2​กจุ้แฆว้ 18:9 - Northern Pwo Karen Thai Bible

⁹ ดี๊ โอก้ะ ลู่ง ไค๊ ลี่ง เนง ล เนง พ้า, ลู่ง กจุ้แฆว้ เฮเซคียา อ ชู้ แค๊, พี่ เก เนว๊ เนง ล เนง ลู่ง เอลา กจุ้แฆว้ ค่าง อีซลาเอง อ พู, เมะเว๊ โฮเชยา อ ชู้ แค๊ นอ, แชมาเนเซอ กจุ้แฆว้ ค่าง อะซีเรีย เฌ๊ทาง ดึ้ซึ้ โละซ้ะ ดี๊ โพล้ง ซมาเรีย, ดี๊ พ้องวะทะ เว่ง

2​กจุ้แฆว้ 18:9 ပူးပေါင်းရင်းမြစ်များ

2​กจุ้แฆว้ 18:1

โอก้ะ ลู่ง ไค๊ ลู่ง ซ๊า เนง ล เนง พ้า, ลู่ง ยาเอลา อ พู โฮเชยา กจุ้แฆว้ ค่าง อีซลาเอง อ ชู้ แค๊ นอ, อาฮ้ะ กจุ้แฆว้ ค่าง ยูดา อ พูแคว๊ เฮเซคียา ทาง โพะคอง เท่อ

อีซยา 36:17

ท้อง ลู่ง ก ม เฌ๊, ดี๊ ม ลี้ฌ้า น ซื๊ง ซีง ลแพ, ลี้ ลู่ง ที๊งล่างค่างพ้า, พี่ อ บี่ซุ้ดี๊ น กแช่ อ ที๊งล่างค่างพ้า แด เว๊, เมะเว๊ ที๊งล่างค่างพ้า พี่ โอ ดี๊ บืง, ดี๊ ไซ้ะ ซไบ้ะแซ ที๊ง, ที๊งล่างค่างพ้า พี่ โอ ดี๊ กู ดี๊ โซ๊ง ซไบ้ะแซ

เยเรมี 50:17

“อีซลาเอง เก บี่ซุ้ดี๊ แกะ พี่ อ แบ คี๊ยื่ง ล้องช่อง-อ้ะ, อ ต้องคู ล พ๊า นอ, กจุ้แฆว้ อะซีเรีย อาง-อ้ะ, ลู่ง ไค๊ ทึ อี้ง, เนบูคาเนซา กจุ้แฆว้ ลู่ง บาบีโลง ไอลู่ อาง อฆีงอเกว้

โฮเชยา 10:14

อกย้องบี่นอ, ทดึ้ทชาง อ ลู่ง ม กึทาง ลู่ง น โพล้ง อ ชื้อ อซุ้อแกล้ น ทล่างทุ้กดื้งซ้ะ เลาพะ นอ, ม แบ ทแม้ เฌ๊ฌ้อง ด้องซุ้ กจุ้แฆว้ ชางมาง, แม้เฌ๊ฌ้อง เว่ง เบทาเบง, ลู่ง ทดึ้ทชาง อ มื่งนี้ง พ้า มู่ แบ ท เป้ล้าง, ล้างบลิ้ล้างเนา ล พ๊าฆ่าง ดี๊ อ พู

มีคา 1:6

ทบี่นอ, ก ม ดึ้ เกม๊า ซมาเรีย เก ท แค่เทาแค่ไช้ะ อ โป้ง โอ ลู่ง ทเคแกล้ เก ทล่าง ลู่ง แม้ โซ๊ง เซิง ซไบ้ะแซ อ ฌ่าง ก ม ลู๊งล้าง เว่ง นอ อ โล่ง ลู่ง ทลู่ง คางไท้ะ ก ม ปล้ะล้าง เกม๊า แด เว่ง อ คางไท้ะ