูดา อ ซึ้พูมู๊งอคูดู

ทอางปฆ้า 55:21

อ ทไคล้ นอ, พลี๊ ฌี้เละ ทอซูอไย้ แบเด้าะ ทดึ้ทชาง โอ ลู่ง อ ซ้ะพ้า อ ทลื่งทไคล้ นอ, เพา ฌี้เละ ทซู ได้ะ แบเด้าะ นอ เก น้ะ, พี่ ทึ้ทาง เว้ อ ซ้ะ เย้า

ทอางด้อง 26:23

นุ้ พี่ อ ไคล้อ้าไคล้ซ๊าง เท่อ, ดี๊ เซิงอ้าซ้ะอ้า นอ บี่ซุ้ดี๊ เฮ๊ พี่ กยูเท่ง ทพ้าทล่าง ฌางคู อ เบงคู นอ ล้อ

ทอางด้อง 27:6

พ้าล่าง พี่ ฌุ้พาง เท่งซ้ะ แม้ เว๊ นอ, แม้ เว๊ ดี๊ ทช๊องมอง ลู่ง อ ฌี้ แบเด้าะ ดีงแด้ อ ท น๊าม๊า นอ, แอ พะไฆวะ ทเมะทโต้

เยเรมี 41:2

เนทานียา อ พู อีซมาเอง, ดี๊ โพล้ง อ แฌ้ ล ชี๊ง พี่ โอ ดี๊-อ้ะ นอ, เฌ้เทิงทาง แม้ซี๊งไฆวะ อาฮีคาง อ พู เกดาลียา, พี่ เก ชาฟาง อ พู, อ เว๊ เก โพล้ง พี่ กจุ้แฆว้ ลู่ง บาบีโลง นี่ ต๊างทาง เว๊ เกม๊า อ เก ทอดู ยู่แคว่ เท่อ ลู่ง ค่าง นอ ดี๊ น้ะ ท๊อง อ ซี๊ง ล้อ

มีคา 7:2

โพล้ง เซิงเท่งซ้ะโต้ เลาเทาแดไฆวะ ฌางคูโคล๊งคู ม อางฆื๊ง โพล้งโต้โพล้งล้อง, ลู่ง กโพล้ง อซุ้อแกล้ ล แฌ้ ล โอ แบ อ เว๊ ล แฌ้ๆ, นอ, โอคุ้ล้างคุ้ซูง เท่อ, ม แม้ซี๊ง โละ อ ซ้ะ ล แฌ้ๆ, นอ, แม้ ทฆี ดุ้ อ น๊างพื่งวี่

โพล้งต้ะเซ๊งเท่อ 3:15

แบเด้าะ ท่อง โพล้ง อีซลาเอง กุ้ทาง กแช่ยาเว นอ, กแช่ยาเว เกม๊า โพล้ง แม้ช้า-อ้ะ นี่แบ ทพ้องพลิ้ โอทาง ลู่ง อ ซื๊งเว๊ อ แกล้ ล แฌ้, เก เกะรา อ พูแคว๊ อ เม้ง เอฮุ้, เก โพล้ง เบงยามีง, เก โพล้ง แม้ เท่อ ฆุ้ ลู่ง อ จูง จี ล โค๊, โพล้ง อีซลาเอง เกม๊า อ เว๊ เก โพล้ง ลี้ โซ๊ง ทแบเกล๊าง นอ, เอะ เอะโลง กจุ้แฆว้ เว่ง โมอา พ้า