1​เทซาโลนีเก 5:14 - Northern Pwo Karen Thai Bible

¹⁴ ก ด๊างพื่งวี่ ซีง-เอ้อ, ก อวีงซ้ะชู้ น ซื๊ง เกม๊า น โล้ เอะ โพล้ง เกิง ล แพ นอ อ เท่อ, เกม๊า น แม้ ชอง ทาง โพล้ง พี่ อ ซ้ะ ล้างท่อง, แม้ช้า โพล้ง ลู่ง อ ไฌ่ แช่ แบ้ แช่, ดี๊ น แบ เอ้า เซิง เอ้า ซ้ะ ดี๊ โพล้ง กุ้ อ แฌ้

1​เทซาโลนีเก 5:14 ပူးပေါင်းရင်းမြစ်များ

อีซยา 40:11

กแช่แยว้ ม ลื่ง อ แกะ น๊างมู๊ง, บี่ซุ้ดี๊ โพล้ง ลื่ง แกะ กแช่แยว้ ม อางกีซยอง แกะพู ดี๊ อ จูง แด เว๊ ล้อ กแช่แยว้ ม โชะทะ เว๊ ลู่ง ซ้ะแน๊ล้อง ดี๊ แกะ มื้งแซย่ พี่ อ พูไช้ะ โอ นอ, ม ลี้ฌ้า เว๊ โกย้ๆ, ล้อ

อีซยา 63:9

ทน้ะ แบ กแช่แยว้ อ ซ้ะ, ลู่ง อ เว๊ อ ทน้ะทโน๊ง พ้า เลาพะ ฌ้อง ทมุ้คู พู พี่ โอ กแช่แยว้ อ เมะแซ พ้า นอ, แม้ช้า อ ซื๊งเว๊ เกม๊า อ พ้องพลิ้ กแช่แยว้ เทะนี่ไท้-อ้ะ ดี๊ อ ทเอทกวี้ง, ดี๊ อ ท ย๊างเซิงย๊างซ้ะ ล้อ กแช่แยว้ โชะทาง อ ซื๊งเว๊, ดี๊ ลี้ โชะ เว๊ ครึๆ, ลู่ง อไยะอเช้

เยเรมี 6:12

อ ซื๊งเว๊ อเด้าอล่าง นอ, ม แบ เกล๊าง เก ก้ะ โพล้ง แฌ้แพ อ เท่อ เลา ดี๊ อ ฆึ้ อ ไชะ ดี๊ อ แม๊ ปะ เมะเว๊ ก ม เยาฆ้าง ก จูง, ดึ้ซึ้ โพล้ง ที๊งล่างค่างพ้า นอ” กแช่ยาเว โล้ เว๊ บี่อี้ง ล้อ

เอเซเคียง 34:16

ก ม อางฆื๊งแคว่ แกะ พี่ อ ล้างแม่, ก ม เฌ๊ไท้ฌ้าไท้ ล ดื้ง แย๊ พี่ อ เฌ๊พลุ้, ก ม ไบ้ เอะ แกะ อ ฆีง พี่ อ แค่ ดี๊ ตไก้ยะ, ดี๊ ก ม แม้ชองทาง แกะ อไฌ่อแบ้ พี่ อ ล้างเพาล้างแช่, แบเด้าะ ก ม แม้เฌ๊ฌ้อง แกะ พี่ อ บองอืง, ดี๊ อชองอไคล๊, ก ม ลื่ง แคว่-อ้ะ ดี๊ ท อเกิ้งอแบ

ม้ะทู 12:20

บี่ ซุ้ ดี๊ พ่อง เบ้า ม แค่เทา เย้า, อ เว๊ ล แม้ เทะ เว๊ แบ ดี๊ มี เบ้า ม ล้างไพะ เย้า อ เว๊ ล แม้ ล้างไพะ เว๊ แบ ท่อง ท๊อง อ เว๊ ม เกม๊า ท เกิ้ง ท แบ น้า เท่อ

ลูกา 22:32

แบ เด้าะ ซีโมง-เอ้อ, จ ชูแพ เท่อ ลู่ง น ฌ่าง พี่ น ท ชู่ง ท นะ ล ล้างแม่ แบ, น เมะ เฌ๊ ไท้ ฌู แย้ เย้า นอ, แม้ ชอง ทาง ด๊างพื่งวี่ อ ซ้ะ นอ ไช้ะ”

ท​แม้ 20:27

จ ล อางกี ซูง ท น่าง เม้ง แบ, กแช่ แยว้ อ ทอางกี ล้าง โอ บี่ จะ เล้ นอ, จ โล้ น ซื๊ง เติ้งต้าง กุ้ อ เม้ง ล้อ

ท​แม้ 20:31

ท บี่ นอ, เกม๊า น ซื๊ง ปโล่ ล้าง น ซ้ะ เมะ ฌี้ ไช้ะ, นาง แบ แย้ พี่ จ ซอง จ ซ๊าง น ซื๊ง เลา มแน้ เลา มแช๊, จ เมะที๊ง เมะโน๊ง ล้าง แอ พ๊า นี่ ซ๊า เนง เย้า

