2​โคเรง 2:7 - Northern Pwo Karen Thai Bible

⁷ ท บี่ นอ, น ซื๊ง ซีง เกิ้ง ลู่ง ล ทื๊ง นี่ นะ นี่ โพล้ง ล แฌ้ นอ ล้า แบ, เกม๊า น แม้ ชอง ทาง อ เซิง อ ซ้ะ ล โค๊, บี่ ซุ้ อ เว๊ อ ซ้ะ ล เฌ๊ฌ้อง น้ะ กชุ้ แบ

2​โคเรง 2:7 ပူးပေါင်းရင်းမြစ်များ

ทอางปฆ้า 124:3

ฌ้อง อซื๊งเว๊ ม อางยื่งคล่อง ม๊า เฆ้อ พี่ อซื๊งเว๊ อ ทซ้ะทาง ซยุ้ทาง แบ เฆ้อ นอ

ทอางปฆ้า 21:9

ท่อง อ โพลทาง นอ กจุ้แฆว้ ม ดึ้เกม๊า อซื๊งเว๊ ซีงลแพ, เก ด้องซุ้ มีอ้า อ ล่าง กแช่ยาเว, ม อางยื่งคล่อง-อ้ะ ดี๊ ทซ้ะทาง ดี๊ มี ม อาง เฌ๊ฌ้องไฆวะ-อ้ะ

ทอางปฆ้า 57:3

กแช่แยว้ ม โซ๊ง ทแม้ช้า เฌ๊นี่ ลู่ง ทมุ้คู, ดี๊ แม้ช้า แย้, เกม๊า พ้องพลิ้ กแช่แยว้ ม เกม๊า โพล้ง, พี่ ไย่เละค๊างพะ แย้ นอ, ฌางแช้ฌางเดเซ่-ลา กแช่แยว้ ม โซ๊ง, ทเอทกวี้ง พี่ อเฌิ่งอค๊า, ดี๊ ทโต้ทล้อง นอ, เฌ๊ล้าง

ทอางด้อง 1:12

ม๊า ก อางยื่งคล่อง ม๊า อ ซื๊งเว๊, ด้องซุ้ พลื่งค่าง อางยื่งคล่อง-อ้ะ น๊างแฌ้, ด้องซุ้ โพล้ง ลแพ นอ, พี่ อ ล้าง ลู่ง ทซี๊ง พ้า

ทอางด้อง 17:22

เซิงฆวี๊งซ้ะโย้ นอ, เก ทซีง ลู่ง อ ฌี้ แบเด้าะ ซ้ะเฌ๊ฌ้อง นอ, ดึ้ เกม๊า ฆีงเกว้ ไฆ๊

อีซยา 28:7

อ ซื๊งเว๊ ล แพ อี้ง, ว้างมื่งว้างไร้ะไฆวะ ดี๊ ไซ้ะ ซไบ้ะแซ ที๊ง บี่ซุ้ โละซ้ะ ปะ ดี๊ เด้งเค๊งแดฆ้าง ดี๊ ไซ้ะที๊งมี่จ้าง โพล้งลื่งเท่ออคู ดี๊ โมไคล้คิ้กแช่แยว้ นอ, ว้างไร้ะว้างพาง ดี๊ ไซ้ะที๊งมี่จ้าง อ ซื๊งเว๊ ลแพ นอ, คูเยิ้งแน่เยิ้ง ดี๊ ไซ้ะ ซไบ้ะแซ ที๊ง อ เว๊ เด้งเค๊งแดฆ้าง ดี๊ ไซ้ะที๊งมี่จ้าง อ ซื๊งเว๊ แด ท แด เว้ ลเมะลโต้ แบ อ เว๊ บึ้ทะ ลู่ง ท ต้ะเซ๊ง พ้า

1​โคเรง 15:54

พี่ ท อ อี้ง เก ทาง นอ, ม บี่ ซุ้ ไละ ฌี้ ไละ แอว้ โล้ เว้ เว๊ “ท ซี๊ง แบ ท แม้ เฌ๊ฌ้อง-อ้ะ เย้า, แบ ท แม้ น้า-อ้ะ เลา ปะ เย้า”

