1ซามูเอง 4:11 - Northern Pwo Karen Thai Bible

¹¹ ดี๊ กแช่แยว้ อ ไฮะ แบ ทแม้นี่-อ้ะ, ดี๊ เอลี อ พู คี๊ง แฌ้ เมะเว๊, โฮฟานี ดี๊ ฟีเนฮะ นอ ซี๊ง โย๊ ปะ

1ซามูเอง 4:11 ပူးပေါင်းရင်းမြစ်များ

ทอางปฆ้า 78:56

แบเด้าะ อซื๊งเว๊, แม้แคว่ดุ้ กแช่แยว้ ได้ะ, ดี๊ กไบล้ะ ดี๊ กแช่แยว้ พี่ ดูทึโท๊ทึ นอ ล ชู่ง กแช่แยว้ อลู่งอแท๊ แบ

ทอางปฆ้า 78:64

อ โพล้งลื่งเท่ออคู นอ, ล้างเทะเค้านี่ ดี๊ น้ะ ดี๊ อ โพล้ง มืงเม๊ นอ, ฌาง มองแบม้ะแบ เท่อ ลซีแบ

อีซยา 3:11

ท เซงทื่งเฌ๊ฌ้อง ม แบ โพล้งอ้าโพล้งซ๊าง, เมะเว๊ ทอ้าทซ๊าง ม กึทาง ดี๊-อ้ะ อไฌ่บี่อี้ง, อ เว๊ อ จูง นี่ แม้ เท่อ บี่จะเล้ นอ, ม แบ ทแม้ เอะ-อ้ะ บี่นอ ล้อ

เยเรมี 7:12

แบเด้าะ เกม๊า น ลี้ ลู่ง ก ทล่าง, พี่ โอ ลี้ง ลู่ง เว่ง ชิ้โล พ้า, พี่ อ ซ๊างคู อู้ง นอ, นี่ แม้ เกม๊า กเม้งกแซ โอ พี่ นอ, เกม๊า แคว่-อ้ะ, ลู่ง กพูกลี้ง อีซลาเอง อ ทอ้าทซ๊าง อกย้อง นอ, ก นี่ แม้ ท เม้งเล้ ดี๊ ทล่าง นอ

1ซามูเอง 2:31

แคว่เซ้อ ทอแค๊ นอ, ม เฌ๊ ท้อง พี่ จ กล้างเทะไฆวะ น จูง, ดี๊ กล้างเทะไฆวะ น แพ่ อ ชื้อ อ จูง, บี่ซุ้ โพล้ง ซ้ะแซย่ ม ล โอ ลู่ง น เด้าคูล่างพ้า แบ

1ซามูเอง 2:32

น ม แด ทคู่ทโฌ้ ลู่ง จ ล่างโอ พ้า, ดี๊ ทึเมะ จ แม้ ทอฌี้ เลาพะ เอะ โพล้ง อีซลาเอง ฌี้ นอ, โพล้ง ซ้ะแซย่ ม ล โอ ลู่ง น ชื้อ แกล้ พ้า ล้าแบ ล้างชู้ นอ ล้อ

1ซามูเอง 2:34

ดี๊ ท ล เม้ง อี้ง นอ, ม เก ทแม้ไน เอะ แน้, เมะเว๊ ม กึทาง ดี๊ น พู คี๊ง แฌ้ อี้ง, เมะเว๊ โฮฟานี ดี๊ ฟีเนฮะ, คี๊ง แฌ้ อี้ง นอ ม ซี๊ง ล นี้ง ฆ่าง

1ซามูเอง 3:12

ล นี้ง แย๊ นอ จ ม แม้ เท่อ กุ้ อ เม้ง พี่ จ ไคล้-อ้ะ, แบฆ้ะ ดี๊ โพล้ง ลู่ง เอลี อชื้ออชะ นอ, ท่อง อ ชิ้เทา ล โค๊ ลู่ง อ ต้องคู, ท้อง ลู่ง อ ไค๊ ทึ นอ ล้อ

1ซามูเอง 4:21

อ เว๊ กุ้ เอะ พืงแซ อ แคว๊ นอ อ เม้ง อีคาโบะ อ ไจ้ะเว๊, “กแช่แยว้ อโฌ่งอพ้าง ไจแดไฆวะ โพล้ง อีซลาเอง เย้า”, เมะเว๊ กแช่แยว้ อ ไฮะ แบ ทแม้นี่ก้ะ, ดี๊ เป๊งนี่ อ แว้ ซี๊ง ดี๊ อ มื้งแซย่ แคว๊ ซี๊ง อกย้องนอ ปะ