1ซามูเอง 20:8 - Northern Pwo Karen Thai Bible8 เกม๊า น เนโพลทาง ทเอ ลู่ง อเฌิ่งอค๊า เอะ น เพล่, บี่ซุ้ ดี๊ น เฌ๊ฌ้า น เพล่, เฌ๊ นึฆ้าง ลู่ง กแช่ยาเว อ ทเอิ้งล้าง พ้า ดี๊ แน้, แบเด้าะ จ ทไพ้ะทแม เมะ โอ นอ, เกม๊า น แม้ซี๊ง แย้, แม้ทเล้?, น ม ลี้ฌ้า แย้ เกม๊า เอะ น แพ่” အခန်းကိုကြည့်ပါ။ |
อะซาโลง ไคล้ช๊า โยอะ ไจ้ะเว๊, “แคว่เซ้อ, จ โซ๊ง โพล้ง ลี้ โล้ แบ แน้ จ ไจ้ะ, ‘เฌ๊ ลู่ง อี้ง แดเทา, จ ม โซ๊ง แน้ เกม๊า ลี้ฌูง กจุ้แฆว้ โล้ เอะ-อ้ะ บี่อี้ง, “น เกม๊า จ เฌ๊ไท้ แดไฆวะ ลู่ง เกชู แม้ ทเม้งเล้?, จ โอ พี่ นอๆ, ฌี้ ลโค๊”, ค๊องเนงอี้ง, เกม๊า เฆ้อ ก ลี้ฆ้าง ลู่ง กจุ้แฆว้ อ เมะแซ พ้า, ก ทไพ้ะทแม เมะ โอ เม้งๆ, นอ เกม๊า อ เว๊ แม้ซี๊ง เฆ้อ เฆาะ’, ”
ดาเว ลี้ทาง ฌู-อ้ะ, ดี๊ ไคล้ เว๊ ดี๊-อ้ะ ไจ้ะเว๊, “ น ซื๊งซีง เมะ เฌ๊ฌูง แย้ ดี๊ ทมึทพ้า, บี่ซุ้ ม แม้ช้า แย้ นอ, จ เซิง จ ซ้ะ ม เจ้บึ้ ซ้ะ ดี๊ น ซื๊ง, แบเด้าะ น เมะ เฌ๊ บี่ซุ้ ม อางแช๊ แย้ เอะ จ ดีง จ แด้, พี่ ทไพ้ะทแม ล โอ ลู่ง จ จูง พ้า น่าง เม้ง แบ นอ, เกม๊าเต้ กพี๊งกพู๊งลู่งแย๊ อ กแช่แยว้ นอ แคว่ เว๊, ดี๊ ต้ะเซ๊ง เว๊”
จ เมะ เก โพล้ง ลู่ง อ แม้ ไพ้ะ เท่อ, ดี๊ จ เมะ แม้ ไพ้ะ แบ เท่อ ล เม้งๆ, เกิ้ง ลู่ง จ แบ ซี๊ง นอ จ ม ญ่อง ซี๊ง เว๊ เซ้อ, จ ล ไคล้ เท่อ น่าง เม้ง แบ, แบเด้าะ พี่ อซื๊งเว๊ ฟ่อง แย้ อี้ง เมะ ล ที๊ง ล โต้ แบ นอ โพล้ง ม อ้ะล้าง แย้ ดี๊ อซื๊งเว๊ ล ซี น่าง แฌ้ แบ ล้อ, จ แบ ซ้ะ เกม๊า ซีซา ไคล้ ฌ้อง เอะ จ คว่าง ล้อ”