1ซามูเอง 28:7 - Northern Pwo Karen Thai Bible

⁷ ซาอู โล้ เอะ อ เพล่ดู ลแพ นอ ไจ้ะเว๊, “ลี้ อางฆื๊ง แคว่นี่ เอะ แย้ กมืง พี่ อ เก ตี้งน่าง นอ, บี่ซุ้ จ ม ลี้ฌูง-อ้ะ ดี๊ อางจ้ะ เท่อ ดี๊-อ้ะ”, อ เพล่ดู โล้ เอะ-อ้ะ ไจ้ะเว๊, “แคว่เซ้อ, ตี้งน่าง มืง โอ ล แฌ้ ลู่ง เฌง เองโด พ้า”

1ซามูเอง 28:7 ပူးပေါင်းရင်းမြစ်များ

2​กจุ้แฆว้ 6:33

พี่ เอลีชา ไคล้ ดี๊ อ ซื๊งเว๊ซีง ได้ะ นอ, แคว่เซ้อ, กจุ้แฆว้ เฌ๊ล้างฌูง-อ้ะ ดี๊ ไจ้ะเว๊, “ทอ้าทซ๊าง อี้ง เฌ๊นี่ ดี๊ กแช่ยาเว, จ ม โอคุ้แท๊ กแช่ยาเว ได้ะ แม้ ทเม้งเล้?”

1​ทกวิ้ไน 10:13

ซาอู ซี๊งทางนี่ ดี๊ อ กแช่ อ ทลโต้ลล้อง แบ นอ ล้อ, อ เว๊ ล โต้ลล้อง ดี๊ กแช่ยาเว แบ, แบฆ้ะ ดี๊ เท่อ พี่ อ เว๊ ล แม้โพะ กแช่ยาเว อ ทอางแบเลา อ ไค๊ แบ ดี๊ ลี้ อางฆื๊ง อางจ้ะนี่ เท่อ ดี๊ ตี้งน่าง

ทอางปฆ้า 83:10

โพล้ง พี่ แบ ทแม้ เฌ๊ฌ้อง, ลู่ง เว่ง เองโด โพล้ง พี่ เกทางก้ะ ทจูอืง, ลู่ง ฌางคูคู

อีซยา 19:3

ดี๊ โพล้ง อีไย้ะ อ ซ้ะ ม ล มึ แบ น้ะ มะ ลู่ง อ คี่งพ้าบ้องพ้า ดี๊ ก ม เกม๊า อ ท ช๊องมองเว้ทแม้ บีงบูงโช้งไท๊ อ ซื๊งเว๊ ม เปิ่ง ทเค่งทฌ้าง อ ท เนฌ้าโล้ฌ้า, ดี๊ โพล้ง ไคล้เดิง โพล้ง ซี๊ง อวีงอแล้ เลา ดี๊ โพล้ง ซูงล้าง เท่อ ดี๊ ซระ ทมื้งทแฆ่

เลวี​อ​ไฌ่ 19:31

“โพล้ง ชูเท่อแค่เท่อ ฌี้, โพล้ง อูง เท่อ ซี ล่อง เท่อ นึ อ มืง อ แคว๊ ฌี้ นอ, ลี้ฌูง-อ้ะ ล ฌี้อางฆื๊ง แคว่นี่-อ้ะ เกทาง ทแบอ้า ลู่ง น ฌ่าง, ลู่ง โพล้ง ลแพ อี้ง อกย้อง ล ฌี้ เฆาะ, เฆ้อ เมะเว๊ ยาเว น กแช่แยว้ ล้อ

ฮาบากุ้ 2:3

เมะเว๊ ทแดเว้ นอ, โอคุ้แท๊ อช๊าอโท่ ได้ะ อ ปชื่ง ลี้ ท้อง ท ฌ้องทางเกทาง อ ล คีงอูง แบ เมะ แคว่-อ้ะ โกย้ น้ะ นอ, เกม๊า โอคุ้แท๊ ล ชู่ อ ม เฌ๊ ท้อง เต้ๆ, ล้อ, แบซีงลู่ง ล โกย้ น้ะ กชุ้ แบ

ท​แม้ 16:16

โอ ล นี้ง ก ลี้ ลู่ง โพล้ง ยู ชูแพ เท่อ อ ล่าง, พี่ ก ลี้ เกล้ นอ ต้องนอง โละ ซ้ะ ดี๊ โพล้ง มืง พู เก ท อ ฆ่อง ล แฌ้, ท มื้งแฆ่ ทาง อ ล้อง, อ เว๊ พ้ะเว้เท่อ ซี เต้ๆ, ลู่ง อ พ้ะเว้เท่อ อ กย้อง นอ อ กแช่ ซีง ล มู๊ง นอ นี่ แบ จี้ ดู มะ ล้อ

โล้​ล้างที๊ง​ทอางแม้เลา 18:11

เก ซระ โฌ๊ ไจ ทมื้งแฆ่ ล ฌี้, เก ตี้งน่าง ล ฌี้, เก ทมื้งแฆ่ อ คู ล ฌี้ ดี๊ เก ซระ อูงไต้ะ แม้ไต้ะ เท่อ ล ฌี้

โยชูวา 17:11

ลู่ง อีซาคา ดี๊ อาเชอ อ ค่างช๊า พ้า นอ, โอ ดี๊ มานาเซ อ เว่ง, เมะเว๊ เบะชาง โอ ดี๊ เฌง วะ เว่ง ล จองๆ, นอ ปะ, ดี๊ เว่ง อีเลอาง, โอ ดี๊ เฌง วะ เว่ง ล จองๆ, นอ, ดี๊ โพล้ง เว่ง โด โอ ดี๊ เฌง วะ เว่ง ล จองๆ, นอ, ดี๊ โพล้ง เว่ง เองโด, โอ ดี๊ เฌง วะ เว่ง ล จองๆ, นอ, ดี๊ โพล้ง เว่ง ทาอานา, โอ ดี๊ เฌง วะ เว่ง ล จองๆ, นอ, ดี๊ โพล้ง ลู่ง เว่ง เมกีโด, โอ ดี๊ เฌง วะ เว่ง ล จองๆ, นอ, (ซ๊า เว่ง ล เว่ง นอ เมะเว๊ นาฟ้ะ)

1ซามูเอง 28:3

ท่อง ซามูเอง ซี๊งไฆวะ เย้า นอ, โพล้ง อีซลาเอง กุ้ แฌ้ มองแบ เว๊, ดี๊ เคิงล้างบ้า เว๊ อ จู ลู่ง อ กแช่ อ เว่ง รามา พ้า ดี๊ ซาอู นอ แม้ซี๊งไฆวะ กเย่ ตี้งน่าง, ดี๊ ซระแคว่มื่งแคว่แล้, ลู่ง ที๊งล่างค่างพ้า นอ