2​โคเรง 7:6 - Northern Pwo Karen Thai Bible

⁶ แบเด้าะ โพล้ง พี่ อ ซ้ะ ล้างท่อง นอ, กแช่ แยว้ แม้ ชอง ทาง เอะ-อ้ะ, ดี๊ แม้ ชอง ทาง เอะ ก ซ้ะ ปะ พี่ ทีโต เฌ๊ ฌู เฆ้อ

2​โคเรง 7:6 ပူးပေါင်းရင်းမြစ်များ

อีซยา 12:1

ล นี้ง แย๊ นอ, น ม ไจ้ะ บี่อี้ง “จ กแช่ยาเว-เอ้อ, จ ม ไจ้ะบลึ้ แน้ อไฌ่บี่อี้ง, ทึเมะ น ซ้ะทาง พ้ะดู ดี๊ แย้ ฌี้ นอ น ท ซ้ะทาง นอ แกยไท้ อ ซ้ะ เย้า ดี๊ น แม้ มึทาง จ ซ้ะ

อีซยา 51:12

“เฆ้อ ล้อ, เมะเว๊ เฆ้อ อี้ง ล้อ, พี่ แม้ ชองทาง น ซ้ะ แน้ น เก โพล้งเล้, พี่ ซ้ะเม กโพล้ง พี่ อ แบ ซี๊ง เมะเว๊ ซ้ะเม กโพล้ง พี่ แบ ท ดึ้ เกม๊า อ เก บี่ซุ้ดี๊ นาง?

อีซยา 57:15

กแช่แยว้ พี่ อ ดู อ โท๊, ดี๊ ดูทึโท๊ทึ พี่ โอม๊า ล้างชู้ล้างแกย นอ, อ เม้ง เมะเว๊ ทฌี้ทแอว้, ไจ้ะเว๊ บี่อี้ง “เฆ้อ ก โอ ลู่ง ทล่าง พี่ อ โท๊, ดี๊ อฌี้อแอว้ ดี๊ โอ ดี๊ โพล้ง พี่ นางล้างแบไท้ อ ซ้ะ ไพ้ะ, ดี๊ โอ ดี๊ วีงแล้ พี่ ชางล้าง อ ซ้ะ บี่ซุ้ แม้ ชองทางไท้ โพล้ง ชางล้าง ซ้ะ อวีงอแล้ ดี๊ แม้ ชองทางไท้, โพล้ง นางล้างแบไท้ ซ้ะ ไพ้ะ อเซิงอซ้ะ

อีซยา 57:18

ก แด แบ อ เกล้ เย้า, แบเด้าะ ก ม แม้ ก้องแย่ ไท้-อ้ะ ก ม ลี้ฌ้า-อ้ะ, ดี๊ แม้ ชองทางไท้ อ ซ้ะ ดี๊ แม้ ชองทางไท้ อ โพล้ง มองแบม้ะแบ เท่อ อ ซ้ะ

เยเรมี 31:13

ฌ้อง โพล้ง มืงน้าง เช๊งเกล้ง ม ซ้ะอวีงซ้ะโทะ ลู่ง ท เฌ้เทิงลี่ง พ้า เลา ดี๊ โพล้ง น่างบางซ้ะบาง, ดี๊ โพล้ง ซ้ะแซย่ นอ, ม เซิงฆวี๊ง ซ้ะโย้ ล้อ ก ม เปลงไฆวะ อ ท เมะมองแน๊อึ้, เกม๊า อ เกก้ะ ท เซิงฆวี๊งซ้ะโย้ ก ม อางเลว๊-อ้ะ, ดี๊ เกม๊า ท ซ้ะอวีงซ้ะโทะ เอะ-อ้ะ, เท่งก้ะ ท แบมองแบม้ะ

ม้ะทู 5:4

โพล้ง พี่ อ แบ มอง แบ ม้ะ เท่อ นอ, โอ ดี๊ ท มึ ท พ้า เมะ เว๊ กแช่ แยว้ ม แม้ มึ ทาง เอะ อ เซิง อ ซ้ะ ล้อ

