2​ซามูเอง 18:3 - Northern Pwo Karen Thai Bible

³ แบเด้าะ ซึ้พู ลแพ นอ, โล้ เอะ-อ้ะ ไจ้ะเว๊, “กแช่-เอ้อ, เกม๊า น ลี้ ล ฌี้, เฆ้อ ล มู๊ง อี้ง ก เมะ ซยู๊ไฆวะ นอ, อ ซื๊งเว๊ ล ควี๊งคูแกยแน่ ดี๊ เฆ้อ ล แพ อี้ง แบ, เฆ้อ ซีงลแพ อี้ง เมะ ซี๊งไฆวะ พุ้พ๊าง ฌี้, อ ซื๊งเว๊ ล ควี๊งคูแกยแน่ ดี๊ เฆ้อ ซีงลแพ อี้ง น่าง เม้ง แบ, แบเด้าะ แน้ นอ, อ ฆวี้ ดู ที๊ซุ้ ดี๊ เฆ้อ ลแพ อี้ง อ แฌ้ ล ไซ, อ กย้อง บี่นอ, เกม๊า น โซ๊ง โพล้ง ลู่ง เว่ง พ้า, โอ ตร้างทะ เท่อ ม ฌี้ ล โค๊”

2​ซามูเอง 18:3 ပူးပေါင်းရင်းမြစ်များ

2​ซามูเอง 10:11

โยอะ ไจ้ะเว๊, “โพล้ง ซีเรีย อ ไฌ่ เมะ ชองเละ แย้ นอ, เกม๊า น ลี้ แม้ช้า แย้, แบเด้าะ โพล้ง อางโมง อ ไฌ่ เมะ ชองเละ แน้ นอ, แย้ จ ม เฌ๊ แม้ช้า แน้

2​ซามูเอง 17:2

จ ม ลี้ คลึ้นี่-อ้ะ, พี่ อ เว๊ ทไปว้ะ ซ้ะ, ดี๊ ล้างแช่ล้างเบ้ ได้ะ อ แค๊ อี้ง, ม ดึ้ เกม๊า อ ซ้ะเม เท่อ ว้ะโทะ เฆาะ, ซึ้พู เลาพะ พี่ โอ ดี๊-อ้ะ ม ไจซยู๊ไฆวะ, แย้ นอ จ ม แม้ซี๊ง ที่ กจุ้แฆว้ นอ ล้อ

2​ซามูเอง 21:17

แบเด้าะ, น่าง เซรูยา อ พู เมะเว๊ อาบีไช นอ เฌ๊ฆ้าง แม้ช้า ดาเว, ดี๊ ดึ้ซึ้ โพล้ง ฟีลีเตีย ล แฌ้ นอ, แม้ซี๊ง เว๊ เฆาะ, ฌ้อง กเย่ ดาเว อ ซกุ้ ลแพ นอ, ไคล้ อืงล้าง เท่อ ดี๊-อ้ะ ไจ้ะเว๊, “กแช่-เอ้อ, เกม๊าเต้ น ลี้ ดึ้ซึ้ ฆึ เท่อ ดี๊ เฆ้อ ซีงลแพ อี้ง ล้า ล ฌี้, บี่ซุ้ น ล แม้ล้างไพะไฆวะ โพล้ง อีซลาเอง อ มีโด้ง แบ”

1​กจุ้แฆว้ 22:31

กจุ้แฆว้ ค่าง ซีเรีย, อางแบเลา กเย่ อ ซึ้คู เลาะ ดึ้ซึ้ เท่อ ซ๊า ชี๊ง คี๊ง แฌ้ นอ ไจ้ะเว๊, “ดึ้ซึ้ เท่อ ดี๊ ซึ้พู อ ดู อ ปี๊ ล ฌี้, แบเด้าะ ม๊า ดึ้ ที่ กจุ้แฆว้ ค่าง อีซลาเอง นอ”

ท​ฌางล้างย้าล้าง 4:20

ก ทม๊า กแช่, เมะเว๊ กจุ้แฆว้ พี่ กแช่ยาเว เท้าไน เว๊ นอ ล้างเทะ ลู่ง อ ซื๊งเว๊ ซีง ล แพ, อ ซลา พ้า เย้า เมะเว๊ กแช่แยว้ พี่ ก ไคล้ แบฆ้ะ ดี๊-อ้ะ บี่อี้ง “ลู่ง อ กดื้งแล้ อ ซยืง เช๊ละ ก ม โอม๊าโอว้ะ ลู่ง โพล้ง กุ้ชื้อกุ้ชะ อซุ้อแกล้ ซี

เซคารียา 13:7

กแช่ยาเว ซึ้คู ดูทึชองทึ ไจ้ะเว๊ “น้ะ-เอ้อ, เกม๊า นางทางซ้ะ ดึ้ซึ้ โพล้ง ลื่ง ก แกะ เกม๊า ดึ้ซึ้ โพล้ง พี่ กื้อลี้ง โละซ้ะ ดี๊ เฆ้อ เกม๊า ท่าง โพล้ง ลื่ง เท่อ, ดี๊ แกะ น๊างมู๊ง นอ, ม ที่พ้ะที่ล้างไฆวะ ก ม ไบล้ะกแด้ ก จูง, เฌ๊ ดึ้ซึ้ โละซ้ะ ดี๊ พูปรี้งพูมย้าง”

1ซามูเอง 18:7

ดี๊ โพล้ง มืง ซีงลแพ นอ, เฌ้เทิงลี่ง ดี๊ ซ้ะอวีง แท๊ พาง โละอซ้ะ ไจ้ะเว๊ “ซาอู แม้ซี๊ง โพล้ง อ แฌ้ อ ม๊า พ้า เมะ ดาเว นอ แม้ซี๊ง โพล้ง อ แฌ้ อ ไซ พ้า”