2​ซามูเอง 18:19 - Northern Pwo Karen Thai Bible

¹⁹ ซาโด อ พู เมะเว๊, อาฮีมาอ้ะ ไจ้ะเว๊, “เกม๊า จ ไท้ ซยู๊ โล้ โค เอะ กจุ้แฆว้ บี่อี้ง, กแช่ยาเว แม้ช้า-อ้ะ, เกม๊า พ้องไฆวะ ดี๊ อ ดีง อ แด้ อ จูง เย้า”

2​ซามูเอง 18:19 ပူးပေါင်းရင်းမြစ်များ

2​ซามูเอง 15:27

กจุ้แฆว้ ไคล้ ดี๊ โพล้งลื่งเท่ออคู ซาโด ปะ ไจ้ะเว๊, “น เก โพล้งพ้ะเว้เท่อ ล เมะ แบ-อ้า?, เกม๊า น ไท้ นึฆ้าง ไท้ เว่ง พ้า ดี๊ ทมึทพ้า, ดี๊ น พูแคว๊ คี๊ง แฌ้ เมะเว๊, น พู อาฮีมาอ้ะ, ดี๊ โยนาทาง อ พู อาบียาทา นอ

2​ซามูเอง 15:36

แคว่เซ้อ, อ พู คี๊ง แฌ้ โอ พี่ นอ ปะ, เมะเว๊ ซาโด อ พู อาฮีมาอ้ะ ดี๊ โยนาทาง อ พู อาบียาทา, เกม๊า น ซื๊ง เจ่ทาง-อ้ะ เฌ๊ โล้ แบ แย้ ทกุ้ อ เม้ง พี่ น แน่ฌ๊า”

2​ซามูเอง 17:17

เมะ โยนาทาง ดี๊ อาฮีมาอ้ะ นอ, โอคุ้แท๊-อ้ะ ลู่ง เองโรเกง เย้า, เพล่ มืง โอ ล แฌ้, ลี้ โล้ แบ อ ซื๊งเว๊ คี๊ง แฌ้ นอ, เกม๊า อ ซีงแฌ๊, ฌ้อง อ ซื๊งเว๊ คี๊ง แฌ้ นอ, ลี้ โล้ แบ กจุ้แฆว้ ดาเว, เกม๊า อ ซีงแฌ๊, เมะเว๊ อ ซื๊งเว๊ คี๊ง แฌ้ นอ, ลี้ นึฆ้าง เว่ง พ้า เกม๊า โพล้ง แด-อ้ะ ล ซี แบ

2​ซามูเอง 18:20

โยอะ ไคล้ช๊า-อ้ะ ไจ้ะเว๊, “เกม๊า น เก โพล้ง ลี้ โล้ โค เท่อ ล นี้ง แย๊ อี้ง ล ฌี้, ลี้-อ้ะ ลู่ง ไค๊ ล นี้ง โฆะ, เมะ ล นี้ง แย๊ อี้ง นอ, ลี้ โล้ โค เท่อ ล ฌี้ เฆาะ, เมะเว๊ กจุ้แฆว้ อ พูแคว๊ ซี๊ง เย้า”

2​ซามูเอง 18:23

อ เว๊ ไคล้ ช๊า เว๊ ไจ้ะเว๊, “เม้ง ฌี้ๆ, นอ, แย้ จ ม ลี้ ซยู๊”, โยอะ โล้ เอะ-อ้ะ ไจ้ะเว๊, “ลี้ ซยู๊ ไวะ”, อาฮีมาอ้ะ ลี้ ซยู๊ ลู่ง เกล้ ทแด้คู, พะวี่ง โพล้ง คุ้ ล แฌ้ นอ

2​ซามูเอง 18:31

แคว่เซ้อ, โพล้ง คุ้ ล แฌ้ เฌ๊ ท้อง, โพล้ง คุ้ นอ โล้ เว๊ ไจ้ะเว๊, “จ โอ ดี๊ ทโล้ โค ลู่ง อ ฌี้, เฌ๊ โล้ เอะ จ เซงคู กจุ้แฆว้, เมะเว๊ ล นี้ง แย๊ อี้ง, กแช่ยาเว แม้คิ้ แน้, เกม๊า น พ้องไฆวะ ดี๊ กเย่ โพล้ง พี่ อ เฌ้เทิงทาง ดึ้ซึ้ แน้ ลแพ นอ เย้า”

