2​ซามูเอง 15:14 - Northern Pwo Karen Thai Bible

¹⁴ ฌ้อง ดาเว อางแบเลา เอะ อ กดูกแซย่ พี่ โอ ดี๊-อ้ะ, ลู่ง เยรูซเลง พ้า นอ ไจ้ะเว๊, “เฌ้เทิงทาง เกม๊า ก ไจไฆวะ แดเทา, เมะ ล บี่นอ แบ นอ, เกล้ ม ไจคุ้ซูงไฆวะ อะซาโลง นอ, ล โอ ล้าแบ, ลี้ เมะเพล, ไค๊ไก้ะ แบ อ เว๊ ปชื่ง เฌ๊, ดี๊ ม คลึ้นี่ เฆ้อ, ดี๊ เฌ๊ โชะ ทอ้าทซ๊าง ท้อง เฆ้อ, ดี๊ ม แม้เฌ๊ฌ้อง เว่ง อี้ง ดี๊ น้ะ อ แน่”

2​ซามูเอง 15:14 ပူးပေါင်းရင်းမြစ်များ

2​ซามูเอง 12:11

กแช่ยาเว ไจ้ะเว๊ แคว่เซ้อ, จ ม เกม๊า ทอ้าทซ๊าง กึทาง ดี๊ แน้, เฌ๊ นี่ ดี๊ น กแช่ อ เด้าคูล่างพ้า, ดี๊ ลู่ง น เมะแซ พ้า, จ ม แม้นี่ กเย่ น แม๊ นอ, ลี้ เกม๊า เอะ น ฌุ้พาง, ฌ้อง โพล้ง ล แฌ้ นอ, ม มี๊ง ดี๊ น แม๊ ลแพ นอ เติ้งต้าง’, ”

2​ซามูเอง 15:15

กจุ้แฆว้ อ กดูกแซย่ ไคล้ช๊า-อ้ะ ไจ้ะเว๊, “แคว่เซ้อ, ก เซงคู กจุ้แฆว้ ม ลึนี่ แม้ บี่จะเล้ นอ, กเย่ น เพล่ดู ลแพ อี้ง, ม แม้โพะ เว๊ อ ไค๊ กุ้ อ เม้ง ล้อ”

2​ซามูเอง 19:10

แบเด้าะ, อะซาโลง พี่ ก ต๊างทาง-อ้ะ ม๊า อ โพะคอง เฆ้อ นอ, ซี๊ง ลู่ง ทดึ้ซึ้ พ้า เย้า, ค๊องเนงอี้ง, แบทเล้?, น ซื๊ง ล ไคล้ แบ, ฆ้ะ ดี๊ อางท่าง เกม๊า กจุ้แฆว้ ดาเว เฌ๊ไท้ ไท้ น่าง เม้ง แบ”

2​ซามูเอง 19:9

โพล้งเฌงพูฆ๊างพู เลาพะ นอ, อ ซ้ะ ล พุ้ โละอซ้ะ แบ, เฆ้ง โพล้ง อีซลาเอง กุ้ ชื้อ อ แกล้, อ ซื๊งเว๊ ไจ้ะเว๊, “กจุ้แฆว้ แม้ช้า แบ เฆ้อ, พ้องไฆวะ ดี๊ ก ดีง ก แด้ อ จูง, ดี๊ แม้ช้า เฆ้อ พ้องไฆวะ ดี๊โพล้ง ฟีลีเตีย อ จูง, ค๊องเนงอี้ง, อ เว๊ ไจคุ้ซูงแดไฆวะ อะซาโลง, ไจ ทางแดไฆวะ ที๊งล่างค่างพ้า

ทอางปฆ้า 51:18

เกม๊าเต้ แม้ ทอฌี้ เอะ ซีโยง, ท๊อง น ทย๊างซ้ะ นอ เกม๊าเต้ ไต้ทาง กางแป เยรูซเลง

เอเซเคียง 46:18

แบเด้าะ ท อคูอแน่ ล แบ แม้นี่ก้ะ โพล้งเฌงพูฆ๊างพู อ เท่อ ลู่ง อคองอแซย้ พ้า, ดี๊ ท แคแน เกม๊า อ ไจทางแดไฆวะ ท ล น้าง พี่ เกก้ะ อ ซื๊งเว๊ ซีง ลแพ อ เท่อ นอ น่างเม้ง แบ, ท อคูอแน่ อ ท ล น้าง พี่ เกก้ะ อ กแช่ เว๊ นอ, แบ เกล๊าง เอะ ก้ะ อ พู, บี่ซุ้ กพูกลี้ง ม ล โอ น่างแฌ้ แบ, พี่ แบ ล้างแซยล้างพ้ะไฆวะ ดี๊ ท ล น้าง พี่ เกก้ะ อ เท่อ นอ”

ม้ะทู 11:12

ท๊อง ลู่ง โยฮาง แม้ ท ไฌ่ จูง ที๊ง เฌ๊ โล้ ล้าง ละ ล้าง เท่อ, ท้อง ค๊องมเนง อี้ง, กแช่ แยว้ อ มื่ง อ บ้าง นอ แบ ท ดึ้ซึ้ พ้ะดู, โพล้ง พี่ อ ซ้ะ ดู้ง ล แพ นอ, เฌาโละ ลู่ นี่ เว๊ ล้อ

ลูกา 10:15

เฌง คาฟานาโอง-เอ้อ น ม แบ ท โชะ ทาง ท้อง ท มุ้คู-อ้า, ล เมะ แบ, น ม แบ ท ชาง ล้าง ลู่ง มแนโฮะ พ้า ล โค๊ ล้อ”