1ซามูเอง 20:9 - Northern Pwo Karen Thai Bible

⁹ โยนาทาง ไจ้ะเว๊, “เกม๊า แม้ อ ซ้ะ บี่นอ, ลู่ง น ฌ่าง ล ฌี้ เฆาะ, จ เมะ ซีงแฌ๊-อ้ะ เต้ๆ, จ แพ่ ช๊องมอง ทอ้าทซ๊าง ลู่ง น ฌ่าง นอ, จ ม ล ลี้ โล้ เอะ แน้ แบ-อ้า?”

1ซามูเอง 20:9 ပူးပေါင်းရင်းမြစ်များ

1ซามูเอง 19:2

ดี๊ โยนาทาง โล้ เอะ ดาเว ไจ้ะเว๊, “จ แพ่ ซาอู เฌา อางฆื๊ง เกล้ พี่ ม แม้ซี๊ง แน้, ทบี่นอ, ลู่ง โฌ้ โฆะ ปโล่ล้าง น ซ้ะ เมะ ฌี้, โอ-อ้ะ ลู่ง ท กดื้งกทะ พ้า, อางกีซูงล้าง น ซ้ะ

1ซามูเอง 19:3

ดี๊ จ ม ลี้ทาง ชี๊เทิง โอ ลู่ง จ แพ่ อ ฌ๊างไท้ะ, ลู่ง ญ้าง พ้า ทเคแกล้ พี่ น โอ-อ้ะ นอ, ดี๊ จ ม ไคล้ ดี๊ จ แพ่ แบฆ้ะ ดี๊ แน้, จ เมะ ซีงแฌ๊ เท่อ เม้ง ฌี้ๆ, นอ, จ ม โล้ เอะ แน้ ม๊า น ซีงแฌ๊”

1ซามูเอง 20:10

ฌ้อง นอ ดาเว โล้ เอะ โยนาทาง ไจ้ะเว๊, “น แพ่ เมะ ไคล้ช๊า แน้ ชองโฆะ นอ, โพล้ง เล้, ม โล้ เอะ แย้?”

1ซามูเอง 20:38

ดี๊ โยนาทาง โล้ จู้ พืงแซ นอ ไจ้ะเว๊, “ปชื่ง ลี้-อ้ะ เมะ เพล, โอโท๊ ล ฌี้”, ฌ้อง พืงแซ พี่ โอ ดี๊ โยนาทาง นอ, ลี้ แม้นี่ คลีง แช ดี๊ เฌ๊ไท้ฌูงไท้ อ เซงคู

1ซามูเอง 20:42

โยนาทาง ไคล้ ดี๊ ดาเว ไจ้ะเว๊, “เกม๊า น ลี้ ดี๊ ทมึทพ้า, เมะเว๊ เฆ้อ คี๊ง แฌ้ อี้ง, ก นี่ อืงล้าง เท่อ ลู่ง กแช่ยาเว อ เม้ง เย้า บี่อี้ง, ‘กแช่ยาเว ม เก พีงญาง เอะ แย้ ดี๊ แน้, ดี๊ เก พีงญาง เอะ จ คลี๊ง จ แซ, ดี๊ น คลี๊ง น แซ ล้างชู้ ล้างแกย’, ”, ดาเว เฌ้เทิงทาง ลี้ ไฆวะ ไวะ, ดี๊ โยนาทาง นอ ลี้ฆ้าง ลู่ง เว่ง พ้า ไวะ นอ ล้อ

1ซามูเอง 20:8

เกม๊า น เนโพลทาง ทเอ ลู่ง อเฌิ่งอค๊า เอะ น เพล่, บี่ซุ้ ดี๊ น เฌ๊ฌ้า น เพล่, เฌ๊ นึฆ้าง ลู่ง กแช่ยาเว อ ทเอิ้งล้าง พ้า ดี๊ แน้, แบเด้าะ จ ทไพ้ะทแม เมะ โอ นอ, เกม๊า น แม้ซี๊ง แย้, แม้ทเล้?, น ม ลี้ฌ้า แย้ เกม๊า เอะ น แพ่”