2​ซามูเอง 17:29 - Northern Pwo Karen Thai Bible

²⁹ นี๊ จ้าง, ทซูทไย้, แกะ, ดี๊ อซูอไย้เล๊, พี่ นี่แบ เว๊ ดี๊ ทพูแฆ่ น๊างมู๊ง นอ, เกม๊า เอะ ดาเว, ดี๊ อ ซึ้พู พี่ อ โอ ดี๊-อ้ะ ซีงลแพ นอ อาง เว๊, เมะเว๊ อ ซื๊งเว๊ ไจ้ะเว๊, “ซึ้พู ซีงลแพ อี้ง ซู๊อางซ้ะ เท่อ ดี๊ ทไปว้ะ อ ซ้ะ, ดี๊ ซู๊โอ้ ซ้ะ เท่อ โอ ลู่ง แพะคูทเคแกล้”

2​ซามูเอง 17:29 ပူးပေါင်းရင်းမြစ်များ

2​ซามูเอง 16:14

กจุ้แฆว้ ดี๊ อ ซึ้พู เลาพะ พี่ โอ ดี๊-อ้ะ นอ, เฌ๊ ท้อง อ ล่าง ดี๊ ทไปว้ะน่างไปว้ะซ้ะ, โอไปว้ะโอแซ แม้นี่ อไฌ่อแบ้ พี่ นอ ล้อ

2​ซามูเอง 16:2

กจุ้แฆว้ ไคล้ ดี๊ ซีบา ไจ้ะเว๊, “น เฌ๊ โชะ ทลแพ อี้ง แม้ทเล้?”, ซีบา ไคล้ช๊า-อ้ะ ไจ้ะเว๊, “แลว้ ล กู่ง นอ บี่ซุ้ น พู น ลี้ง ม เทา เว๊, กู ดี๊ ทแซ ทคู่ แค๊ นอ, ลู่ง โพล้ง บาง ลแพ นอ ม อาง แบ เว๊, ดี๊ ไซ้ะ ซไบ้ะ แซ ที๊ง นอ, บี่ซุ้ โพล้ง พี่ อ ล้างแช่ล้างเบ้ ลู่ง แพะคูทเคแกล้ ลแพ นอ, ม โอ้ แบ เว๊”

2​ซามูเอง 17:2

จ ม ลี้ คลึ้นี่-อ้ะ, พี่ อ เว๊ ทไปว้ะ ซ้ะ, ดี๊ ล้างแช่ล้างเบ้ ได้ะ อ แค๊ อี้ง, ม ดึ้ เกม๊า อ ซ้ะเม เท่อ ว้ะโทะ เฆาะ, ซึ้พู เลาพะ พี่ โอ ดี๊-อ้ะ ม ไจซยู๊ไฆวะ, แย้ นอ จ ม แม้ซี๊ง ที่ กจุ้แฆว้ นอ ล้อ

ทอางปฆ้า 107:5

ซู๊อาง ซ้ะ เท่อ, ดี๊ ซู๊โอ้ ซ้ะ เท่อ อซื๊งเว๊ อเซิงอซ้ะ นอ, ล้างเพาล้างแช่ ลู่ง แย๊โค๊

ทอางปฆ้า 84:11

เมะเว๊ กแช่ยาเว, กแช่แยว้ นอ, เก มื่ง, ดี๊ เก นางปด้าง กแช่ยาเว เกล๊าง ท แบเมะล้างซ้ะ, ดี๊ ทฆี๊งทแล้ กแช่แยว้ ล ทีง ทอฌี้ ดี๊ โพล้ง พี่ โอม๊าโอเฌ้, ลู่ง ทโต้ทล้อง พ้า นอ, น่างเม้ง แบ

ทอางด้อง 21:26

โพล้ง แน่แฌ่ นอ, แน่แฌ่ เท่อ เลามแน้เลามแช๊ ล้อ แบเด้าะ โพล้งแบกแช่แยว้อซ้ะ นอ, เกล๊าง เท่อ ลทีงลไม แบ

อีซยา 21:14

โพล้ง ค่าง เทมา-เอ้อ เกม๊า แม้นี่ ที๊ง เฌ๊โชะ เอะ โพล้ง พี่ ซู้ โอ้ ซ้ะ เว๊ แม้นี่ กู เฌ๊ ตองช้า โพล้ง โอคุ้ซูง เท่อ

อีซยา 58:7

เมะเว๊ ท อางน้าง น ทอาง เอะ โพล้ง ซู๊อางซ้ะ เท่อ ท เฌ๊ฌ้า โพล้งซยางโพล้งยะ, อเด้าอล่าง ล โอ แบ, เฌ๊ นึฆ้าง เด้า พ้า, ล เมะ แบ-อ้า? ดี๊ ท่อง น แด โพล้ง อล้องอย่าง โบลงโกง นอ, คลึไบ้ะ ทะ อ เว๊ อล้องอย่าง เลา ดี๊ ล โอคุ้ซูงไฆวะ น ซ้ะ ดี๊ นมื่งนแคว๊ แบ, ล เมะ แบ-อ้า?

ลูกา 8:3

ดี๊ น่าง โยฮานา คูซา อ แม๊, คูซา ล แฌ้ อี้ง นอ เก ทอดู แคว่ กจุ้แฆว้ เฮรุ้ อ เท่อ, ดี๊ ซูซานา ดี๊ กมืง อ แฌ้แพ แอ แฌ้, กมืง ล แพ อี้ง เจ่ อ กแช่ อ จี้ ดี๊ อ ฆ้า อ โฆ่ แด เว๊ แม้ช้า กแช่ เยซู ดี๊ อ พู อ ลี้ง

โรมา 12:13

น ด๊างพื่งวี่ พี่ อ เท่อ ล โอ แบ นอ, น แบ อางน้าง เอะ อ เท่อ, น แบ เซิง โพล๊ ซ้ะ โพล๊ ดี๊ โพล้ง พี่ อ เฌ๊ น โอ

1ซามูเอง 17:18

ดี๊ อซูอไย้เล๊ อ ลอง ล ชี๊ง อี้ง, ลี้ โชะ เอะ อ ซื๊งเว๊ อ ซึ้คู นอ ปะ, แคว่-อ้ะ, น วี่ โจ้ โอโบ โอน้ะ บี่จะเล้, ฌ้อง แม้นี่ ทม๊ายื่ง ดี๊-อ้ะ ล น้าง”