1ซามูเอง 19:1 - Northern Pwo Karen Thai Bible

¹ ซาอู โล้ เอะ อ พูแคว๊ โยนาทาง, ดี๊ กเย่ อ กดูกแซย่ ลแพ นอ เกม๊า แม้ซี๊งไฆวะ ดาเว, แบเด้าะ ซาอู อ พูแคว๊ โยนาทาง นอ เอ ดาเว เต้ๆ

1ซามูเอง 19:1 ပူးပေါင်းရင်းမြစ်များ

ทอคางไท้ะ 37:18

ท่อง อ โจ้ ซีง ลแพ, แดจู้ โยซิ้ ไย้ โยะ ได้ะ, พี่ เฌ๊ ล ท้อง ได้ะ แบ นอ, อซื๊งเว๊ ช๊องมอง อ้า เท่อ, ม แม้ซี๊งไฆวะ เว๊

2​ซามูเอง 4:8

อ ซื๊งเว๊ คี๊ง แฌ้ นอ, ลี้ โชะ อีโบเช อ คูฆีง นอ เอะ ดาเว, ลู่ง เว่ง เฮโบรง พ้า, โล้ เอะ กจุ้แฆว้ ไจ้ะเว๊, “อ อี้ง นอ เก อีโบเช อ คู ฆีง, เมะเว๊ ซาอู พี่ เก น ดีง น แด้ นอ อ พูแคว๊, พี่ อ แบซ้ะ อางฆื๊ง แม้นี่ น ทโอม๊า ล แฌ้ นอ, กแช่ยาเว แม้แก คิ้ ไท้ เอะ จ เซงคู กจุ้แฆว้ ล นี้ง แย๊ อี้ง, ลู่ง ซาอู ดี๊ อคลี๊งอแซ นอ อ แกล้”

1ซามูเอง 18:1

พี่ ดาเว โล้ แบ ซาอู ฌ้อง เย้า นอ, โยนาทาง อ เซิง อ ซ้ะ แบ โละอซ้ะ ดี๊ ดาเว, ดี๊ โยนาทาง เอ ดาเว, ด้องซุ้ เอ ล้างไท้ อ กแช่ อ ซ้ะ

1ซามูเอง 18:25

ฌ้อง ซาอู โล้ เว๊, “เกม๊า น ไคล้ ดี๊ ดาเว บี่อี้ง, ‘กจุ้แฆว้ ล แบซ้ะ นี่ ทอโน้งอช้า น่าง เม้ง แบ, ม แม้ เว๊ ที่ โพล้ง ฟีลีเตีย อ ที คู ไพ้ะ เมาะ ล แย้ ล้อ, บี่ซุ้ กจุ้แฆว้ ม แม้แกไท้ แบ อดีงอแด’, ”, ซาอู ช๊องมอง เว๊, ม เกม๊า ดาเว ซี๊ง ดี๊ โพล้ง ฟีลีเตีย อ จูง

1ซามูเอง 18:3

ฌ้อง นอ, โยนาทาง แม้ ทเอิ้งล้าง ดี๊ ดาเว, เมะเว๊, เอ เว๊ ด้องซุ้ เอ ล้างไท้ อ กแช่ อ ซ้ะ ล้อ

1ซามูเอง 18:8

ซาอู อ ซ้ะ เฌ๊ทาง น้ะมะ, ทไคล้ พี่ โพล้ง ซ้ะอวีง แท๊ นอ, ล แบ อ ซ้ะ แบ เฆาะ, อ เว๊ ไจ้ะเว๊, “โพล้ง อางปฆ้า ดาเว, ไจ้ะเว๊ แม้ซี๊ง โพล้ง อ แฌ้ อ ไซ พ้า, เมะ ยี๊แด นอ, อ ซื๊งเว๊ ไจ้ะเว๊ แม้ซี๊ง โพล้ง อ แฌ้ อ ม๊า พ้า เฆาะ, โอก้ะที่ มื่งบ้าง ล เม้ง ล้อ, พี่ ดาเว ล นี่ เว๊ ได้ะ แบ”

1ซามูเอง 18:9

ท๊อง ล นี้ง แย๊ นอ, ซาอู คุ้ แคว่ฌูงดุ้ ดาเว ครึๆ

1ซามูเอง 19:2

ดี๊ โยนาทาง โล้ เอะ ดาเว ไจ้ะเว๊, “จ แพ่ ซาอู เฌา อางฆื๊ง เกล้ พี่ ม แม้ซี๊ง แน้, ทบี่นอ, ลู่ง โฌ้ โฆะ ปโล่ล้าง น ซ้ะ เมะ ฌี้, โอ-อ้ะ ลู่ง ท กดื้งกทะ พ้า, อางกีซูงล้าง น ซ้ะ

1ซามูเอง 20:1

ดาเว ไจแดไฆวะ นาโยะ เว่ง รามา พ้า, ดี๊ เฌ๊ โล้ เว๊ ลู่ง โยนาทาง อ เมะแซ พ้า ไจ้ะเว๊, “จ แม้ แบ ทเม้งเล้?, ทเม้งเล้, เก จ ทไพ้ะทแม?, ดี๊ จ แม้ ทเด้บ้ะ แบ น แพ่ บี่จะเล้?, อ เว๊ แบ อ ซ้ะ แม้ซี๊ง มะ แย้?”

1ซามูเอง 20:19

พี่ น โอ ท้อง ซ๊า นี้ง เย้า นอ, กี๊ตโฌ้ ล นี้ง นอ เกม๊า น ลี้ล้าง เมะ เพล, ลี้ ลู่ง ทล่าง พี่ น โอคุ้ซูง ลี้ง เท่อ, ลู่ง มื่ง นี้ง พี่ ทกึทาง อ ซ้ะ อี้ง, ดี๊ โอ-อ้ะ ลู่ง ไล๊ เอเซง ฌ๊างไท้ะ นอ