ท​แม้ 20:35

จ ปล้ะ ล้าง เอะ น ซื๊ง อ ด้อง กุ้ อ เม้ง เย้า, ก แบ แม้ เท่อ น้ะ บี่ นอ, ก แบ แม้ช้า โพล้ง ลู่ง อ ไฌ่ แช่ แบ้ แช่ ล แพ นอ, นาง แบ ทาง ไท้ กแช่ เยซู อ ท ไคล้ พี่ อ ไจ้ะ เว๊, ‘ก เกล๊าง เอะ โพล้ง อ เท่อ ล โค๊ นอ, เก ทาง ท มึ เซิง มึ ซ้ะ ลู่ง ก ฌ่าง ดู นี่ ก นี่ แบ เท่อ ล โค๊ ล้อ’, ”

โรมา 12:1

ท บี่ นอ จ ด๊างพื่งวี่ ซีง-เอ้อ, ลู่ง กแช่ แยว้ อ ท ย๊างเซิง ย๊างซ้ะ อ กย้อง นอ, จ อวีงซ้ะชู้ เกม๊า น ซื๊ง เกล๊าง ล้าง ซ้ะ ดี๊-อ้ะ, เก บี่ ซุ้ ท ลื่ง ทาง พี่ อ โอ ดี๊ ท ม๊า, เกม๊า น อางกี ล้าง ซ้ะ พี่ ม แม้ อ เท่อ ดี๊ ม แบ อ ซ้ะ, อ นอ เก ท โบง ท แบ้ ลู่ง อ แบ พี่ น ซื๊ง เกิ้ง เทว๊ เอะ กแช่ แยว้

โรมา 14:1

โพล้ง พี่ อ ท ชู่ง ท นะ โอ ปี๊ ได้ะ นอ ฮะ นี่-อ้ะ ไช้ะ, พี่ อ เว๊ ช๊องมอง เกิ้ง แม้ บี่ จะ เล้ นอ, ติ้ โละ ไอ โละ ซ้ะ ดี๊-อ้ะ ล ฌี้

1​โคเรง 4:14

พี่ จ กวิ้ ไละ บี่ อี้ง นอ, ล เมะ จ แบ ซ้ะ เกม๊า น ซื๊ง ฌางแช้ แบ, แบเด้าะ จ แบ ซ้ะ ซอง น ซื๊ง แบ ด้อง จ ซอง จ พู ลู่ง จ เอ-อ้ะ

1​โคเรง 8:7

แบเด้าะ ท ซีงแฌ๊ บี่ อี้ง ล โอ ดี๊ โพล้ง กุ้ อ แฌ้ แบ, แบ แฌ้ๆ, โบง ทาง แบ้ ทาง ลี้ง ท เค่ง ท ฌ้าง เย้า, พี่ อซื๊งเว๊ อาง เท่อ บี่ นอ, ช๊องมอง เว๊ เก ทอาง ลู่ง โพล้ง ลื่ง ทาง ท เค่ง ท ฌ้าง, เต้ๆ, แบเด้าะ ท เม้ง เล้ แบ ท เม้ง เล้ แม นอ, อซื๊งเว๊ ล ซีงแฌ๊ ล้าง อ ซ้ะ ล้างเท่ง ล้างชิ้ ได้ะ แบ, ลู่ง อ อาง แบ ท ล แพ นอ, อซื๊งเว๊ซีงแฌ๊ ล้าง อ ซ้ะ ทอาง ล แพ อี้ง เก ท แบ อ้า ลู่ง อ ฌ่าง

กาลาเต 5:22

แบเด้าะ กแช่ แยว้ อ วีง ฌี้ แล้ แอว้ นอ, เกม๊า โพล้ง โอ ดี๊ ท เอ ท กวี้ง, ท ซ้ะอวีง ซ้ะโทะ, ท ฆู๊ง ท พุ้, โอ โก้ง เท่อ, โอ ดี๊ ท ย๊างเซิง ย๊างซ้ะ, โอ ดี๊ ท ฌี้ ท แอว้, เก โพล้ง โต้ โพล้ง ล้อง, เก โพล้ง ชาง ล้าง ซ้ะ, เก โพล้ง เอ้า เซิง เอ้า ซ้ะ, ทอางแม้เลา ล แบฆ้ะ ดี๊ ท ล แพ อี้ง แบ

เอเฟโซ 4:2

เกม๊า น ซื๊ง ชาง ล้าง ซ้ะ โอ ดี๊ เซิง ฌี้ ซ้ะ ช้า, โอ โก้ง โอ คุ้ เท่อ, ดี๊ โอ โก้ง โละ ซ้ะ ลู่ง ท เอ ท กวี้ง

เอเฟโซ 4:32

แบเด้าะ แบ โอ ดี๊ ท ย๊างเซิง ย๊างซ้ะ ดี๊ ท เซิงช้า ซ้ะช้า โละ ซ้ะ, ทื๊ง นี่ นะ นี่ โละ ซ้ะ ล ฌี้, บี่ ซุ้ กแช่ แยว้ ล ทื๊ง นี่ นะ นี่ น ซื๊ง แบ ปะ ลู่ง กแช่ เยซู คริ้ อ กย้อง นอ ล้อ

