2​ซามูเอง 18:20 - Northern Pwo Karen Thai Bible

²⁰ โยอะ ไคล้ช๊า-อ้ะ ไจ้ะเว๊, “เกม๊า น เก โพล้ง ลี้ โล้ โค เท่อ ล นี้ง แย๊ อี้ง ล ฌี้, ลี้-อ้ะ ลู่ง ไค๊ ล นี้ง โฆะ, เมะ ล นี้ง แย๊ อี้ง นอ, ลี้ โล้ โค เท่อ ล ฌี้ เฆาะ, เมะเว๊ กจุ้แฆว้ อ พูแคว๊ ซี๊ง เย้า”

2​ซามูเอง 18:20 ပူးပေါင်းရင်းမြစ်များ

2​ซามูเอง 18:19

ซาโด อ พู เมะเว๊, อาฮีมาอ้ะ ไจ้ะเว๊, “เกม๊า จ ไท้ ซยู๊ โล้ โค เอะ กจุ้แฆว้ บี่อี้ง, กแช่ยาเว แม้ช้า-อ้ะ, เกม๊า พ้องไฆวะ ดี๊ อ ดีง อ แด้ อ จูง เย้า”

2​ซามูเอง 18:21

โยอะ โล้ เอะ โพล้ง คุ้ ล แฌ้ ไจ้ะเว๊, “เกม๊า น ลี้ โล้ แบ กจุ้แฆว้ ม๊า อ ซีงแฌ๊, บี่ซุ้ เท่อ พี่ น แด แบ-อ้ะ อี้ง”, โพล้ง คุ้ ล แฌ้ นอ, ซย๊องล้าง อ ซ้ะ แบ้ทาง โยอะ, ฌ้อง ลี้ ซยู๊ ไวะ

2​ซามูเอง 18:27

ซึ้พู คุ้แคว่ เท่อ นอ โล้ เว๊ บี่อี้ง, “จ ช๊องมอง โพล้ง พี่ อ เฌ๊ ซยู๊ วี่ง ล แฌ้ นอ, ซยู๊ แบด้อง ซาโด อ พู อาฮีมาอ้ะ”, กจุ้แฆว้ ไจ้ะเว๊, “โพล้ง ล แฌ้ อี้ง นอ, เก โพล้ง ฌี้, อ เว๊ เฌ๊ ดี๊ ทโล้โค ลู่ง อ ฌี้”

2​ซามูเอง 18:29

กจุ้แฆว้ อางจ้ะ-อ้ะ ไจ้ะเว๊, “น่างบางซ้ะบาง แคว๊ อะซาโลง นอ โอมึช๊องพ้า-อ้า?”, อาฮีมาอ้ะ ไคล้ช๊า-อ้ะ ไจ้ะเว๊, “พี่ โยอะ เจ่ กจุ้แฆว้ อ เพล่ เฌ๊ นอ, ดี๊ แย้, เมะเว๊ กจุ้แฆว้ อ เพล่ อี้ง นอ, แด โพล้ง เติ้งทางเติ้งล้าง พ้ะดู, แบเด้าะ, แบ ทเม้งเล้ นอ ล ซีงแฌ๊ แบ”

2​ซามูเอง 18:33

กจุ้แฆว้ อ ซ้ะ เฌ๊ฌ้อง น้ะ มะ, ลี้ทาง ลู่ง อ ล่าง ล เช้า แย๊ พี่ อ โอ ป้ะตู๊ง พ๊างคู, ดี๊ ฌาง, พี่ อ เว๊ ไจ ลี้ๆ, ไท้ๆ, อ แค๊ นอ, ไคล้ ไจ้ะเว๊, “โอ้ จ พู อะซาโลง, จ พู, จ พู อะซาโลง-เอ้อ, แย้ จ แบซ้ะ ซี๊ง คิ้ แน้, โอ้ จ พู อะซาโลง, จ พู-เอ้อ”

2​ซามูเอง 18:5

กจุ้แฆว้ อางแบเลา โยอะ, อาบีไช, ดี๊ อิ้ไท ไจ้ะเว๊, “แม้ น จูง โกย้ๆ, ดี๊ น่างบางซ้ะบาง แคว๊ อะซาโลง นอ ล ปี๊, แคว่ ลู่ง แด แย้ จ เมะ ไช้ะ”, ซึ้พู เลาพะ นอ, แน่ฌ๊า ทอางแบเลา พี่ กจุ้แฆว้ โล้ แบ เอะ ซึ้พูมู๊งอคูดู กุ้ อ แฌ้, พี่ แบฆ้ะ ดี๊ อะซาโลง อ กย้อง นอ ปะ ล้อ

2​ซามูเอง 19:1

โพล้ง โล้ เอะ โยอะ ไจ้ะเว๊, “แคว่เซ้อ, กจุ้แฆว้ ฌาง ดี๊ มองแบ อะซาโลง”