โยฮาง 14:16

จ ม อางท่าง เท่อ ดี๊ จ แพ่, ฌ้อง อ เว๊ แด ม เกล๊าง เอะ น ซื๊ง โพล้ง แม้ช้า เท่อ ล แฌ้ แด เด้าะ, อ เว๊ นอ ม โอ ดี๊ น ซื๊ง ครึๆ, ล้อ

โรมา 15:5

เกม๊า กแช่ แยว้ พี่ อ เก ท เอ้า เซิง เอ้า ซ้ะ ดี๊ ท เซิง ชอง ซ้ะ ชอง อ กแช่ ล แฌ้ นอ, แม้ช้า น ซื๊ง โอ ฆู๊ง โอ พุ้ โละ ซ้ะ พี่ น แม้ บี่ ซุ้ กแช่ เยซู คริ้

2​โคเรง 7:13

ลู่ง อ กย้อง บี่ นอ ก โอ ดี๊ ท เซิง ชอง ซ้ะ ชอง, ล เมะ ที่ ท เซิง ชอง ซ้ะ ชอง ล เม้ง แบ, แบเด้าะ ก ซ้ะอวีง ซ้ะโทะ แอ นี่ อ นอ ได้ะ, พี่ ทีโต อ เซิง ฆวี๊ง ซ้ะ โย้ ลู่ง น ซื๊ง กุ้ อ แฌ้ เกม๊า อ เซิง มึ ซ้ะ มึ

2​โคเรง 7:14

จ อางปฆ้า น ซื๊ง ลู่ง ทีโต อ เมะแซ พ้า, ฌ้อง จ ล แบ ฌางแช้ ล้าง จ ซ้ะ แบ, ท กุ้ อ เม้ง พี่ ก โล้ เอะ น ซื๊ง เก ท เมะ ท โต้ บี่ จะ เล้ นอ, เท่อ พี่ ก อางปฆ้า น ซื๊ง ลู่ง ทีโต อ เมะแซ พ้า อู้ง นอ, เนโพล ทาง อ ซ้ะ เก ท ที๊ง ท โต้ บี่ นอ ปะ ล้อ

2​โคเรง 7:7

ล เมะ ที่ ทีโต เฌ๊ ล เม้ง แบ พี่ อ เกม๊า ก ซ้ะ มึ ทาง นอ, แบเด้าะ ลู่ง น ซื๊ง ไคล้ ชอง ทาง อ ซ้ะ ปะ, อ เว๊ โล้ แบ แย้ ไจ้ะ เว๊ น ซื๊ง ย้า แบ แย้, น ซ้ะ เฌ๊ฌ้อง ดี๊ น ซู๊ โอ ซ้ะ ล แพ้ ฆ่าง ดี๊ แย้, ท บี่ นอ ค๊องเนง อี้ง จ เซิง มึ ซ้ะ มึ แอ เด้าะ

ฟีลิ้ปี 2:1

พี่ น ซื๊ง โอ ลู่ง กแช่ เยซู คริ้ อ ซุ้ นอ น ชอง ทาง ไคล๊ ทาง, กแช่ เยซู คริ้ อ ท เอ ท กวี้ง แม้ มึ ทาง น ซื๊ง ซ้ะ, น นึ ฆึ ดี๊ วีง ฌี้ แล้ แอว้, น ย๊างเซิง ย๊างซ้ะ ดี๊ เซิง ฌี้ ซ้ะ ช้า โละ ซ้ะ

1​เทซาโลนีเก 3:2

ฌ้อง ก โซ๊ง ก ด๊างพื่งวี่ ทีโมเท, พี่ อ แม้ ซกุ้ กแช่ แยว้ อ เท่อ ดี๊ เฆ้อ, ลู่ง ท โล้ ล้าง ท ฌี้ อ ไฌ่ แบฆ้ะ ดี๊ กแช่ เยซู คริ้, ก โซ๊ง-อ้ะ เกม๊า อ แม้ ชอง ทาง น ซื๊ง เซิง ซื๊ง ซ้ะ, ดี๊ แม้ เฌิ่ง ทาง ค๊า ทาง น ซื๊ง ท ชู่ง ท นะ