ทอางปฆ้า 10:14

กแช่แยว้ แด เว๊, เอ้อ, กแช่แยว้ แคว่ที๊ง ทน้ะทโน๊ง, ดี๊ ทแบคู่แบโฌ้ เย้า บี่ซุ้ กแช่แยว้ ม แม้ช๊าไท้-อ้ะ โพล้ง พี่ อ ล่างทุ้อซ้ะลโอแบ นอ, อางกีล้าง อ ซ้ะ ดี๊ กแช่แยว้ กแช่แยว้ เก โพล้ง ยู่แคว่แม้ช้า โพล้ง พูฆวี อ แพ่

ทอางปฆ้า 10:18

บี่ซุ้ เกล๊าง ทอเกิ้งอแบ เอะ โพล้ง พูฆวี, ดี๊ โพล้ง พี่ อ แบ ทแคแนแคแก้ บี่ซุ้ กโพล้ง ลู่ง ฌางคูโคล๊งคู, ม ล แม้ ซ้ะเมซ้ะไพล้-อ้ะ ล้าแบ

ทอางปฆ้า 7:6

กแช่ยาเว-เอ้อ, เกม๊าเต้ เฌ้เทิงทาง ดี๊ ทซ้ะทาง เกม๊าเต้ เฌ้เทิงทาง, ดึ้ซึ้ โพล้ง โอเว้งโอก๊าง ดี๊ แย้ อ ทซ้ะทาง พ้ะดู นอ เกม๊า นางทางซ้ะ ลู่ง จ ฌ่าง กแช่แยว้ อางกีล้าง ทต้ะเซ๊ง

ทอางปฆ้า 9:16

กแช่ยาเว เนโพลทาง อ ซ้ะ, เกม๊า โพล้ง ซีงแฌ๊-อ้ะ, พี่ อ ต้ะเซ๊ง เท่อ นอ โพล้งอ้าโพล้งซ๊าง แบ ทดุ้ทเช, ดี๊ ทไพ้ะทแม้, พี่ เฌ๊นี่ ดี๊ อ กแช่ อ จูงล่างคางคู นอฮิ้กาโยง เซ่-ลา

ทอางปฆ้า 9:4

เมะเว๊ กแช่แยว้ เกม๊า เอะ แย้ ทอเกิ้งอแบ, ดี๊ ทโต้ทล้อง กแช่แยว้ ชี๊น้าง โอ ลู่ง อ ล่างชี๊น้าง คู, ดี๊ ต้ะเซ๊ง เท่อ ลู่ง อเกิ้งอแบ

เยเรมี 51:31

โพล้ง ซยู๊ เพล ล แฌ้, ลี้ ซยู๊ ต้องนอง โพล้ง ซยู๊ เพล ล แฌ้ เด้าะ โพล้งไคล้เดิงเท่อ ล แฌ้, ลี้ ซยู๊ ต้องนอง โพล้งไคล้เดิง เท่อ ล แฌ้ เด้าะ บี่ซุ้ โล้ แบ กจุ้แฆว้ ลู่ง บาบีโลง บี่อี้ง น เว่ง แบ ท แม้นี่ก้ะ กุ้ แพ้ เย้า

โรมา 12:19

จ ฌุ้พาง ซีง-เอ้อ, แม้ แก ไท้ เท่อ ล ฌี้, แบเด้าะ เกม๊า กแช่ แยว้ แม้ เตา แม้ แต๊-อ้ะ, อ ไฌ่ บี่ อี้ง ไละ ฌี้ ไละ แอว้ ไจ้ะ เว๊ “แย้ จ ม แม้ แก ไท้ ท อ้า ท ซ๊าง, แย้ จ ม แม้ ช๊า ไท้-อ้ะ, กแช่ แยว้ ไจ้ะ เว๊ บี่ นอ”