2​โคเรง 9:7 - Northern Pwo Karen Thai Bible

⁷ โพล้ง กุ้ อ แฌ้ แบ เกล๊าง บี่ ซุ้ อ ช๊องมอง เว๊ ลู่ง อ ซ้ะ พ้า นอ, แบ เกล๊าง ดี๊ อ ซ้ะ โพล๊, ล เมะ โพล้ง แคแน-อ้ะ แบ, อ ไฌ่ บี่ อี้ง กแช่ แยว้ เอ โพล้ง พี่ อ เกล๊าง เท่อ ดี๊ ท เซิง มึ ซ้ะ มึ

2​โคเรง 9:7 ပူးပေါင်းရင်းမြစ်များ

1​ทกวิ้ไน 29:17

จ กแช่แยว้-เอ้อ, แย้ จ ซีงแฌ๊-อ้ะ, แน้ น กว้ะแคว่ดุ้ เซิงซ้ะ, ดี๊ แบ น ซ้ะ ดี๊ ทอโต้อล้อง, เมะ แย้ นอ จ เทว๊ ทลแพ อี้ง เลาพะ ดี๊ จ ทซ้ะ โอ, ทเซิงเท่งซ้ะโต้, ดี๊ ค๊องเนงอี้ง นอ, จ เซิงมึซ้ะมึ พี่ จ แด แบ น พู น ลี้ง พี่ อ โอ พี่ อี้ง, อ ซื๊งเว๊ อ ซ้ะ โอ, พี่ ม เทว๊ เท่อ ดี๊ ทเซิงฆวี๊งซ้ะโย้ เอะ แน้

1​ทกวิ้ไน 29:9

ฌ้อง โพล้งเฌงพูฆ๊างพู ซ้ะอวีงซ้ะโทะ, เมะเว๊ อ ซื๊ง เทว๊ ทลแพ อี้ง ดี๊ อ ซ้ะโอ แด เว๊, เมะเว๊ อ ซื๊ง เทว๊ เอะ กแช่ยาเว ดี๊ ทแบซ้ะ เทว๊ เว๊, กจุ้แฆว้ ดาเว ซีง ซ้ะอวีงซ้ะโทะ ดู มะ ปะ ล้อ

ทไจทางไฆวะ 25:2

“โล้ เอะ โพล้ง อีซลาเอง นอ เกม๊า อ เฌ๊ โชะ ทฆ้าทโฆ่ เทว๊ เอะ แย้, แม้นี่ เท่อ ดี๊ โพล้ง พี่ อ แบซ้ะ เทว๊ เว๊ ลแพ นอ กุ้ แฌ้

ทไจทางไฆวะ 35:5

เกม๊า ฮะนี่ เอะ กแช่ยาเว ทเทว๊ ลู่ง น ซื๊งซีง อ แกล้, โพล้ง พี่ แฌ้ เล้ พี่ อ ซ้ะ โพล๊ นอ, เกม๊า โพล้ง ล แฌ้ นอ เฌ๊ โชะ เท่อ เทว๊ เอะ กแช่ยาเว เมะเว๊ ท๊อง, จี้, ดี๊ ท่องบ้าง

ทอางด้อง 11:25

โพล้ง พี่ เซิงโพล๊ซ้ะโพล๊ นอ, เกทางเกโท๊ โพล้ง พี่ เกล๊าง เอะ โพล้ง อ ที๊ง นอ, นี่แบ ไท้ ที๊ง ล้อ

ทอางด้อง 22:9

โพล้ง ซ้ะโพล๊ ม นี่แบ ทชูฌี้ชูแอว้ เมะเว๊ อ เว๊ อางน้าง อ ทอาง เอะ โพล้งซยาง

อีซยา 32:5

อ เว๊ ม ล กุ้ โพล้ง เซ๊กูเฌ๊ฌ้อง ไจ้ะเว๊ โพล้ง คูดูโมะโท๊-อ้า กุ้ โพล้ง ลกลุ้ลจ้ะ แบ ไจ้ะเว๊ เก โพล้ง ล้าง ทื๊งแบนะแบ-อ้า ล้า แบ