โคโลซี 1:28

ท บี่ นอ, ก โล้ ล้าง เท่อ แบฆ้ะ ดี๊ กแช่ เยซู คริ้ อ ไฌ่ เอะ โพล้ง กุ้ อ แฌ้, ก โล้ แบ-อ้ะ ดี๊ ซอง-อ้ะ ลู่ง ท โกง ซี มอง แบ กุ้ อ เม้ง, บี่ ซุ้ ม เกม๊า โพล้ง กุ้ อ แฌ้ เฌ๊ ลู่ง กแช่ แยว้ อ เมะแซ พ้า, เก โพล้ง ฌี้ โพล้ง แอว้ เมาน่าง ลู่ง กแช่ เยซู คริ้ อ ซุ้

2​เทซาโลนีเก 3:15

แบเด้าะ ทื๊ง-อ้ะ เก โพล้ง แช๊เมะ ไฌ๊ซ้ะ ล ฌี้, โล้ เอะ อ เท่อ บี่ ซุ้ ด๊างพื่งวี่ ล โค๊

1​ทีโมเท 3:3

ล เก โพล้ง ม้า ไซ้ะ แบ, ล แม้ ชอง แม้ จุ้ เท่อ แบ, แบเด้าะ เก โพล้ง เซิง ฌี้ ซ้ะ ช้า, แฌแซ ท ฆู๊ง ท พุ้, ล เก โพล้ง แด ที่ จี้ แบ

1​ทีโมเท 6:11

แบเด้าะ พี่ น เก กแช่ แยว้ อ เพล่ นอ, แม้ แบฆ้ะ ล้าง น ซ้ะ ดี๊ ท ล แพ อี้ง น่าง เม้ง ล ฌี้, เฌา แม้ เท่อ พี่ แบ กแช่ แยว้ อ ซ้ะ, เก โพล้ง แบ้ แยว้ เมาน่าง, โอ ดี๊ ท โต้ ท ล้อง, ท เอ ท กวี้ง, โก้ง เท่อ เก, ท เซิง ฌี้ ซ้ะ ช้า

2​ทีโมเท 4:2

เกม๊า น โล้ ล้าง กแช่ แยว้ อ ลู่ง อ แท๊, เฌาโละ แม้-อ้ะ เมาน่าง พี่ อ ช๊า อ โท่ โอ ฌี้ ล โอ แบ ฌี้, ไจ้ะ โพล้ง พี่ อ แม้ เท่อ ล แบ แบ, ฌ้อง โล้ เอะ-อ้ะ เมาน่าง, ดี๊ แม้ ชอง ทาง อ เซิง อ ซ้ะ, พี่ น ซอง ท ล แพ อี้ง นอ, ซอง-อ้ะ ดี๊ ท เอ้า เซิง เอ้า ซ้ะ ครึๆ

ทีต๊ะ 1:10

อ ไฌ่ บี่ อี้ง, โพล้ง โอ แอ แฌ้ ล ญ่อง ชาง ล้าง อ ซ้ะ แบ, ดี๊ อางโล๊ โพล้ง อ แฌ้แพ ดี๊ อ ท ไคล้ พี่ ล กลุ้ ล จ้ะ แบ, แอ ลู่ง เก โพล้ง ยู พี่ อ แม้ แบ ท ไฌ่ ไร้ะ ไฆวะ ไพ้ะ, ลู่ง อ ชู่ง ไท้ นะ ไท้ กแช่ เยซู คริ้

ทีต๊ะ 1:6

เมะ เว๊ แด ทอคูอแน่ นอ, แบ เก โพล้ง ลู่ง อ เม้ง มึ แซ ย้า, อ แม๊ แบ โอ ล แฌ้ ล้อ, อ พู นอ แบ โอ ดี๊ ท ชู่ง ท นะ, ล เก โพล้ง แม้ อ้า แม้ ซ๊าง เท่อ แบ, ล เก โพล้ง ลือ เท่อ แจว เท่อ แบ

ฮีบรู 12:12

ท บี่ นอ, น จูง พี่ อ ไฌ่ แช่ แบ้ แช่ นอ เกม๊า น เยา ทาง-อ้ะ, ดี๊ น คาง มู้โล่ง พี่ อ ล้างแช่ นอ เกม๊า น แม้ ชอง ทาง-อ้ะ

ฮีบรู 13:3

นาง แบ โพล้ง พี่ อ โอ ลู่ง พ้อง พ้า ล แพ นอ ไช้ะ, ช๊องมอง-อ้ะ บี่ ซุ้ น ซื๊ง แบซุ้ ฆึ ดี๊-อ้ะ ปะ, นาง แบ โพล้ง พี่ อ แบ ท แม้ น้ะ แม้ โน๊ง-อ้ะ ล แพ นอ ไช้ะ, ช๊องมอง-อ้ะ บี่ ซุ้ น ซื๊ง แบ น้ะ แบ โน๊ง ฆึ ดี๊-อ้ะ ปะ