2​ซามูเอง 12:16 - Northern Pwo Karen Thai Bible

¹⁶ ดาเว อวีงซ้ะชู้ กแช่แยว้ ลู่ง พืงแซ ล แฌ้ นอ อ ฌ่าง, ดาเว โก้งอาง เท่อ ดี๊ มี๊ง ลู่ง ฌางคู คู, ซ๊างแน้คล้อง ท๊อง ทพ้าง

2​ซามูเอง 12:16 ပူးပေါင်းရင်းမြစ်များ

2​ซามูเอง 12:15

ฌ้อง นาทาง ไท้ ลู่ง อ เด้า ไวะ กแช่ยาเว ดึ้ เกม๊า ดาเว อ พูแคว๊, พี่ อ กึทางนี่ ดี๊ อูรียา อ แม๊ ล แฌ้ นอ ช๊องไก้ น้ะ มะ

2​ซามูเอง 12:22

ดาเว ไคล้ช๊า-อ้ะ ไจ้ะเว๊, “พี่ พืงแซ โอม๊า ได้ะ นอ, จ โก้ง อาง เท่อ ดี๊ จ ฌาง, เมะเว๊, ‘โพล้ง เล้ ม ซีงแฌ๊ เว๊ ซี, แบซีงลู่ง กแช่ยาเว ม ย๊างซ้ะ แบ แย้, เกม๊า พืงแซ นอ โอ ได้ะ’

2​ซามูเอง 13:31

กจุ้แฆว้ เฌ้ เทิงทาง ซย๊างยะ อ ไช๊ อ ช้าง, ดี๊ มี๊งน้าง ฌางคู คู, อกดูกแซย่ เลาพะ นอ, ซุ้ ไช๊ยะช้างเทะ ชี๊เทิง โอ เว๊ ดี๊-อ้ะ

1​กจุ้แฆว้ 21:27

ดี๊ ลู่ง ไค๊ พี่ อาฮะ แน่ฌ๊า กแช่แยว้ อลู่งอแท๊ ลแพ อี้ง นอ, อ เว๊ ซย๊างยะล้าง อ ไช๊, ซุ้ทางก้ะ ตไก้ยะ กเซ้าะ, ดืง อาง เท่อ, มี๊ง ลู่ง ตไก้ยะ กเซ้าะ พ้า, ดี๊ ไจ ลี้ ไจ ไท้ ดี๊ นางแบล้างไท้ ซ้ะ, แม้ เท่อ ไพ้ะ

เนฮะมี 1:4

ท่อง จ แน่ฌ๊า ทไคล้ ลแพ อี้ง นอ, จ ชี๊น้าง ฌาง แบมองแบม้ะ เท่อ ตบลึ้ นี้ง, ดี๊ ดืงอาง เท่อ, ดี๊ ชูแพ อางท่าง เท่อ, ลู่ง กแช่แยว้ พี่ อ โอ ทมุ้คู ล แฌ้ นอ อ เมะแซ พ้า

เอซเทอ 4:16

“ลี้ แดเทา, เกม๊า กุ้ซยอง นี่ โพล้ง ยู เลาพะ, พี่ อางฆื๊ง แด-อ้ะ ลู่ง ซูซา พ้า, ดี๊ ดืงอาง ทอางทโอ้ ลู่ง จ ฌ่าง, เกม๊า อาง เท่อ ดี๊ โอ้ เท่อ ล ฌี้ ซ๊านี้ง, เลา มแน้ เลา มแช๊, แย้ ดี๊ จ เพล่ มืง ม ดืงอาง ทอางทโอ้ บี่ซุ้ดี๊ แน้ ปะ, ฌ้อง นอ จ ม ลี้ฆ้าง โอ กจุ้แฆว้, ทึเมะ อ เก ทลือค๊างพะ ทอางกีล้าง ฌี้ๆ, จ เมะ แบ ซี๊ง ฌี้ นอ, จ ม ซี๊ง ล้อ”

ทอางปฆ้า 50:15

ดี๊ เกม๊า กุ้ทาง เท่อ โล้แบ แย้, ลู่ง มื่งนี้ง ทน้ะทโน้ง แค๊ นอ จ ม แม้พ้องพลิ้ แน้, ดี๊ น ม เทว๊ ทแม้ฆี๊งแม้แล้ เอะ แย้”

ทอางปฆ้า 69:10

พี่ จ ฌาง, ดี๊ ดืงอาง ทอางทโอ้ นอ เกทางก้ะ ทแม้ไฌ๊ซ้ะ แย้

อีซยา 22:12

ดี๊ ล นี้ง แย๊ นอ, ทอดูทึโท๊ทึ กแช่ยาเว พี่ เก ซึ้คู ดูทึชองทึ กุ้นี่ เกม๊า ฌางชูฌางช้าง ดี๊ ฌางล้างย้าล้าง เลา ดี๊ เกม๊า คูฆีง โต้งโล้ง ดี๊ ซุ้ ตไก้ยะ เต่ กเซ้าะ

อีซยา 26:16

จ กแช่ยาเว-เอ้อ, ลู่ง ท น้ะเซิงน้ะซ้ะ อ แค๊ นอ, อ ซื๊งเว๊ อางฆื๊ง กแช่แยว้ อ ซื๊งเว๊ ซีง ลแพ, ชูแพอางท่าง เท่อ พี่ กแช่แยว้ ซองแบซ๊างแบ อ ซื๊งเว๊ นอ

ดานีเอง 6:18

ฌ้อง กจุ้แฆว้ นอ, ไท้ ลู่ง อ บลาง พ้า, โก้ง อาง ทอาง ซ๊างแน้คล้อง, ล เกม๊า เฌ๊โชะ ท มึเซิงมึซ้ะ เทว๊ เอะ-อ้ะ แบ, ดี๊ มี๊ง ล นี่ แบ

ดานีเอง 9:3

ฌ้อง จ แกยฆ้าง จ เมะ ลี้ฌูง ทอดูทึโท๊ทึกแช่แยว้, อางฆื๊ง-อ้ะ ดี๊ ทชูแพอางท่าง, ดี๊ ท อางโฆอางแย๊, เลา ดี๊ ท โก้งอาง ทอาง, ดี๊ ซุ้ ตไก้ยะ กเซ้าะ, ดี๊ ชี๊น้าง พี๊แคล คู

โยนา 3:9

โพล้งเล้ ม ซีงแฌ๊ ซี?, แบซีงลู่ง กแช่แยว้ ม แกยไท้ อ ซ้ะ, ดี๊ เปลงไท้ อ ซ้ะ, แบซีงลู่ง กแช่แยว้ ม แกยไฆวะ อ ซ้ะ ดี๊ ทซ้ะทาง พ้ะดู, บี่ซุ้ ก ล เซงทื่งเฌ๊ฌ้อง แบ”

ท​แม้ 9:9

นี่ ซ๊า นี้ง อ เว๊ แด เท่อ ซี น่าง เม้ง เอะ, อาง มี้ โอ้ ที๊ง น่าง พ๊า เอะ

โยชูวา 7:6

โยชูวา ซย๊างยะ ล้าง อ ไช๊ อ ช้าง ซย๊องล้าง อ ซ้ะ, อ เมะ ท้องล้าง ฌางคู คู, ลู่ง กแช่ยาเว อ ไฮะ อ เมะแซ พ้า ท้อง มื่งแฌล้างโค๊, เลา ดี๊ อ เว๊ ดี๊ โพล้ง อีซลาเอง อเม้งอแซย่, พ๊า ทาง ฌางคู มูง ลู่ง อ คู ล้อง