อีซยา 32:8

แบเด้าะ โพล้ง พี่ อ คูดูโมะโท๊ นอ, แม้ ที่ เท่อ อดูอโท๊ อ เว๊ โอม๊า ดี๊ เท่อ พี่ อดูอโท๊ ล้อ

ท​แม้ 20:35

จ ปล้ะ ล้าง เอะ น ซื๊ง อ ด้อง กุ้ อ เม้ง เย้า, ก แบ แม้ เท่อ น้ะ บี่ นอ, ก แบ แม้ช้า โพล้ง ลู่ง อ ไฌ่ แช่ แบ้ แช่ ล แพ นอ, นาง แบ ทาง ไท้ กแช่ เยซู อ ท ไคล้ พี่ อ ไจ้ะ เว๊, ‘ก เกล๊าง เอะ โพล้ง อ เท่อ ล โค๊ นอ, เก ทาง ท มึ เซิง มึ ซ้ะ ลู่ง ก ฌ่าง ดู นี่ ก นี่ แบ เท่อ ล โค๊ ล้อ’, ”

โรมา 12:8

โพล้ง พี่ แม้ ชอง ทาง โพล้ง อ ซ้ะ ซี นอ, แบ แม้ ล้อ, โพล้ง พี่ อ เกล๊าง เอะ โพล้ง อ เท่อ นอ, แบ เกล๊าง ดี๊ ท เซิง โพล๊ ซ้ะ โพล๊ ล้อ, โพล้ง พี่ อ ยู่แคว่ เท่อ นอ, แบ ยู่แคว่ เว๊ เมาน่าง ล้อ, โพล้ง พี่ อ ย๊างเซิง ย๊างซ้ะ แบ โพล้ง อ แฌ้แพ นอ, แบ แม้ เว๊ ดี๊ ท เซิง มึ ซ้ะ มึ ล้อ

2​โคเรง 8:12

น ซื๊ง เมะ แบ ซ้ะ เกล๊าง เท่อ นอ, กแช่ แยว้ ม ฮะ นี่ เว๊ ท๊อง ล แฌ้ๆ, อ เท่อ โอ นอ, เมะ ล โอ แบ นอ กแช่ แยว้ ล ไจ้ะ-อ้ะ แบ

โล้​ล้างที๊ง​ทอางแม้เลา 15:14

เกม๊า น โอ ดี๊ ท ซ้ะโพล๊, แด้ เว้ เอะ อ เท่อ, เก ท พี่ อ เฌ๊นี่ ลู่ง น แมะ, น แกะ, น๊างมู๊ง พ้า, เฌ๊นี่ ลู่ง น ทล่าง เพา บืง, ดี๊ เฌ๊นี่ ลู่ง น ทล่าง ไย่ ซไบ้ะแซ ที๊ง พ้า, เกม๊า น เกล๊าง เอะ-อ้ะ, บี่ซุ้ดี๊ กแช่ยาเว น กแช่แยว้ ชูฌี้ชูแอว้ แบ แน้ นอ ล้อ

ฟีเลโมง 1:14

แบเด้าะ จ ล แบ ซ้ะ แคแน น แม้ช้า แย้ แบ, น เมะ แม้ ดี๊ เซิง ดี๊ ซ้ะ นอ ฌี้ ล โค๊, ท บี่ นอ, จ ม แม้ ที่ น อืงล้าง ม แม้-อ้ะ นอ ล้อ

ยาเก้า 5:9

ด๊างพื่งวี่ ซีง-เอ้อ, เอ้งไฌ้ โละ น ซื๊ง ซ้ะ ล ฌี้, บี่ ซุ้ กแช่ แยว้ ล ต้ะเซ๊ง น ซื๊ง แบ, โพล้ง พี่ อ ม ต้ะเซ๊ง เท่อ ล แฌ้ นอ, ชี๊เทิง โอ เบ้า ดี๊ เกล้ พ้าแย๊ เย้า

1เปโต 4:9

น ซื๊ง แบ ตองช้า ฮะช้า โละ ซ้ะ, ลื่ง อาง ลื่ง โอ้ โละ ซ้ะ, พี่ น แม้ บี่ อี้ง นอ เอ้งไฌ้ เท่อ ล ฌี้