2​ซามูเอง 12:11 - Northern Pwo Karen Thai Bible

¹¹ กแช่ยาเว ไจ้ะเว๊ แคว่เซ้อ, จ ม เกม๊า ทอ้าทซ๊าง กึทาง ดี๊ แน้, เฌ๊ นี่ ดี๊ น กแช่ อ เด้าคูล่างพ้า, ดี๊ ลู่ง น เมะแซ พ้า, จ ม แม้นี่ กเย่ น แม๊ นอ, ลี้ เกม๊า เอะ น ฌุ้พาง, ฌ้อง โพล้ง ล แฌ้ นอ, ม มี๊ง ดี๊ น แม๊ ลแพ นอ เติ้งต้าง’, ”

2​ซามูเอง 12:11 ပူးပေါင်းရင်းမြစ်များ

2​ซามูเอง 15:10

แบเด้าะ, อะซาโลง โซ๊ง คุ้ซูง โพล้ง ลี้ แคว่ฌูง เท่อ, ลี้ เฆ้ง โพล้ง อีซลาเอง กุ้ ชื้อ อ แกล้, เกม๊า เว๊ อ โล้ เท่อ บี่อี้ง, “น ซื๊ง เมะ แน่ฌ๊า ควี้ ทโน้ง อ ลู่ง เซ๊ ตแค๊ เล้ นอ, เกม๊า โล้ โละซ้ะ บี่อี้ง, ‘อะซาโลง เก กจุ้แฆว้ ลู่ง เฮโบรง พ้า’, ”

2​ซามูเอง 15:14

ฌ้อง ดาเว อางแบเลา เอะ อ กดูกแซย่ พี่ โอ ดี๊-อ้ะ, ลู่ง เยรูซเลง พ้า นอ ไจ้ะเว๊, “เฌ้เทิงทาง เกม๊า ก ไจไฆวะ แดเทา, เมะ ล บี่นอ แบ นอ, เกล้ ม ไจคุ้ซูงไฆวะ อะซาโลง นอ, ล โอ ล้าแบ, ลี้ เมะเพล, ไค๊ไก้ะ แบ อ เว๊ ปชื่ง เฌ๊, ดี๊ ม คลึ้นี่ เฆ้อ, ดี๊ เฌ๊ โชะ ทอ้าทซ๊าง ท้อง เฆ้อ, ดี๊ ม แม้เฌ๊ฌ้อง เว่ง อี้ง ดี๊ น้ะ อ แน่”

2​ซามูเอง 15:6

อะซาโลง แม้ เท่อ บี่อี้ง, เอะ โพล้ง อีซลาเอง กุ้ แฌ้, พี่ อ เฌ๊ฆ้าง โอ กจุ้แฆว้, บี่ซุ้ อางท่าง เว๊ ม๊า อ ต้ะเซ๊ง เอะ อ เท่อ, อ กย้อง บี่นอ, อะซาโลง น้า กเย่ โพล้ง อีซลาเอง นอ อ ซ้ะ

2​ซามูเอง 16:11

ดาเว ไคล้ ดี๊ อาบีไช, ดี๊ อ กแช่ อ กดูกแซย่ เลาพะ นอ ไจ้ะเว๊, “แคว่เซ้อ, จ กแช่ อ พู เท่งซ้ะ เต้ๆ, เฌาโละ ม แม้นี่ จ ทโอม๊า ได้ะ, แบทเล้?, โพล้ง เบงยามีง ล แฌ้ อี้ง ล แม้ เว๊ แบ, แคว่-อ้ะ บละ, เกม๊า อ ชูอ้า แด เว๊, เมะเว๊ กแช่ยาเว โล้ เอะ-อ้ะ เย้า

โยบา 31:10

เกม๊าเต้ จ แม๊ ไฌะบลิ้ ฌื๊งไน้ะ เอะ โพล้ง อ แฌ้แพ ดี๊ เกม๊า โพล้ง อ แฌ้แพ ซย๊องล้าง อ ซ้ะ เคล้เท่งล้าง-อ้ะ

เอเซเคียง 14:9

ดี๊ โมไคล้คิ้ เท่อ เมะ แบ ท โก้ไละ เกม๊า ไคล้ ทไคล้ ล ทีง แบ ล ทีง, เฆ้อ เมะเว๊ ยาเว, นี่ โก้ไละ โมไคล้คิ้ เท่อ ล แฌ้ นอ, ดี๊ ก ม เยาฆ้าง ก จูง ดึ้ซึ้-อ้ะ, ดี๊ ม แม้เฌ๊ฌ้องไฆวะ-อ้ะ ลู่ง กพูกลี้ง อีซลาเอง อซุ้อแกล้ พ้า

โล้​ล้างที๊ง​ทอางแม้เลา 17:17

ดี๊ เกม๊า อ เว๊ อ แม๊ โอ แอ ล ฌี้, บี่ซุ้ อเซิงอซ้ะ ม ล แกยไฆวะ อ ซ้ะ แบ ดี๊ เกม๊า อ โอ ดี๊ จี้, โอ ดี๊ ท๊อง, เก อ กแช่ เว๊ โอ แอฌี่งแอฌ้อง ล ฌี้

โล้​ล้างที๊ง​ทอางแม้เลา 28:30

น ม อางด้าง โพล้ง มืง ล แฌ้ เก น แม๊, ดี๊ โพล้ง แคว๊ อ แฌ้แพ, ม ลี้ นึฆ้าง มี๊ง เว๊ ดี๊-อ้ะ, น ม ไต้ทาง เด้า, แบเด้าะ น ล นี่ โอ แบ อ พ้า แบ, น ม เซิง โซ๊ง ซไบ้ะ แซ, แบเด้าะ น ล นี่ อางชุ้ อซูงอแซ แบ