2​โคเรง 2:8

ท บี่ นอ, จ อวีงซ้ะชู้ น ซื๊ง เกม๊า อ ซีงแฌ๊ เว๊ น ซื๊ง เอ-อ้ะ เต้ๆ

2​โคเรง 5:4

เฆ้อ พี่ ก โอ ลู่ง เด้า ฌางคู โคล๊ง คู อี้ง ได้ะ นอ, ก แซ วี๊ง แซ ซยู ลู่ง ท น้ะ ท โน๊ง อ กย้อง, ล เมะ ก แบ ซ้ะ โอ โปล้ๆ, แบ, แบเด้าะ ก แบ ซ้ะ เค่งฌ้าง พี่ อ เฌ๊ เว๊ ลู่ง มุ้คู, บี่ ซุ้ ท ม๊า ล้างชู้ ล้างแกย ม เปลง ไฆวะ ก ล้อง ก ย่าง พี่ อ ซี๊ง ซี นอ

2​โคเรง 7:10

ซ้ะ เฌ๊ฌ้อง พี่ อ แบ กแช่ แยว้ อ ซ้ะ นอ, เกม๊า ก เปลง ไท้ ซ้ะ อ ซ๊าง ดี๊ ลี้ ฌ้า เฆ้อ ลู่ง ท พ้อง ท พลิ้, อ นอ, ก ซ้ะ ล เฌ๊ฌ้อง แบ, แบเด้าะ ซ้ะ เฌ๊ฌ้อง ลู่ง ฌางคู โคล๊ง คู ล โค๊ นอ, ลี้ ฌ้า โพล้ง ลู่ง ท ซี๊ง ล้อ

เอเฟโซ 4:32

แบเด้าะ แบ โอ ดี๊ ท ย๊างเซิง ย๊างซ้ะ ดี๊ ท เซิงช้า ซ้ะช้า โละ ซ้ะ, ทื๊ง นี่ นะ นี่ โละ ซ้ะ ล ฌี้, บี่ ซุ้ กแช่ แยว้ ล ทื๊ง นี่ นะ นี่ น ซื๊ง แบ ปะ ลู่ง กแช่ เยซู คริ้ อ กย้อง นอ ล้อ

ฟีลิ้ปี 2:27

เมะ เย้า, อ เว๊ ล เก แบ เบ้า ม ซี๊ง เย้า, แบเด้าะ กแช่ แยว้ ย๊างเซิง ย๊างซ้ะ แบ-อ้ะ, ล เมะ ที่ ย๊างซ้ะ อ เว๊ ล แฌ้ แบ, ย๊างซ้ะ แบ แย้ ปะ, ล เกม๊า จ ซ้ะ เฌ๊ฌ้อง แอ นี่ อี้ง แบ

โคโลซี 3:13

ฌ้อง น ซื๊ง แบ เอ้า ซ้ะ โละ ซ้ะ, โพล้ง เมะ แม้ ไพ้ะ แม้ แม แบ น ซื๊ง นอ ทื๊ง นี่ นะ นี่-อ้ะ ล ฌี้, บี่ ซุ้ ดี๊ กแช่ เยซู คริ้ ล ทื๊ง นี่ นะ นี่ น ท ไพ้ะ ท แม แบ ปะ ล้อ

1​เทซาโลนีเก 4:13

ก ด๊างพื่งวี่ ซีง-เอ้อ, ก แบ ซ้ะ เกม๊า น ซื๊ง ซีงแฌ๊ ท เมะ ท โต้ แบฆ้ะ ดี๊ โพล้ง พี่ อ ซี๊ง ไฆวะ เย้า, บี่ ซุ้ น ล แบ มอง แบ ม้ะ แบ, ดี๊ ซ้ะ ล เฌ๊ฌ้อง ล้างโฌ่ โพล้ง อ แฌ้แพ ลู่ง อ ท มื้งแล่ ล โอ แบ นอ แบ

2​เทซาโลนีเก 3:6

ด๊างพื่งวี่ ซีง-เอ้อ, ลู่ง ก กแช่ เยซู คริ้ อ เม้ง นอ ก อางแม้เลา น ซื๊ง บี่ อี้ง, แม้ แบฆ้ะ ล้าง น ซ้ะ ดี๊ ด๊างพื่งวี่ เกิง ดี๊ ล แม้ โพะ ก ท ซอง อ ไค๊ แบ ล แพ นอ ล ฌี้